San Mateo 26:3 - TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, judíos ttö̧ja̧ ancianos huotö'inä ca̧ca̧cui̧pi̧nä̧tö̧do Caifás ojusode u̧mi̧ i̧so̧ca̧nä̧. Ja̧u̧mä̧ Caifás, sacerdotes ttu̧ru̧hua̧ pi̧nö̧do.

Nuevo Testamento Uwotjüja

³ Ja̧'wa̧nü̧ 'kuäopa'anä̧, sacerdote wotü tturuwotü'i̧nä̧, judío-ttü a̧ci̧a̧nu̧ wotü'i̧nä̧, sacerdote wotü ttu̧ru̧wa̧ Caifá uruwo isodenä̧ ka̧ka̧kui̧päjä'kotü,

San Mateo 26:3 Iomraidhean Croise

San Mateo 26:69

Jesúsru ja̧'hua̧nö̧ ttucuocuomenä, Pedro u̧mi̧ pä̧nö̧ tta̧'ä̧ri̧nö̧do. Yajute ru̧hua̧ umöhuäyaju ja̧u̧ru̧ tö'cönänö ichi'ö pä'inäjudo: —Ucu'inä Jesús Galilea i̧sa̧cu̧ cue'ächinöjä.

San Mateo 27:27

Ru̧hua̧ Pilato ja̧'hua̧nö̧ hueomenä, su̧ro̧da̧u̧ ko̧ro̧ca̧ra̧'a̧cu̧ do'ädächinätödo Jesúsru. Su̧ro̧da̧u̧ recuätö ca̧ca̧cui̧pi̧nä̧tö̧do Jesús ö̧jo̧mȩ.

San Marcos 14:54

Juhua'a tti̧'cho̧mȩnä̧, Pedro otonänö tto'ca'anä 'chi̧nö̧do, ru̧hua̧ ojusode jubö. Juhuodenä su̧ro̧da̧u̧ ttippeyänä isode u̧mi̧ isaränä pä̧mä̧di̧nö̧do ocurä tänö.

San Marcos 14:66

Pedro isode u̧mi̧ isaränä pä̧nö̧ tta̧'ä̧ri̧nö̧do. Yajute sacerdotes ru̧hua̧ umöhuäyaju 'chä̧hui̧'i̧nä̧ju̧do.

San Marcos 15:16

Ru̧hua̧ Pilato ja̧'hua̧nö̧ hueomenä, su̧ro̧da̧u̧ u̧mi̧ i̧so̧ca̧ra̧'a̧cu̧ do'ädächinätödo Jesúsru. Su̧ro̧da̧u̧ recuätö ca̧ca̧cui̧pi̧nä̧tö̧do Jesús ö̧jo̧mȩ.

San Lucas 22:55

Isode u̧mi̧ isaränä ocurä kuhuäjo'cotö pä̧mä̧di̧nä̧tö̧do. Pedro'inä ttö̧'quȩtȩnä̧ pä̧mä̧di̧nö̧do.

San Lucas 3:2

Ji̧nä̧ iso sacerdotes ruhuotömä Anásnö, Caifásnö pi̧nä̧tö̧do. Ja̧u̧nu̧ ttö̧ji̧nö̧ Dios ucuocuinödo Juanrö, Zacarías i̧tti̧rö̧, de'anä ö̧ja̧'a̧nä̧.

San Juan 11:57

Fariseos huotöcu, sacerdotes ruhuotöcu hue'inätödo ttö̧ja̧rö̧ Jesús ö̧jo̧mȩ ttu̧huo̧ju̧ttu̧mä̧, jahuätörötä jittähua pä'ö. Jahuätö cärenä ttöta pä'inätödo Jesúsru.

San Juan 18:24

Ja̧u̧nu̧ o'ca'a Jesús nö̧'cä̧hua̧ ö̧ja̧'a̧nä̧, Anás hue'inödo ja̧u̧ru̧ Caifásrö, ji̧nä̧ isocu sacerdotes ttu̧ru̧hua̧rö̧.

San Juan 18:28

Ja̧u̧nu̧ o'ca'a Caifás ojusodettö rä'opö, ji̧nä̧ isocu ttö̧ja̧ ttu̧ru̧hua̧ ojusodera̧'a̧ ȩpi̧nä̧tö̧do Jesúsru. Juhua'a tti̧'cho̧mȩnä̧, pä'ötä mo̧ro̧ juoina'ado. Jitötä judíos ttö̧ja̧, ru̧hua̧ ojusodenä jacuoju do'ächocotö pi̧nä̧tö̧do. Jahuätö amöcuädinätödo: Jacuoju ti̧'chö̧ttö̧mä̧ tamönä iditäcuähuätöjä. Ja̧'hua̧nö̧ jȩpö̧, pascua fiesta ttu̧cuȩ ttucuomettö cuocotöjä, pä'ö amöcuädinätödo judíos ttö̧ja̧. Ja̧'hua̧nö̧ ja̧'a̧ttö̧ ru̧hua̧ ojusodenä do'ächocotö pi̧nä̧tö̧do.