San Mateo 21:41 - TÄ̧DO Ä̧CUÄ̧ I̧HUȨNȨ

⁴¹ Jesúsru ädätinätödo: —Jiähuoca'a cuä'ö i̧cuä̧cua̧ ja̧'hua̧nö̧ suronä jȩpä̧tö̧rö̧. Pättamä korotörötä, adiu ru̧hua̧rö̧ iyätörötä huȩä̧cua̧.

Nuevo Testamento Uwotjüja

⁴¹ juätümä̧ ädätinä̧tü̧: —Juätü suronä̧ jȩpi̧nä̧tü̧rü̧mä̧ re juiyünä̧tä̧ kuä'ü i̧kuä̧kuä̧u̧; ja̧'wa̧nü̧ jȩpü̧ ü'ättamä̧ kkorotü aditü ji̧yȩnä̧tä̧ mitäwätürütä iyipä̧kua̧. Pättiyäku,

San Mateo 21:41 Iomraidhean Croise

San Mateo 21:34

Uvamä täcö tädomenä, pätta ru̧hua̧ umöhuäyotöttö yotöcunä hue'inödo chutä u̧cuȩ uva ttȩma̧ja̧ pä'ö adicuä ttö̧ja̧rö̧ jä'epö.

San Mateo 21:40

Ja̧'hua̧ ja̧'a̧ Jesús jä'epinödo: —Ja̧u̧ttu̧mä̧ pätta ru̧hua̧ ichomenä, ¿tta̧'a̧nö̧ jȩä̧cua̧'a̧jä̧ttö̧ jahuätö adicuä ttö̧ja̧rö̧?

San Mateo 21:43

Ja̧'hua̧nö̧ ja̧'a̧ttö̧ ucuturu pä'ösä, Dios hueömä Dios ucututtu 'cho̧i̧pä̧cua̧, korotörö adiu hueö jȩpä̧tö̧rö̧ iya pä'ö.

San Mateo 3:12

Ja̧'hua̧ta̧nö̧ trigo pättö juäi ppa̧'ȩpö̧ icua pä'ö, jo̧mȩ päi'önä ru'tucä 'chu̧'ä̧rö̧ u̧mö̧nä̧. Trigo ppa̧huȩpö̧mä̧ isodenä hua'adö u̧ju̧nä̧cua̧. O'co'cuamä ocuränä, yoröiso beipocaränä, ku i̧cuä̧cua̧, —pä'inödo Juan.

San Lucas 20:16

Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

Hechos 18:6

Ja̧'hua̧nö̧ päomenä, jahuätö judíos ttö̧ja̧ kö'cocotö pi̧nä̧tö̧do. Ja̧'hua̧nö̧ ja̧'a̧ttö̧ suronä ucuocuinätödo. Pablo ö̧'ca̧tä̧huä̧ta̧ yȩ'ȩcu̧ icu ädätinödo: —Ttömä “Jarodätucui” pä'ocösä. Ucututä cuhuarodätucua'attö tocu'e'äcuotöjä. Jitämä judíos huocotörö ji̧dä̧huä̧cua̧sä̧.

Hechos 28:28

Ja̧'hua̧nö̧ ja̧'a̧ ucutu cu̧huo̧juä̧tu̧cua̧ pä'ösä. Pi̧yȩ Dios suronä jȩttö̧ jȩpö̧ icuähuä huȩnȩ judíos huocotörö jitähua pä'ö hue'ö Diosmä. Judíos huocotö ttä̧ju̧cuä̧cuo̧tö̧.

Hechos 28:8

Publio jä'o huä̧ri̧sa̧nä̧ ri̧nö̧, märicheicu, 'cha̧bi̧cu̧ na̧'ä̧chö̧. Pablo ja̧u̧ru̧ do'ächi'ö, Diosrö ucuocuinö. U̧mö̧nä̧ mȩ'ö̧, aditö icuinäcu.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

Hebreos 12:25

Ja̧'hua̧nö̧ ja̧'a̧ttö̧ ucuturu ucuocuru cujö'cätucu juiyönä jȩcu̧'ä̧tu̧cuo̧ca̧'a̧, ttu̧ȩcuä̧nä̧ ka̧cuä̧tu̧cui̧. Pi̧jä̧nä̧ ka̧cui̧nä̧tö̧ Diosrö jarodinätörö jittähuomenä, tö'ipächö ka̧cui̧po̧co̧tö̧ pi̧nä̧tö̧do. Ujutu'inä kärächi'ö jarodö tötipächöttömä, ka̧cui̧po̧co̧tö̧jä̧ mo̧ro̧jä̧ra̧'a̧ttö̧ jiähuomenä.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.