San Mateo 2:3 - TÄ̧DO Ä̧CUÄ̧ I̧HUȨNȨ

³ Ru̧hua̧ Herodes ja̧'hua̧nö̧ ä̧ju̧cuo̧mȩnä̧, rö̧ȩnä̧ yecunänö a̧mö̧cuä̧ri̧nö̧do ami iso'quinä. Ja̧'hua̧ta̧nö̧ o'ca toi'önä Jerusalén ötahuiyänä ka̧cui̧nä̧tö̧ rö̧ȩnä̧ a̧mö̧cuä̧ri̧nä̧tö̧do ja̧u̧ juäi ä̧ju̧cu̧.

Nuevo Testamento Uwotjüja

³ Pi̧yȩ ä̧ju̧ku̧, Ru̧wa̧ Rey Herode-mä̧ rü̧ȩnä̧ ye'ekue'i'inü̧ ja̧'wa̧ta̧nü̧ Jerusarȩ́ ttü̧ja̧'i̧nä̧ o'katoi'ünä̧ ye'inä̧tü̧.

San Mateo 2:3 Iomraidhean Croise

San Mateo 2:2

Jahuätö jä'epinätödo: —¿Tojä̧ttö̧ judíos ttö̧ja̧ ttu̧ru̧hua̧mä̧, jareönä uhuäpächinömä? Yottö kä̧hua̧ räopa'acuttu ja̧u̧ jähuä siri'corö topinätöjä. Ja̧'hua̧nö̧ ja̧'a̧ttö̧ ujutumä ichäjätöjä ä'ca jo̧mȩ tihue'quiyunä kä̧mä̧dö̧ tesehuarö pä'ö, —pä'inätödo.

San Mateo 2:4

Ja̧'hua̧nö̧ ja̧'a̧ttö̧ ru̧hua̧ Herodes huopinödo o'ca toi'önä sacerdotes ruhuotörö'inä, hueähuä huȩnȩ ttö̧ja̧rö̧ huo̧juȩtä̧tö̧rö̧'i̧nä̧ jä'epö ä̧ju̧cua̧ pä'ö jahuätörö ja̧u̧ huȩnȩ. —Ja̧u̧ judíos ttö̧ja̧ ttu̧ru̧hua̧ Cristomä, ¿tȩnȩ uhuäpächäcua'ajä̧ttö̧? —jä'epinödo jahuätörö.

San Mateo 23:37

Juhua'a yabonö huo̧juȩti̧nö̧do Jesús: —Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Mateo 24:6

Rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧cuo̧tö̧jä̧. Ja̧'hua̧nö̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧.

San Mateo 8:29

Jahuätö huopinätödo Jesúsru: —¿Tta̧'a̧nö̧ jȩcu̧'ä̧cua̧'a̧jä̧ttö̧ ujuturu, Jesús, Dios I̧tti̧? ¿Ujuturu jo̧mȩ päi'oca'anä ubara ttuta pä'ö jȩpö̧ ichäjijä tä̧ji̧?

San Marcos 13:7

“Ja̧'hua̧nö̧ ja̧'a̧nä̧ rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧.

Hechos 4:2

Jahuätö ra̧huä̧ri̧nä̧tö̧do Pedrocu, Juancu, ttö̧ja̧rö̧ huo̧juȩtö̧ jittähuomenä. —Jesús 'corupä'i'inö'ca̧ tto'ächinö. Ja̧'hua̧nö̧ ja̧'a̧ttö̧ huo̧juä̧tö̧jä̧ 'corupä'i'ätömä ttottächäcuotö pä'ö, —huo̧juȩtö̧ ji'ähuinätödo.