San Mateo 21:33 - TÄ̧DO Ä̧CUÄ̧ I̧HUȨNȨ

³³ “Pi̧yȩ koro juäi jä̧'i̧nö̧'a̧nö̧ jö̧ huȩnȩ'i̧nä̧ ä̧ju̧cuä̧tu̧cui̧. Ya̧tȩ ubomä uva pätta ku̧ni̧nö̧do. U̧ju̧nä̧ji̧ o'ca'a jäyänä aditinödo i̧so̧ca̧. Isode'inä, uriyu'inä aditinödo uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

Nuevo Testamento Uwotjüja

³³ Kkoro wȩnȩtü̧ jiäwinü̧, ä̧ju̧kuä̧tu̧kui̧: Ya̧tȩ isode u̧ru̧wa̧ uwa pätta kku̧ni̧nü̧, kku̧nä̧ji̧'ka̧ jäyänä̧ tto'epinü̧; ja̧'wa̧ta̧nü̧ Vino isoya adikuäkuomȩ'i̧nä̧ jo̧mȩnü̧ jȩpü̧ kku̧nu̧, o'kajuiyünä̧ wä̧nü̧ to̧ä̧rä̧kuäwäkä'i̧nä̧ jo̧mȩnü̧ äräbe'ü kku̧ni̧pü̧. Ttaditü mikuä, mitäu kkä̧nü̧ ttadita pä'ü adikuä isotürü we'ipü kkara'a otó i̧wi̧nü̧.

San Mateo 21:33 Iomraidhean Croise

San Mateo 13:18

Ja̧u̧nu̧ o'ca'a Jesús pä'äji ta'anö huo̧juȩti̧nö̧do: —Ja̧u̧ttu̧mä̧ ä̧ju̧cuä̧tu̧cui̧ ku̧nä̧huä̧ ru̧hua̧ ku̧nu̧ i̧'chi̧nö̧ jidähuomenä.

San Mateo 20:1

Juhua'a yabonö huo̧juȩti̧nö̧do Jesús: —Dios hueömä ka̧ra̧ pätta ru̧hua̧ pä'ö kä̧hua̧ räopa'a adicuä ttö̧ja̧rö̧ usu i̧'cha̧'a̧ jä̧'i̧nö̧'a̧nö̧ ja̧'a̧.

San Mateo 21:28

Ja̧'hua̧ta̧nö̧ Jesús päinä̧u̧do: —Pi̧yȩ huȩnȩmä̧ ¿tta̧'a̧nö̧ cuamöcuädätucuättö? Ya̧tȩ i̧tti̧mö̧rö̧ ta̧ju̧ru̧ ku̧nä̧ri̧nö̧do. Ya̧tȩrö̧ pä'inödo: “Chi̧tti̧, jitä mo̧ro̧ chö'ättanä aditäji.”

San Mateo 23:2

Pa̧'a̧nö̧ huo̧juȩti̧nö̧do: —Hueähuä huȩnȩ huo̧juȩtä̧tö̧'i̧nä̧, fariseos huotö'inä “Moisés hueähuä huȩnȩ jiäcuähuä isotöjä”, pä'ätödo.

San Marcos 13:34

Ya̧tȩ ubo cue'ächö 'chä̧nö̧, ojusodenä umöhuäyotörö hueipa'a jä̧'i̧nö̧'a̧nö̧ ja̧'a̧. Jahuätörö hue'ö ttaditähuä pö̧nä̧. Äpate ä'ca tta̧huä̧rä̧cuä̧huä̧ i̧sa̧rö̧'i̧nä̧ tta̧huä̧ra̧ pä'ö hue'ipö.

San Lucas 19:12

Ja̧'hua̧nö̧ ja̧'a̧ päinä̧u̧do: —Ya̧tȩ ki̧nö̧do ucuo i̧sa̧. Korotö tti̧rȩjä̧ra̧'a̧ i̧hui̧nö̧do ru̧hua̧ ttu̧ju̧na̧rö̧ pä'ö. Ju̧huȩnȩ o'comenä, ppa̧'ä̧chi̧nö̧do pä'äji ta'anö.

San Juan 15:1

Jesús huo̧juȩti̧nö̧do: —Ttö koro dau, adihuä uva dau jä̧'i̧nö̧'a̧nö̧ hua̧sä̧. Chä'omä dau tta̧huä̧rä̧cuä̧huä̧ i̧sa̧ jä̧'i̧nö̧'a̧nö̧ hua̧.