San Mateo 26:53 - TÄ̧DO Ä̧CUÄ̧ I̧HUȨNȨ

⁵³ ¿Ucutu jerupätöjä tä̧ji̧? Chä'orö jädepöttömä, jitä ángeles recuätörö hueö'a̧nö̧ ttörö tta̧ttä̧ra̧ pä'ö.

Nuevo Testamento Uwotjüja

⁵³ ¿Ukutu kuamükuädätukumä̧ Chä'orümä̧ doce-nü̧ wotü á̧gȩrȩ-rü̧mä̧, ttumüwäyotuku weattü pä'ü jädepüttümä̧, weü juiyü'anü̧ ja̧'a̧?

San Mateo 26:53 Iomraidhean Croise

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Mateo 4:11

Ja̧'hua̧ ja̧'a̧ ähuettämä rä'opächinödo Jesús ö̧jo̧mȩttö̧. Ja̧u̧nu̧ o'ca'a ángeles ichö ppä'ädinätödo Jesúsru.

San Marcos 5:15

Täcö Jesús ö̧jo̧mȩ tti̧'chi̧'o̧mȩnä̧, espíritus suropätörö pä'äji ku̧nä̧rä̧ji̧rö̧ topinätödo ö̧'a̧'a̧ ö̧'ca̧tä̧huä̧ta̧ 'ca̧tä̧hua̧. Ja̧'hua̧ta̧nö̧ a̧di̧hua̧tä̧ pi̧nö̧do. Ja̧'hua̧nö̧ topö ye'ecuinätödo.

San Marcos 5:9

Jesús jä'epinödo: —¿Tta̧'a̧nö̧ mi̧cua̧jä̧ cui̧mi̧mä̧? Ja̧'hua̧nö̧ päcu ädätinödo: —Chi̧mi̧mä̧ recuätö mi̧cua̧sä̧, recuätö tö̧ja̧cua̧'a̧ttö̧.

San Lucas 8:30

Jesús jä'epinödo: —¿Tta̧'a̧nö̧ mi̧cua̧jä̧ cui̧mi̧mä̧? Ja̧'hua̧nö̧ päcu ädätinödo: —Chi̧mi̧mä̧ recuätö mi̧cua̧sä̧. Ja̧'hua̧nö̧ pä'inödo recuätö espíritus suropätö ttö̧ja̧cuä̧cu̧ pä'ö.

San Juan 10:18

Yoröiso cha̧'cua̧rö̧ jȩpö̧ icuocotö. Ttörötä pä̧huä̧ rö̧jo̧mȩnä̧ iyösä cha̧'cua̧rö̧. Ttö 'corupädi'a'anä'inä pä'äji ta'anö ttörötä pä̧huä̧ rö̧jo̧mȩnä̧, tto'ächi'ö'ca̧ chö̧jä̧cua̧sä̧. Ja̧'hua̧nö̧ hueinäcusä Chä'omä, —pä'inödo Jesús.

San Juan 18:36

Ja̧u̧nu̧ o'ca'a Jesús ädätinödo Pilatorö: —Ttö huedömä pi̧jä̧nä̧mä̧cö̧. Ja̧'hua̧nö̧ jö̧ttö̧mä̧ ttö chumöhuäyotö rohuähuajatö, judíos ttö̧ja̧ ttörö ttȩpö̧ juiya pä'ö. Ja̧'hua̧nö̧ ja̧'a̧nä̧ ttö huedömä pȩnȩmä̧cö̧.

2 Tesalonicenses 1:7

Ucutu ubara ttu'ätörö'inä, ujuturu'inä 'cuätächi'a pä'ö ppädäcuotöjä Diosmä, Tu̧ru̧hua̧ Jesús ocuräcu, ángeles juruhuätöcu mo̧ro̧jä̧ra̧'a̧ttö̧ ichö mo̧ro̧ päi'omenä.

Judas 1:14

Adán ä'canä ki̧nö̧do. Adán isotöttö uhuäpächinätö ji̧mö̧tȩ ruhuä. Ttuhuäpächinö o'ca'a, ki̧nö̧ Enoc pä'ö micuinö. Ja̧u̧ Enoc Diosrö jarode'ätörömä Dios päinö ji'äu pa̧'a̧nö̧ pä'inödo. “Topinösä Tu̧ru̧hua̧ ichomenä 'cuäopä̧cuȩ. Recuätö ángelescu ichinö o'ca toi'önärö Diosrö jarode'ätömä ttu̧huo̧jua̧ pä'ö o'ca juiyö ttöarodö jȩä̧cuä̧huä̧ jarode'ö jȩtti̧nö̧'i̧nä̧, o'ca juiyönä suräjuä huȩnȩ Diosrö jarode'ö ttucuocuinö'inä. Jahuätö o'ca toi'önärö ö̧tä̧bo̧ta̧ pä'ö ichinö.”