San Mateo 19:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ päa'a: “Ja̧'hua̧nö̧ ja̧'a̧ttö̧ ya̧tȩ jä'orö'inä ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö”, päa'a.

Nuevo Testamento Uwotjüja

⁵ Jua̧u̧mä̧ pä'ija'a: Ja̧'wa̧nü̧ ja̧'a̧ttü̧ ubomä̧ jä'ottü'i̧nä̧, ja̧ju̧ttu̧'i̧nä̧ räopä̧chä̧kua̧, irekuaku ppä'ächi'ümä̧. Ja̧'wa̧nü̧ ja̧'a̧ttü̧ juätümä̧ ji̧nä̧ ji̧yȩtȩ ttäkuotü.

San Mateo 19:5 Iomraidhean Croise

San Mateo 19:6

Ja̧'hua̧ ja̧'a̧ jahuätö ta̧ju̧ huotömä ya̧tȩtä̧ pä'i'ätödo. Ja̧'hua̧nö̧ ja̧'a̧ttö̧ Dios hueinö ta'anö ka̧cuä̧tö̧rö̧, ka̧ra̧mä̧ 'quȩ'ȩpö̧ icuocödo jahuätörö.

Romanos 12:9

Adiu repe'ätucui korotö korotönörö. Surojö cua̧'cua̧ cu̧huȩnä̧rä̧tu̧cuä̧'. Adiunätä ka̧cuä̧tu̧cui̧.

1 Corintios 6:16

Ja̧'hua̧ta̧nö̧ ¿ucutumä jerupätöjä tä̧ji̧? Ya̧tȩ yajutä ja̧'a̧tä̧ra̧'a̧ huajucu suronä jȩä̧'cho̧mȩnä̧, jahuätömä ji̧nä̧ ji̧yȩtȩ huotö pä'i'ätö. Pa̧'a̧nö̧ päa'a Huȩyu̧cuä̧ Huȩnȩ: “Jahuätö ta̧ju̧ ya̧tȩtä̧ pä'i'ätö.”

1 Corintios 7:2

Juhuorö'inä recuätö nä̧tö̧rö̧ suronä usu jȩtta̧'a̧ttö̧, o'ca toi'önä u̧mä̧tö̧'i̧nä̧ jitötä ttirecuarö ttu̧ju̧nä̧rä̧cua̧'a̧nö̧. Ja̧'hua̧ta̧nö̧ nä̧tö̧'i̧nä̧ jitötä ttirecuorö ttu̧ju̧nä̧rä̧cua̧'a̧nö̧.

1 Corintios 7:4

Yajute kirecuorö kȩmo̧mȩnä̧, ja̧u̧nu̧mä̧ yajutä kamönämä ruhuajucö̧. Ja̧u̧nu̧mä̧ yajutä kirecuo ku̧ru̧hua̧ pä'i'ö. Ja̧'hua̧ta̧nö̧ ya̧tȩ irecuarö ȩmo̧mȩnä̧, ja̧u̧nu̧mä̧ chutä amönämä ru̧hua̧cö̧. Ja̧u̧nu̧mä̧ chutä irecua uruhuaju pä'i'äju.

Efesios 5:31

“Ja̧'hua̧nö̧ ja̧'a̧ttö̧ ya̧tȩ jä'orö'inä, ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö.”