San Mateo 21:22 - TÄ̧DO Ä̧CUÄ̧ I̧HUȨNȨ

²² Ja̧'hua̧ta̧nö̧ o'ca juiyönä Diosrö jäcuhue'ätucumä, adiunä cuesetätucuttumä, cuȩmä̧cuo̧tö̧jä̧, —pä'inödo Jesús.

Nuevo Testamento Uwotjüja

²² Ja̧'wa̧nü̧ ja̧'a̧ttü̧ ukutu o'kajuiyünä̧ kua̧'kua̧ wȩnä̧rü̧ Dio-rü ukuoku jäkuepätukumä̧, kuȩmä̧kuo̧tü̧jä̧.

San Mateo 21:22 Iomraidhean Croise

San Mateo 18:19

“Ja̧'hua̧ta̧nö̧ pä'ösä ucuturu, ucututtu pi̧jä̧nä̧ ka̧cuä̧tö̧mä̧ ta̧ju̧ ji̧nä̧ yo̧mȩtȩ eseunu Diosrö jäcuhue'ätucuttumä, jäcuhue'ätucumä o'ca juiyönä i̧yä̧cua̧ Chä'o mo̧ro̧jä̧nä̧ kö̧mä̧.

San Mateo 7:11

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, adihuä juäi i̧yä̧cua̧ churutä jä'epätörömä.

San Mateo 7:7

“Jä'epätucui. Jacuhue'ätucumä, cuȩmä̧cuo̧tö̧jä̧. Usätucui. Cusätucumä, cu̧'o̧cui̧'ä̧cuo̧tö̧jä̧. Äpate ä'ca 'ta'tapätucui. 'Ta'tacuätucuttumä, bahuecuächäcua'a.

San Marcos 11:24

Ja̧'hua̧nö̧ ja̧'a̧ttö̧ pä'ösä ucuturu, o'ca juiyönä Diosrö jäcuhue'ätucumä, täcö ȩmä̧jä̧tö̧jä̧ pä'ö adiunä cuesetätucuttumä, cuȩmä̧cuo̧tö̧jä̧.

San Juan 14:13

O'ca juiyönä chi̧mi̧nä̧ jäcuhue'ätucumä iyösä, I̧tti̧ Jä'o öadihuä i̧jȩpä̧cua̧'a̧nö̧.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 16:24

Jitä mo̧ro̧ päi'önä ucutumä yoröiso jä'epocotö pi̧nä̧tö̧jä̧ chi̧mi̧nä̧. Jä'epätucui. Dios i̧yä̧cua̧ ucuturu o'ca juiyönä, cuesehuätucua pä'ö.

Santiago 5:16

Ja̧'hua̧nö̧ ja̧'a̧ttö̧ korotörö ji'ähuätucui suronä jȩcu̧'i̧nä̧tu̧cu̧. Ja̧'hua̧ta̧nö̧ Diosrö korotörö ppä'ädö ucuocuätucui, surojö aditö icuatö pä'ö Dios. Adiu esetömä Diosrö ucuocuomenä, i̧huȩnȩ iso päi'önä micuähua'a.

1 Juan 3:22

Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.