San Mateo 20:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ ja̧'a̧ttö̧ yodo päi'omenä, pätta ru̧hua̧mä̧ ippeyä ru̧hua̧rö̧ pä'inödo: “Adicuä ttö̧ja̧rö̧ huopö, mititö jitätä. Äcuomenä, röjinä ichätörö cuimitaja. Ja̧'hua̧ta̧nö̧ röjinä, äcuomenä ichätörö cuimitaja.”

Nuevo Testamento Uwotjüja

⁸ Täkü, yodó juomȩnä̧ uwa pätta u̧ru̧wa̧mä̧ adikuä isotü ttu̧ru̧wa̧rü̧ pä'inü̧: Adikuä ttü̧ja̧rü̧ wopo'ü mi̧tä̧ri̧, ä̧kuo̧mȩnä̧mä̧ rüjinä̧ kka̧kuä̧mä̧jä̧tü̧ttü̧ kkä̧mä̧dü̧, jua̧u̧nü̧ o'ka'a rüjí ja̧'a̧ku̧mä̧ ä'kanä̧ kka̧kuä̧mä̧jä̧tü̧bü kä'ädü.

San Mateo 20:8 Iomraidhean Croise

San Mateo 20:7

Jahuätö ädätinätödo: “Tadita pä'ö hue'ocotö päjätö ujuturu.” Ja̧'hua̧nö̧ pättomenä, pätta ru̧hua̧ pä'inödo: “Ja̧'hua̧nö̧ jö̧ttö̧mä̧ ucutu'inä chö'ättanä aditäjätucui. Cuaditö micuähuome jo̧mȩ chi̧mi̧tä̧cua̧sä̧ ucuturu.”

San Mateo 20:9

Ja̧'hua̧nö̧ ja̧'a̧ttö̧ ni̧pä̧ro̧mȩcu̧, kä̧hua̧ dauhuiyä huämenänö kö̧rö̧ kä̧mä̧dö̧ aditätörö, ya'ute mo̧ro̧ micuähuome mitinödo.

San Mateo 25:19

“Recuo mo̧ro̧ o'ca'a, chutä ru̧hua̧ ppa̧'ä̧chi̧nö̧do jahuätö umöhuäyotö ttimitarö pä'ö.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Lucas 10:7

Jahuätötäcu ji̧nä̧ yodetenä ka̧cuä̧tu̧cui̧. Ja̧'hua̧ta̧nö̧ cuätucui, au'inä ahuätucui jahuätö ttiyötä. Adicuä i̧sa̧ aditähuä micuä ȩmö̧. Korode korodenömä cuä'ä'chätucuä'.

San Lucas 12:42

Tu̧ru̧hua̧ pä'inödo: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

San Lucas 8:3

Ja̧'hua̧ta̧nö̧ Herodes hueomenä, yabo hueähuä i̧sa̧ Chuza pä'ö mi̧cua̧ irecua Juana'inä, Susana'inä, korotö recuätö nä̧tö̧ ttu̧ju̧nä̧rö̧nä̧tä̧ Jesúsru ppä'ädinätö'inä Jesúscu 'chi̧nä̧tö̧do.

2 Corintios 5:10

O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.