San Mateo 26:39 - TÄ̧DO Ä̧CUÄ̧ I̧HUȨNȨ

³⁹ Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

Nuevo Testamento Uwotjüja

³⁹ Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

San Mateo 26:39 Iomraidhean Croise

San Mateo 20:22

Ja̧'hua̧ ja̧'a̧ Jesús ädätinödo: —Jäcuhue'ätucumä yoröiso jerupätöjä. Ttö ubara ttudu ta'anö, ¿ubara ttucuhuäcuotöjä tä̧ji̧ ucutumä? Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Lucas 17:16

Jesús ä'ca jo̧mȩ ihue'quiyunä kä̧mä̧dö̧, ö'ä rȩjȩ becuächönä ja̧rȩyu̧nu̧ pä'i'inödo, adihua'a päa'attö. Ja̧u̧mä̧ Samaria rȩjȩ ttö̧ja̧ i̧sa̧ pi̧nö̧do.

San Juan 11:41

Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.

San Juan 18:11

Ja̧'hua̧nö̧ jȩo̧mȩnä̧, Jesús Pedrorö pä'inödo: —Cucurodä hua'adö ku̧ni̧. Chä'orö pä̧huä̧ rö̧jö̧ttö̧mä̧ pi̧yȩ surojö 'cuädopa pä'ö, ¿ja̧u̧ru̧tä̧ amöcuädö 'cuädopö juiyäcua'a tä̧ji̧?

San Juan 5:19

Ja̧'hua̧ ja̧'a̧ttö̧ Jesús pä'inödo jahuätörö: —Iso päi'önä pä'ösä ucuturu, Dios I̧tti̧ chutä amönä amöcuädömä, yoröiso jȩpo̧cö̧. Chutä Jä'o jȩö̧ tomenä, ja̧u̧ juäi jȩpö̧ chu'inä. O'ca juiyönä Jä'o jȩö̧mä̧, I̧tti̧'i̧nä̧ ja̧'hua̧ta̧nö̧ jȩpö̧.

San Juan 5:30

Juhua'a yabonö pä'inödo Jesús: —Ttötä chamönä chamöcuädomenä, yoröiso jȩpo̧cö̧sä̧. Ttörö hueö'a̧nö̧ pä'ösä. Ja̧'hua̧ta̧nö̧ adiunätä pä'ösä. Ttörötä pä̧huä̧ rö̧jö̧tä̧ jȩcha̧ pä'ocösä. Chä'o, ttörö hue'inörö pä̧huä̧ rö̧jö̧tä̧ jȩcha̧ pä'ösä.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

Hechos 10:25

Pedro Cornelio ojusodenä doächi'omenä, Cornelio ja̧u̧ru̧ te'ähuinödo ihue'quiyunä kä̧mä̧dö̧ ja̧rȩyu̧nu̧ pä'i'ö.

Filipenses 2:8

Ja̧u̧mä̧ ttö̧ja̧ i̧sa̧ ja̧'a̧nä̧, ji̧nä̧ isocu usurä i̧sa̧ ta'anö ki̧nö̧do. Ja̧u̧ o'ca juiyönä hueähuä'inä, uhuapare'inä jȩpi̧nö̧do. Ja̧u̧mä̧ dau isodänä kä̧nö̧ 'corupä'i'inödo.

Hebreos 5:7

Cristo pi̧jä̧nä̧ ö̧jä̧i̧, juruhuächi'ö ajuäunu, Diosrö jä'epö ucuocuinödo. Diosrö, 'corupäi'äcuähuä jȩpö̧ icu'a̧nö̧ hua̧rö̧, ajuäunu i̧huȩnȩ pä̧i̧cu̧nä̧ ucuocu jä'epinödo. Ja̧'hua̧nö̧ ucuotönö jäepomenä, Dios ä̧ju̧cui̧nö̧do.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.