San Mateo 25:6 - TÄ̧DO Ä̧CUÄ̧ I̧HUȨNȨ

⁶ Ja̧u̧nu̧ o'ca'a yodo kä'co päi'omenä, huotta'a ä̧ju̧cui̧nä̧tö̧do: “¡Irecuarö ȩmö̧mä̧ täcö ichö! ¡Tocu'ätucua pä'ö rä'opätucui!”

Nuevo Testamento Uwotjüja

⁶ Ja̧'wa̧nü̧ ja̧'a̧ yodó kkä'ko päia'a, wopinä̧tü̧: ¡Ü'käumä̧ täkü ichü! ¡Tekuäwächätukuarü rä'opätukui!

San Mateo 25:6 Iomraidhean Croise

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Mateo 24:44

Ja̧'hua̧nö̧ ja̧'a̧ttö̧ ucutu'inä jo̧mȩtä̧ päi'önä tta̧'ä̧rä̧tu̧cui̧. Ubo I̧tti̧mä̧ i̧chä̧cua̧ ucutu cua̧mö̧cuä̧rä̧tu̧cuo̧cö̧ pä̧nä̧, —pä'ö huo̧juȩti̧nö̧do Jesús.

San Mateo 25:1

Juhua'a yabonö huo̧juȩti̧nö̧do Jesús: —Dios hueömä to̧mö̧rȩ ruhuä nä̧tö̧ möäyotö ttöäre lámpara 'chu̧'ä̧rö̧, ya̧tȩ irecuarö ȩmö̧rö̧ topö tti̧'cha̧'a̧ jä̧'i̧nö̧'a̧nö̧ ja̧'a̧.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Mateo 25:5

Irecuarö ȩmö̧mä̧ päinö ta'anö ichoca'attö, pö̧di̧ rö̧jä̧chi̧'i̧nä̧u̧do. Ja̧'hua̧nö̧ jo̧mȩnä̧ ä'i'inätödo.

San Mateo 25:7

Jahuätö nä̧tö̧ möäyotö ä̧rä̧mi̧'ö̧ ttöäre lámparas rȩdȩti̧nä̧tö̧do.

San Lucas 12:20

Ja̧'hua̧nö̧ ja̧'a̧nä̧ Dios päinäcudo: “Cuamöcuädö jui̧'a̧jä̧. Pi̧yȩtä̧ yodo 'co̧ru̧pä̧cu̧hui̧'ä̧cua̧jä̧. Ja̧'hua̧nö̧ ja̧'a̧ hua'adö cu̧ju̧nä̧ji̧mä̧, ¿di öäre jä̧cuȩjä̧ttö̧?”

San Lucas 12:46

Ja̧'hua̧nö̧ ja̧'a̧nä̧ ja̧u̧ adicuä i̧sa̧ tta̧huä̧ro̧ca̧'a̧nä̧, ieruhuome i̧chä̧cua̧ u̧ru̧hua̧mä̧. Ja̧u̧ru̧, ippeyä ru̧hua̧ u̧mö̧huä̧ya̧rö̧, pä̧i̧cu̧nä̧ ro̧'ȩpö̧ ö̧tä̧bo̧tä̧cua̧. Esetocotö ttö̧ja̧cuo̧mȩcu̧ huȩä̧cua̧ ja̧u̧ru̧.

1 Tesalonicenses 4:16

Hueähuä huȩnȩ ucuocua'a'inä, ángeles ttu̧ru̧hua̧ i̧huȩnȩ ucuocua'a'inä, Dios öäre trompeta rä̧mi̧pa̧'a̧'i̧nä̧ ttä̧ju̧cuo̧mȩnä̧, chutä Tu̧ru̧hua̧ mo̧ro̧jä̧ra̧'a̧ttö̧ i̧mȩyȩhuä̧cua̧. Ja̧'hua̧ ja̧'a̧ Cristorö esetö 'corupä'i'inätömä, ä'canä ttottächipäcuotö.

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

Apocalipsis 16:15

“Topätucui. Ttömä tta̧ttä̧ro̧ca̧'a̧nä̧, nä̧u̧cuä̧rö̧ i̧sa̧ ichö'a̧nö̧ ichösä. Chutä äoca'anä tta̧'ä̧rö̧mä̧, ö̧'ca̧tä̧huä̧ta̧ ku̧nä̧rö̧mä̧, eseunu ö̧jä̧cua̧, ö̧'ca̧tä̧huä̧ta̧ juiyönä korotö ttä'ca jo̧mȩttö̧ dä'äcu cueächoca'attö.”