San Mateo 27:2 - TÄ̧DO Ä̧CUÄ̧ I̧HUȨNȨ

² Cuoräusanä nö'cätö'cotö, ȩpö̧ ttiyinäcudo ru̧hua̧ Poncio Pilatorö.

Nuevo Testamento Uwotjüja

² Jua̧u̧nü̧ o'ka'a nü̧'kä'kotü ȩpü̧ iyinä̧tü̧ Roma-ttü̧ wȩ'ä̧wa̧ ru̧wa̧ Pilato-rü.

San Mateo 27:2 Iomraidhean Croise

San Mateo 20:19

Ja̧'hua̧ta̧nö̧ korotörö, judíos huocotörö, ttiyäcuotö suronä ucuocu, cuäcuäpö, daunä pȩ'o̧pö̧, ttu̧ju̧na̧rö̧ pä'ö. Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä, 'corupäi'ö o'ca'a tto̧ä̧chä̧cua̧, —pä'inödo.

San Mateo 28:14

Ja̧'hua̧ta̧nö̧ cu̧ru̧hua̧ pi̧yȩ huȩnȩ ä̧ju̧cu̧ttu̧mä̧, ujutumä ja̧u̧ru̧ tucuocuäcuotöjä, ucuturu ö̧tä̧bo̧tö̧ juiya pä'ö, —pä'inätödo.

San Lucas 13:1

Ja̧u̧nu̧tä̧ pä̧nä̧ korotömä, ru̧hua̧ Pilato Galilea rȩjȩ ttö̧ja̧rö̧ cuä'ö icuinö huȩnȩ, Jesúsru ji'äu ichi'inätödo. Ttö̧ja̧ ttucuojacu, äji cuäcuähuotö sacrificio jȩtta̧ pä'ö cuättäjä̧u̧ ttucuojacu ttihuatina'a ji'ähuinätödo.

San Lucas 20:20

Korotörö, adihuä isotö a̧'cua̧rä̧tö̧rö̧ hue'inätödo Jesúsru koro juäi jättepa pä'ö ru̧hua̧rö̧ ttiyarö pä'ö.

San Lucas 23:1

Ja̧'hua̧ ja̧'a̧ttö̧ o'ca toi'önä ä̧rä̧mi̧'ö̧, ȩpi̧nä̧tö̧do Jesúsru Pilato ä'ca jo̧mȩ.

San Lucas 23:12

Ja̧u̧nu̧ mo̧ro̧ kä̧mä̧dö̧ Herodescu, Pilatocu esehuinätödo ka̧ra̧ ka̧ra̧rö̧'i̧nä̧. Pä'äji ra̧huä̧ri̧nä̧tö̧do ka̧ra̧ ka̧ra̧rö̧'i̧nä̧.

San Lucas 3:1

Ttö̧jä̧pö̧ttö̧nö̧ ji̧mö̧tȩ jähuä a̧'ȩ ru̧hua̧ ö̧ja̧'a̧mä̧, ji̧nä̧ isocu hueähuä i̧sa̧ ru̧hua̧ Tiberio pi̧nö̧do. Poncio Pilatomä Judea rȩjȩ ru̧hua̧ pi̧nö̧do. Herodesmä Galilea rȩjȩ ru̧hua̧ pi̧nö̧do. Ö̧jä̧hua̧ Felipemä Iturea rȩjȩ'i̧nä̧, Traconite rȩjȩ'i̧nä̧ ru̧hua̧ pi̧nö̧do. Ja̧'hua̧ta̧nö̧ Lisaniasmä Abilinia rȩjȩ ru̧hua̧ pi̧nö̧do.

San Juan 18:12

Su̧ro̧da̧u̧cu̧, ttu̧ru̧hua̧cu̧'i̧nä̧, judíos ttö̧ja̧ hueähuä ruhuä'inä Jesúsru 'chu'ädö, ttönö'quinäcudo.

San Juan 18:24

Ja̧u̧nu̧ o'ca'a Jesús nö̧'cä̧hua̧ ö̧ja̧'a̧nä̧, Anás hue'inödo ja̧u̧ru̧ Caifásrö, ji̧nä̧ isocu sacerdotes ttu̧ru̧hua̧rö̧.

San Juan 18:28

Ja̧u̧nu̧ o'ca'a Caifás ojusodettö rä'opö, ji̧nä̧ isocu ttö̧ja̧ ttu̧ru̧hua̧ ojusodera̧'a̧ ȩpi̧nä̧tö̧do Jesúsru. Juhua'a tti̧'cho̧mȩnä̧, pä'ötä mo̧ro̧ juoina'ado. Jitötä judíos ttö̧ja̧, ru̧hua̧ ojusodenä jacuoju do'ächocotö pi̧nä̧tö̧do. Jahuätö amöcuädinätödo: Jacuoju ti̧'chö̧ttö̧mä̧ tamönä iditäcuähuätöjä. Ja̧'hua̧nö̧ jȩpö̧, pascua fiesta ttu̧cuȩ ttucuomettö cuocotöjä, pä'ö amöcuädinätödo judíos ttö̧ja̧. Ja̧'hua̧nö̧ ja̧'a̧ttö̧ ru̧hua̧ ojusodenä do'ächocotö pi̧nä̧tö̧do.

Hechos 12:6

Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do.

Hechos 21:33

Ja̧'hua̧nö̧ ja̧'a̧ su̧ro̧da̧u̧ ttu̧ru̧hua̧ tö'cö 'chä̧hui̧'ö̧ Pablorö 'chu'ädinödo. Cuoräu osa tosarenä ja̧u̧ru̧ ttönö'ca pä'ö hue'äji'ca̧ jä'epinödo: —¿Dijä̧ttö̧ pidemä? ¿Däje jȩä̧jä̧ttö̧?

Hechos 22:25

Pablorö cuäcuätta pä'ö ttönö'cäji o'ca'a, Pablo ippeyä ru̧hua̧rö̧, ju̧huȩnȩtä̧ kö̧rö̧, jä'epö ä̧ju̧cui̧nö̧do: —Ttörö romanos ttö̧ja̧ i̧sa̧rö̧, ttö̧ja̧rö̧ tä̧bo̧cuä̧ ru̧hua̧ jä'epö ä̧ju̧cuo̧ca̧'a̧nä̧, ¿cuäcuäcu'ätucu'a̧nö̧ ja̧'a̧ tä̧ji̧?

Hechos 22:29

Pablorö cuäcuätta pä'ö amöcuädätömä Pablo ippeyättö yotäcu pporächi'inätödo. O'ca toi'önä, su̧ro̧da̧u̧ ttu̧ru̧hua̧'i̧nä̧, ja̧u̧ romanos ttö̧ja̧ i̧sa̧ ja̧'a̧ ttu̧huo̧juo̧mȩnä̧, ye'ecue'inätödo ja̧u̧ru̧ ttönö'cäja'attö.

Hechos 24:27

Todäre a̧'ȩ ja̧'hua̧nö̧ 'cuäopina'ado. Ja̧'hua̧nö̧ ja̧'a̧ Félix ru̧hua̧ ö̧jä̧'i̧jo̧mȩ ka̧ra̧rö̧ hue'inätödo, Porcio Festo pä'ö mi̧cua̧rö̧. Félix judíos ttö̧ja̧ ja̧u̧ru̧ adiu ttamöcuäda päa'attö, ji̧nä̧ cärenä ö̧'a̧'a̧nä̧ Pablorö tta̧ttä̧ra̧ pä'ö hue'ipinödo.

Hechos 28:20

Ja̧'hua̧nö̧ ja̧'a̧ttö̧ ucuturu huopäjisä ucuturu topö chucuocua pä'ö. Ujutu Israel ttö̧ja̧ esetö tta̧tä̧rä̧cu̧ru̧ jidähua'attö, pisa cuoräusanä nö̧'cä̧hua̧sä̧, —pä'inödo Pablo.

Hechos 3:13

Ja̧'hua̧nö̧mä̧cö̧. Ujutu tä̧do̧tö̧ mi̧nä̧ Abraham'inä, Isaac'inä, Jacob'inä Ttä̧do̧ ä̧cua̧ Dios hue'inö o'ca toi'önä ttucuota pä'ö I̧tti̧ Jesúsru. Ja̧u̧ru̧ ucutu iyö icuinätöjä. Ja̧'hua̧ta̧nö̧ ja̧u̧ru̧ ucutu kö'cocotö pi̧nä̧tö̧jä̧, ru̧hua̧ Pilato ja̧u̧ru̧ ejädö icua päa'anä.

Hechos 4:27

“Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.

1 Timoteo 6:13

Jitämä Dios, o'ca toi'önärö tta̧'cua̧rö̧ iyähuä i̧sa̧ ä'ca jo̧mȩttö̧, Tu̧ru̧hua̧ Jesucristo, Poncio Pilatorö adihuä i̧huȩnȩ ji'ähuinö ä'ca jo̧mȩttö̧, ucuru hue'ösä.

2 Timoteo 2:9

Ja̧u̧ huȩnȩ jidähua'attö, suronä jȩpä̧tö̧ ubara ttutta'a jä̧'i̧nö̧'a̧nö̧, ubara ttu'usä cärenä pä̧nö̧. Ja̧'hua̧nö̧ ja̧'a̧nä̧ Dios i̧huȩnȩ be'epäjipö icuocotö.

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.