San Mateo 2:13 - TÄ̧DO Ä̧CUÄ̧ I̧HUȨNȨ

¹³ Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

Nuevo Testamento Uwotjüja

¹³ Juätü tti̧wi̧'i̧'ä̧ji̧ o'ka'a, Tu̧ru̧wa̧ u̧mü̧wä̧ya̧ á̧gȩ, José-rü u̧'kuo̧ti̧nä̧ i̧jȩku̧ pä'inü̧: Ä̧rä̧mi̧'ü̧, ji̧'chi̧cha̧wa̧rü̧ ja̧ju̧tä̧ku̧ ȩmi̧pü̧ Egito-ra̧'a̧ tü'ipächi; Herode-mä̧ ji̧'chi̧cha̧wa̧rü̧ kuä'ü ikua pä'ü u̧sä̧kua̧, jua'atä ku̧ja̧jä̧ jidäwomȩbü päi'ünä̧.

San Mateo 2:13 Iomraidhean Croise

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Mateo 10:23

Koro ötahuiyänä ucuturu suronä jȩttö̧ttö̧mä̧, kara'a, koro ötahuiyära̧'a̧ tö'ipächätucui. Iso päi'önä pä'ösä ucuturu, o'ca juiyönä Israel ttö̧ja̧ ttidepiyura̧'a̧ cui̧'chä̧tu̧cuä̧cua̧'a̧ ä'canä, Ubo I̧tti̧mä̧ i̧chä̧cua̧.

San Mateo 2:12

Ja̧'hua̧nö̧ jȩttä̧ji̧ o'ca'a, Dios 'cuo̧ti̧nä̧ jiähuinä̧u̧do ru̧hua̧ Herodesrö ppa̧'ä̧chö̧ jittäu juiya pä'ö. Ja̧'hua̧nö̧ ja̧'a̧ttö̧ ko̧ro̧mä̧nä̧ ppa̧'ä̧chö̧ i̧hui̧nä̧tö̧do tti̧rȩjä̧ra̧'a̧.

San Mateo 2:14

Ja̧'hua̧nö̧ ja̧'a̧ttö̧ José ä̧rä̧mi̧'ö̧, ja̧u̧nu̧ yodo tö'ipächinödo ji̧'qui̧cha̧hua̧cu̧, ja̧ju̧cu̧ Egipto rȩjȩra̧'a̧cu̧.

San Mateo 2:16

Jahuätö mo̧ro̧jä̧ jähuä huo̧juä̧tö̧ ko̧ro̧mä̧nä̧ ppa̧'ä̧chö̧ tti̧hui̧na̧'a̧ ä̧ju̧cu̧, juiyo ra̧huä̧ri̧nö̧do Herodesmä. Ja̧'hua̧ ji̧yä̧cu̧ su̧ro̧da̧u̧ru̧ hue'inödo o'ca toi'önä ppo̧'ä̧tö̧ u̧mä̧tö̧rö̧, todäre a̧'ȩ jui'ätörö, cuä'ö tticua pä'ö Belén ötahuiyänä ka̧cuä̧tö̧rö̧'i̧nä̧, tö'cönänö ka̧cuä̧tö̧rö̧'i̧nä̧. Ja̧'hua̧nö̧ hue'inödo jahuätö mo̧ro̧jä̧ jähuä huo̧juä̧tö̧ jittähuinö huȩnȩ amöcuädö.

San Mateo 2:22

Juhuorö'inä Herodes i̧tti̧ Arquelao Judea rȩjȩnä̧ ru̧hua̧ päi'önä ö̧ja̧'a̧ ä̧ju̧cu̧, José ye'ecuinödo juhua'a i̧'cha̧ pä'ö. Ja̧'hua̧nö̧ ja̧'a̧ttö̧ José u̧'cuo̧ti̧cuo̧mȩnä̧ Dios jiähuäji ta'anö, Galilea rȩjȩra̧'a̧ 'chi̧nö̧do.

Hechos 10:22

Ja̧'hua̧nö̧ ja̧'a̧ u̧mä̧tö̧ ädätinätödo: —Su̧ro̧da̧u̧ ttu̧ru̧hua̧ Cornelio ujuturu hue'äji. Chutä adihuä i̧sa̧ ja̧'a̧ttö̧, Diosrö ye'ecu. Judíos ttö̧ja̧ o'ca toi'önä ja̧u̧ru̧ adiu ucuotätö. Ya̧tȩ ángel, Dios huȩ'ä̧hua̧, ja̧u̧ru̧ ji'ähuäji huea pä'ö ucu cui̧'cha̧ pä'ö ojusodera̧'a̧, jicuhuähua'a ä̧ju̧cua̧ pä'ö.

Hechos 10:7

Angel, Corneliocu ucuocuäjimä, räopächäji o'ca'a, Cornelio huopinödo ojusodenä adicuä ttö̧ja̧ ta̧ju̧ru̧. Ka̧ra̧rö̧'i̧nä̧ su̧ro̧da̧u̧ i̧sa̧, Diosrö adiu amöcuädö kä̧'i̧jö̧rö̧, Cornelio hueö ta'anö jȩpä̧'i̧jö̧rö̧, huopinödo.

Hechos 12:11

Angel 'quȩi̧pä̧chä̧ji̧ o'ca'a, Pedro ttu̧ȩpä̧rö̧nä̧ päi'äcu amöcuädinödo: “Iso päi'önä Dios ángelrö hue'äji, ru̧hua̧ Herodes cärenä chö̧'a̧ pä'ö ötäja'attö rädopächa pä'ö, judíos ttö̧ja̧'i̧nä̧ ttörö suronä jȩttö̧ juiya pä'ö.”

Hechos 12:7

Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo: —Jurunä porächi'i. Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado.

Hechos 16:36

Ja̧'hua̧nö̧ ä̧ju̧cu̧, cärenä ttö̧'a̧'a̧ tta̧'ä̧rö̧mä̧ Pablorö pä'inödo: —Ruhuotö hue'ätödo ucuturu rä'epö chicua pä'ö. Ja̧'hua̧nö̧ ja̧'a̧ttö̧ adiu rä'opätucui.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

Hechos 7:19

Ja̧u̧ ru̧hua̧ yapareu jȩpi̧nö̧do ujutu tä̧do̧tö̧ mi̧nä̧rö̧. Suronä'inä jȩpi̧nö̧do tä̧do̧tö̧ mi̧nä̧rö̧. Jahuätörö hue'inödo tti̧tti̧mö̧rö̧ jareönä uhuäpächätörö u̧mi̧ tticuipa pä'ö, hua'ö tticua pä'ö.

Apocalipsis 12:14

Ja̧'hua̧nö̧ ja̧'a̧nä̧ yajujua isajuru kujuabiyä rö̧o̧ abiyä águilas ttu̧ju̧nä̧rö̧'a̧nö̧ tti̧yi̧nä̧cua̧, ku̧jo̧mȩ de'acu co̧jä̧ra̧ pä'ö, ja̧u̧ ä̧ca̧ttö̧ ototä kö̧ja̧ pä'ö. Ju̧huȩnȩmä̧ ku̧cuȩ kucua pä'ö huäbodäcuä a̧'ȩ, koro a̧'ȩ'i̧nä̧ kä'conä päi'omenä, ttiyäcuotö.

Apocalipsis 12:4

I̧hui̧ri̧pa̧nä̧ mo̧ro̧jä̧ttö̧ si̧ri̧'cö̧rö̧ ju'tomecutä do'opö ȩmi̧pö̧ pi̧jä̧ra̧'a̧cu̧ icuinö. Ja̧u̧ i̧sa̧mä̧ yajujua isaju ku̧bo̧du̧ma̧ ni̧yä̧cua̧ kä'ca jo̧mȩ kä̧mä̧di̧nö̧, ji̧'qui̧cha̧hua̧ uhuäpächomenä ucui'a pä'ö.

Apocalipsis 12:6

Yajutä isajumä de'acu, Dios kö̧ja̧ pä'ö aditinomecu, tö'ipächinäju, ya'ute mil doscientos sesenta mo̧ro̧ päi'omenä, ku̧cuȩ ttiyaju pä'ö.