San Mateo 26:10 - TÄ̧DO Ä̧CUÄ̧ I̧HUȨNȨ

¹⁰ Pätta'amä ä̧ju̧cui̧nö̧do Jesús. Jahuätörö pä'inödo: —Ja̧'hua̧nö̧mä̧ ¿dä̧bö̧ päcuhuätucuättö jahuäjuru? Jahuäjumä adihuä juäi jȩpä̧jä̧ju̧ ttörö.

Nuevo Testamento Uwotjüja

¹⁰ Pätta'a wo̧jui̧'ü̧ Jesú-mä̧ päinä̧u̧: —¿Tta̧'a̧nü̧ pä'ü pajurumä̧ pä'ä'chätujä̧ttü̧? pajumä̧ ttürü adiutä jȩpä̧ju̧.

San Mateo 26:10 Iomraidhean Croise

San Mateo 26:11

Usurä isotömä 'cuäopönä ttö̧ja̧cuä̧cuo̧tö̧ cu̧'quȩtȩtu̧cu̧nä̧. Ttörömä 'cuäopönämä topocotö cuäcuotöjä.

San Mateo 26:9

Juhuoya iyö icumä pärätä rö̧ȩnä̧ ȩma̧ja̧tö̧jä̧ usurä isotörö tiya pä'ö.

San Marcos 14:6

Ja̧'hua̧nö̧ ja̧'a̧nä̧ Jesús pä'inödo: —Päcuhuätucuäju. Ja̧'hua̧nö̧mä̧, ¿dä̧bö̧ päcuhuätucuättö jahuäjuru? Jahuäjumä adihuä juäi jȩpä̧jä̧ju̧ ttörö.

San Lucas 8:49

Ja̧'hua̧nö̧ ja̧'a̧ Jesús ji̧nä̧ ucuocua'anä, judíos ttu̧huo̧jui̧'i̧node ru̧hua̧ Jairo ojusodera̧'a̧ttö̧ ya̧tȩ ichinödo. Ja̧u̧ Jairorö ji'ähuinödo: —Täcö cuittijumä 'corupä'i'äjäju. Yabonömä Huo̧juȩcuä̧ I̧sa̧rö̧mä̧ ocuhuipärö.

2 Corintios 9:8

Dios ucuturu o'ca juiyönä adihuä juäi iyäcua'a̧nö̧, rö̧ȩnä̧ cu̧ju̧nä̧rä̧tu̧cua̧ pä'ö, ucutu'inä, korotörö'inä iyö ppäcuhuädätucua pä'ö.

Gálatas 1:7

Koro huȩnȩ suronä jȩttö̧ jȩpö̧ icu pättö huȩnȩ iso päi'önä juiya'a. Korotö ucuturu suronä jȩpä̧tö̧mä̧ ka̧cuä̧tö̧. Jahuätömä pä̧huä̧ rö̧jä̧u̧ Cristo suronä jȩttö̧ jȩpö̧ icu huȩnȩ i̧mi̧cu̧nä̧ jö̧ cuesetiyätucuatö pä'ö.

Gálatas 5:12

Ja̧'hua̧nö̧ ja̧'a̧nä̧ jahuätö circuncisión jȩcu̧'ä̧tu̧cua̧ pä'ö huo̧juȩtö̧, suronä jȩpä̧tö̧ ucuturu, jitötä ttamönätä 'cui'ocu tticuado ya'utettötä.

Gálatas 6:17

Jitä kä̧mä̧dö̧ yoröiso pä̧huä̧ juiyäcusä suräjuä huȩnȩ cucuocuätucuattö pä'ömä. Chöttahuiyä huahuächinö topö huo̧juä̧tö̧jä̧, Chu̧ru̧hua̧ Jesús u̧mö̧huä̧ya̧ cha'amä.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

2 Tesalonicenses 2:17

Chutä cuami iso'quinä ppädäcua'a̧nö̧ ucuturu. Ja̧'hua̧ta̧nö̧ cuami 'qui'ächi'ö kä̧nö̧, o'ca juiyönä adihuä juäi ucuocu jȩcu̧'ä̧tu̧cua̧ pä'ö ppädäcua'a̧nö̧.

1 Timoteo 3:1

Pi̧yȩ iso päi'önä huȩnȩ. Ya̧tȩ iglesia ruhuärö tta̧huä̧rä̧cuä̧huä̧ i̧sa̧ ö̧ja̧ pä'ömä, iso päi'önä adiu amöcuädö.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

2 Timoteo 2:21

Ja̧'hua̧nö̧ ja̧'a̧ttö̧ ya̧tȩ pi̧jä̧ jähuä jaropi'ö adiu jȩo̧mȩnä̧, Tu̧ru̧hua̧ ä'ca jo̧mȩttö̧ adihuä i̧sa̧ ö̧jä̧cua̧. Tu̧ru̧hua̧ hueömä jȩä̧cua̧. Ja̧'hua̧ta̧nö̧ o'ca juiyönä adihuä juäi jȩö̧'a̧nö̧ hua̧ jä̧cua̧.

Tito 1:16

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Tito 3:1

Ji'ähui jahuätörö o'ca toi'önä ruhuotörö ttucuota pä'ö. O'ca juiyönä ruhuotö huettömä jȩttä̧cua̧'a̧nö̧. 'Cuäopönä adiu jȩttä̧cua̧'a̧nö̧.

Tito 3:14

Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.