San Mateo 2:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧ttö̧ José ä̧rä̧mi̧'ö̧, ja̧u̧nu̧ yodo tö'ipächinödo ji̧'qui̧cha̧hua̧cu̧, ja̧ju̧cu̧ Egipto rȩjȩra̧'a̧cu̧.

Nuevo Testamento Uwotjüja

¹⁴ Ja̧'wa̧nü̧ weäjäku ä̧rä̧mi̧'ü̧, José-mä̧ ji̧'chi̧cha̧wa̧rü̧ ja̧ju̧tä̧ku̧ yodó ȩmi̧pü̧ rä'opächinü̧ Egito-ra̧'a̧,

San Mateo 2:14 Iomraidhean Croise

San Mateo 1:24

Ja̧'hua̧nö̧ ja̧'a̧ttö̧ José u̧'cuo̧ti̧cuä̧ji̧ o'ca'a porächi'ö, Tu̧ru̧hua̧ huȩ'ä̧hua̧ ángel hueäji ta'anö jȩpi̧nö̧do. Maríarö ȩmi̧nö̧do irecua päi'önä ö̧ja̧ pä'ö.

San Mateo 2:13

Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

San Mateo 2:15

Juhua'a ka̧cui̧nä̧tö̧do Herodes hua'ö icuome jubö päi'önä. Ja̧u̧ o'ca juiyönä 'cuäopina'ado Tu̧ru̧hua̧ i̧huȩnȩ, Dios i̧huȩnȩ jiäcuähuä i̧sa̧ päinö ta'anö 'cuäopäcua'a pä'ö. Ja̧u̧ huȩnȩ päina'a: “Egipto rȩjȩra̧'a̧ttö̧ huopinösä Chi̧tti̧rö̧.”

San Lucas 8:24

U̧huo̧juȩtä̧u̧mä̧ Jesús ä'omecu 'chä̧hui̧'ö̧, huopönänö pä'inätödo: —¡Huo̧juȩcuä̧ I̧sa̧! ¡Huo̧juȩcuä̧ I̧sa̧! Ma̧'ä̧chä̧tö̧jä̧. Ja̧'hua̧nö̧ ja̧'a̧ Jesús ä̧rä̧mi̧'ö̧ kä̧ru̧'coppa'inä, aje ppahua'a'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

Hechos 26:21

Ja̧'hua̧nö̧ jidähuomenä, judíos ttö̧ja̧ Diosrö ucuocuäcuähuodettö ttörö 'chu'ädinätö. Cuä'ö tticua pa'inätö ttörö.