San Mateo 24:27 - TÄ̧DO Ä̧CUÄ̧ I̧HUȨNȨ

²⁷ Ko̧ro̧nö̧ mo̧ro̧ kä̧hua̧ räopa'acuttu, kä̧hua̧ ma̧ä̧cha̧'a̧cu̧ttu̧ cu'upä örohua'a tocu'ätucua'a jä̧'i̧nö̧'a̧nö̧ tocu'äcuotöjä Ubo I̧tti̧ ichomenä.

Nuevo Testamento Uwotjüja

²⁷ Isopäi'ünä̧ kkä̧wa̧ räopa'akuttü ku'upä ürowomȩnä̧, kkä̧wa̧ ma̧ä̧cha̧'a̧ku̧ttü̧'i̧nä̧ kkȩdȩa̧'a̧ jä̧'i̧nü̧'a̧nü̧ jä̧kua̧'a̧ ubo I̧tti̧ ichomȩnä̧mä̧.

San Mateo 24:27 Iomraidhean Croise

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 16:28

Iso päi'önä pä'ösä ucuturu, jitä mo̧ro̧ pȩnȩ ka̧cuä̧tö̧ttö̧mä̧, korotömä ttö̧ja̧cuä̧cuo̧tö̧ Ubo I̧tti̧ Ttu̧ru̧hua̧ päi'önä ö̧ja̧ pä'ö ichäcua'a tottome jubö päi'önä, —pä'inödo Jesús.

San Mateo 24:26

Ja̧'hua̧nö̧ ja̧'a̧ttö̧ ucuturu pättöttömä: Topätucui, de'ara̧'a̧ kö̧ pä'ö, topö cui̧'chä̧tu̧cuä̧'. Ja̧'hua̧ta̧nö̧ “Topätucui, podenä kö̧” pättöttömä, cuesetätucuä'.

San Mateo 24:3

Ja̧u̧nu̧ o'ca'a Olivos inähuära̧'a̧ 'chi̧nä̧tö̧do. Jesús juhua'atä ö̧'o̧mȩnä̧, u̧huo̧juȩtä̧u̧mä̧ korotö tomettö jä'epinätödo: —Jitä päcuhuäjimä 'cuäopä̧cuȩ mo̧ro̧ jicuhuähuatö pä'ätöjä. Ucu cuichäcua'a, ¿tta̧'a̧nö̧ tu̧huo̧juä̧cua̧'a̧jä̧ttö̧? Röji mo̧ro̧ päi'omenä, ¿tta̧'a̧nö̧ tu̧huo̧juä̧cua̧'a̧jä̧ttö̧?

San Mateo 24:37

“Noé ö̧ji̧nö̧ 'cuäopinö ta'anö, 'cuäopäcua'a Ubo I̧tti̧ ichomenä.

San Mateo 24:39

Jahuätö ja̧'a̧tä̧ u̧ni̧chä̧rö̧ ka̧cui̧nä̧tö̧do aje suhuädi'omenätä amöcuädö. Jahuätö o'ca toi'önä to'ei'inätödo. Ja̧'hua̧ta̧nö̧ jä̧cua̧'a̧ Ubo I̧tti̧ ichomenä.

San Mateo 24:44

Ja̧'hua̧nö̧ ja̧'a̧ttö̧ ucutu'inä jo̧mȩtä̧ päi'önä tta̧'ä̧rä̧tu̧cui̧. Ubo I̧tti̧mä̧ i̧chä̧cua̧ ucutu cua̧mö̧cuä̧rä̧tu̧cuo̧cö̧ pä̧nä̧, —pä'ö huo̧juȩti̧nö̧do Jesús.

San Mateo 8:20

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

Santiago 5:8

Ucutu'inä cuami 'qui'ächi'ö ka̧cuä̧tu̧cui̧. Eseunu amöcuädö ka̧cuä̧tu̧cui̧. Tu̧ru̧hua̧ ichä̧cuȩ mo̧ro̧ tö'cöhuächa'a.

2 Pedro 3:4

Jahuätö jä'epö ttä̧ju̧cuä̧cuo̧tö̧: “Cristo i̧chä̧cua̧do pättina'amä, ¿tta̧'a̧nö̧ päi'ina'acuättö? Täbocö pi̧jä̧ aditäji o'ca'a ji̧nö̧tä̧, ja̧'a̧do jitä'inä. Tä̧do̧tö̧ mi̧nä̧'i̧nä̧ hua'ö tticuinö o'ca'a ttö̧ja̧cui̧nö̧ ta'anö ka̧cuä̧tö̧jä̧,” jä'epö ttä̧ju̧cuä̧cuo̧tö̧.