San Mateo 22:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ttö̧ ttahuaruhuärö'inä, Herodes ahuaruhuärö'inä hue'inätödo Jesúsru jättepa pä'ö koro huȩnȩ. Pä'inätödo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧nä̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä.

Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Mateo 22:16 Iomraidhean Croise

San Mateo 22:24

—Huo̧juȩcuä̧ I̧sa̧, Moisés pä'inödo, ya̧tȩ irecuarö ku̧nä̧rö̧mä̧, i̧tti̧mö̧ toa'anä hua'ö icuomenä, ö̧jä̧hua̧ o'ca'a ru̧hua̧ uböo mi̧nä̧ recua o'cajuru ȩmö̧'a̧nö̧ ja̧'a̧, uböo mi̧nä̧ i̧tti̧mö̧ pajatörö u̧ju̧nä̧ra̧ pä'ö.

San Mateo 22:26

Ja̧u̧'i̧nä̧ i̧tti̧mö̧ to̧'a̧ hua'ö icuinödo. Ja̧u̧ o'comenä ru̧hua̧'i̧nä̧ i̧tti̧mö̧ to̧'a̧ hua'ö icuinödo. Ja̧'hua̧nö̧ ja̧'a̧nä̧ o'ca toi'önä ko̧ro̧mö̧ttö̧nö̧ ta̧ju̧nu̧ jo̧mȩnä̧ tti̧tti̧mö̧ to'ätö hua'ö icuinätödo.

San Mateo 26:18

Jahuätörö pä'inödo: —Ötahuiyära̧'a̧ tätucui. Juhua'atä ya̧tȩrö̧, ttö pädäcuru, cu̧'o̧cui̧'ä̧cuo̧tö̧jä̧. Ja̧u̧ru̧ pä'ätucui: “Huo̧juȩcuä̧ I̧sa̧ pä'äji: Täcö jo̧mȩ pä'i'ösä. Cuojusodenä pascua fiesta chu̧cuä̧cua̧sä̧ chu̧huo̧juȩtä̧u̧cu̧.”

San Mateo 26:49

Ja̧'hua̧ ja̧'a̧ Jesús ö̧jo̧mȩ ichi'ö, Jesúsru pä'inödo: —¿Tta̧'a̧jä̧, Huo̧juȩcuä̧ I̧sa̧? —Ja̧'hua̧nö̧ pä'ö kä̧nö̧, Jesúsru hua'adi'inödo.

San Marcos 10:17

Jesús juhua'attö rä'opö i̧'cho̧mȩnä̧, ya̧tȩ jopö ichi'ö, Jesús ä'ca jo̧mȩ ihue'quiyunä kä̧mä̧dö̧, jä'epinödo: —Adihuä Huo̧juȩcuä̧ I̧sa̧, kä̧cuä̧huä̧ i'co chu̧ju̧nä̧ra̧ pä'ö, ¿tta̧'a̧nö̧ jȩchä̧cua̧'a̧jä̧ttö̧?

San Marcos 12:13

Ja̧u̧nu̧ o'ca'a yotöte fariseos huotörö'inä, Herodes ahuaruhuärö'inä Jesús ö̧jo̧mȩ koro juäi jättepa pä'ö hue'inätödo suronä ttucuocua pä'ö Jesúsru.

San Marcos 12:14

Jahuätö ichi'ö jättepinäcudo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä, pi̧jä̧ ttö̧ja̧ pätta'a cuamöcuädoca'a. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä. Ujutumä romanos ttö̧ja̧ ttu̧ru̧hua̧rö̧ pärätä timitomenä, ¿adihua'a tä̧ji̧? ¿Timitö'a̧nö̧ ja̧'a̧ tä̧ji̧? ¿Timitö juiyö'a̧nö̧ ja̧'a̧ tä̧ji̧?

San Marcos 3:6

Ja̧'hua̧nö̧ topö, fariseos huotö rä'ächö, Herodes ahuaruhuäcu, Jesúsru cuä'ö tticua pä'ö ucuocuinätödo.

San Marcos 8:15

Ja̧'hua̧ ja̧'a̧ Jesús pä'inödo jahuätörö: —Ä̧ju̧cuä̧tu̧cui̧. Fariseos huotö'inä, Herodes'inä ttu̧cuȩ pan ppö̧ä̧mö̧ juäi ttu̧ȩcuä̧nä̧ ka̧cuä̧tu̧cui̧.

San Lucas 20:21

Ja̧'hua̧nö̧ ja̧'a̧ttö̧ pi̧yȩ jäecuä jättepinäcudo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocu huo̧juȩtö̧jä̧, pi̧jä̧ ttö̧ja̧ pätta'a cuamöcuädoca'a. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧.

San Lucas 7:40

Ja̧'hua̧nö̧ ja̧'a̧ Jesús pä'inödo fariseo i̧sa̧rö̧: —Simón, koro juäi jidähua pädäcujä. Fariseo i̧sa̧ ädätinödo: —Ji'ähuittö, Huo̧juȩcuä̧ I̧sa̧.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 18:37

Ja̧'hua̧nö̧ päomenä, Pilato jä'epinödo: —¿Ucumä ttö̧ja̧ ttu̧ru̧hua̧jä̧ tä̧ji̧? Jesús pä'inödo: —A̧'a̧, ucu päcu ta'anö ru̧hua̧sä̧. Ttömä uhuäpächö ichinösä pi̧jä̧ra̧'a̧ iso päi'önä huȩnȩ jidähua pä'ö. O'ca toi'önä iso päi'önä huȩnȩ päö'a̧nö̧ jȩpä̧tö̧mä̧, ttörö ä̧ju̧cuä̧tö̧.

San Juan 7:18

Ya̧tȩ chutä amönä amöcuädäu ucuocuttumä, ttö̧ja̧ ja̧u̧ru̧ ttucuotarö pä'ö ucuocu. Ja̧'hua̧nö̧ ja̧'a̧nä̧ ya̧tȩ ja̧u̧ru̧ hue'inörö ttö̧ja̧ ttucuotarö päöttömä, ja̧u̧ iso päi'önä huȩnȩ ji'äu. Ja̧u̧mä̧ yapareu yoröiso ucuocuocö.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

2 Corintios 5:16

Ja̧'hua̧nö̧ ja̧'a̧ttö̧ jitämä pi̧jä̧ ttö̧ja̧ ttamöcuädö ta'anö, korotörö amöcuädocotöjä. Pä'äjimä Cristorö amöcuädö, pi̧jä̧ ttö̧ja̧ ttamöcuädö ta'anö, amöcuädinätöjä ujutu'inä. Jitämä ja̧'hua̧nö̧mä̧ amöcuädocotöjä ja̧u̧ru̧.

Gálatas 1:10

Ja̧'hua̧nö̧ pädomenämä, ¿ttö̧ja̧ ttöjö'cattö pä'ö päda'a tä̧ji̧? Tta̧'a̧huä̧jä̧. Diostä öjö'cattö pä'ö pä'ösä. ¿Ttö̧ja̧ ttörö pä̧huä̧ rö̧jö̧ tottattö pä'ö jȩcha̧'a̧ tä̧ji̧? Ttö ji̧nä̧ ttö̧ja̧ ttöjö'cattö pä'ö jȩcha̧ pädöttömä, Cristomä u̧mö̧huä̧ya̧ pocö pajisä.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

1 Tesalonicenses 2:4

Pärocua'acu Dios ujuturu ka̧cuä̧mö̧ topö hue'inö ttö̧ja̧ suronä jȩttö̧ jȩpö̧ icu huȩnȩ jitähua pä'ö. Ja̧u̧tä̧ huȩnȩ ji'ähuätöjä. Pi̧jä̧ ttö̧ja̧ ttesehuatö pä'ömä ji'ähuocotöjä. Diostä, tami iso'quinä topö huo̧jua̧tä̧, esehuatö pä'ö ji'ähuätöjä.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.