San Mateo 23:5 - TÄ̧DO Ä̧CUÄ̧ I̧HUȨNȨ

⁵ Korotö ttö̧ja̧ ttesehuatö pä'ö jȩpä̧tö̧do. Ttö'änä'inä, ttöjohuiyänä'inä Huȩyu̧cuä̧ Huȩnȩ korotöttö'inä abonänö rö̧ä̧ö̧ juäi nö'cäu jȩpä̧tö̧do, ttö̧ja̧ tottatö pä'ö. Ttö̧'ca̧tä̧huä̧ti̧yu̧'i̧nä̧ korotö ttö̧'ca̧tä̧huä̧ti̧yu̧ttu̧'i̧nä̧ abonänö otoä̧ta̧ 'ca̧tä̧huä̧tö̧.

Nuevo Testamento Uwotjüja

⁵ O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Mateo 23:5 Iomraidhean Croise

San Mateo 9:20

Ja̧'hua̧nö̧ tti̧'cho̧mȩnä̧, karaju isajumä, ttö̧jä̧pö̧ttö̧nö̧ todäre a̧'ȩ ppö'ottö na̧'ä̧chä̧jä̧ju̧, tto'ca'anä 'chä̧nö̧ Jesús abo ja̧'a̧nä̧ 'chä̧hui̧'ö̧, mȩ'i̧nä̧ju̧do ö̧'ca̧tä̧huä̧ta̧nä̧.

San Lucas 16:15

Ja̧'hua̧nö̧ ja̧'a̧ Jesús päinä̧u̧do: —Ucututä ttö̧ja̧ ttä'ca jo̧mȩttö̧ adiu jȩpä̧tö̧mä̧ ttö̧ja̧ tottönä. Ja̧'hua̧nö̧ ja̧'a̧nä̧ Diosmä huo̧jua̧ cuami iso'quitucunä. Ttö̧ja̧ ttucuo kö̧nä̧ ttamöcuädömä, Diosmä kö'cocö.

San Lucas 20:47

Ja̧'hua̧ta̧nö̧ rȩcua̧mö̧ ttojusode 'cho'ipätödo. Ja̧'hua̧nö̧ jȩtta̧'a̧ korotö ttieruhua pä'ö, rö̧ȩnä̧ ucuocuätödo Diosrö. Jahuätötä ji̧nä̧ isocu rö̧ȩnä̧ tä̧bo̧cuä̧mä̧ ttȩmä̧cuo̧tö̧do, —pä'inödo Jesús.

San Juan 12:43

Jahuätömä Diosttö ucuotäcuähuättö'inä abonänö kö'cätödo pi̧jä̧ ttö̧ja̧ ucuotäcuähuä.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

San Juan 7:18

Ya̧tȩ chutä amönä amöcuädäu ucuocuttumä, ttö̧ja̧ ja̧u̧ru̧ ttucuotarö pä'ö ucuocu. Ja̧'hua̧nö̧ ja̧'a̧nä̧ ya̧tȩ ja̧u̧ru̧ hue'inörö ttö̧ja̧ ttucuotarö päöttömä, ja̧u̧ iso päi'önä huȩnȩ ji'äu. Ja̧u̧mä̧ yapareu yoröiso ucuocuocö.

Filipenses 1:15

Iso päi'önä korotö ttörö ra̧huä̧rö̧ a'cuoyäu ji'ähuätö Cristo i̧huȩnȩ. Korotö'inä iso päi'önä adiunätä ji'ähuätö.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

2 Tesalonicenses 2:4

Ja̧u̧mä̧ o'ca juiyönä Dios jähuä, pi̧jä̧ ttö̧ja̧ ttucuotömä, suronä u̧cuo̧cuä̧cua̧. Diosrö ucuocuäcuähuodenä do'ächi'ö, Dios a̧'cua̧rö̧nä̧ ö̧'ä̧mä̧dä̧cua̧. “Ttömä Diossä”, pä̧cua̧.