San Mateo 19:23 - TÄ̧DO Ä̧CUÄ̧ I̧HUȨNȨ

²³ Ja̧'hua̧ ja̧'a̧ Jesús pä'inödo u̧huo̧juȩtä̧u̧ru̧: —Iso päi'önä pä'ösä ucuturu, järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.

Nuevo Testamento Uwotjüja

²³ Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü pä'inü̧: —Isopäi'ünä̧ pädäu̧jä̧ Dio weomȩ pärätä ru̧wa̧ doächa pä'ümä̧, rü̧ȩnä̧ weyekua'a abotä ja̧'a̧.

San Mateo 19:23 Iomraidhean Croise

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Mateo 18:3

Ja̧u̧nu̧ o'ca'a jahuätörö pä'inödo: —Iso päi'önä pä'ösä ucuturu, ppo̧'ä̧tö̧ ttamöcuädö'a̧nö̧ pärocuäcutä cuamöcuädätucu juiyöttömä, yoröiso Dios ö̧jo̧mȩ do'ächocotö cuäcuotöjä.

San Mateo 19:22

Ja̧u̧ mö̧ä̧ya̧ ja̧'hua̧nö̧ ä̧ju̧cuo̧mȩnä̧, a̧'cua̧ tta̧'ȩcu̧nu̧ i̧hui̧nö̧do, järe rö̧ȩnä̧ u̧ju̧nä̧ra̧'a̧ttö̧.

San Mateo 21:31

Ja̧'hua̧nö̧ ja̧'a̧ttö̧ ¿tide jȩi̧nä̧ttö̧ jä'o päömä? Jahuätö pä'inätödo: —Äcuomenä hueäcutä adiu jȩpi̧nö̧. Ja̧'hua̧ ja̧'a̧ Jesús päinä̧u̧do: —Iso päi'önä pä'ösä ucuturu, korotömä ru̧hua̧ öäre pärätä ȩmä̧'i̧jä̧tö̧'i̧nä̧, nä̧tö̧ ja̧'a̧tä̧ra̧'a̧ huotö'inä ucututtu'inä ä'canä Dios i̧tti̧mö̧ pätti'äcuotö.

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

San Marcos 10:23

Jesús kärächi'ö topö, u̧huo̧juȩtä̧u̧ru̧ pä'inödo: —Iso päi'önä järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.

San Lucas 18:24

Ja̧'hua̧nö̧ a̧'cua̧ tta̧ päi'a'a topö, Jesús pä'inödo: —Iso päi'önä järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.

San Juan 3:3

Ja̧'hua̧ ja̧'a̧ Jesús ja̧u̧ru̧ pä'inödo: —Iso päi'önä pä'ösä ucuru, ya̧tȩ jareönä uhuäpächö juiyöttömä, yoröiso do'ächocö jä̧cua̧ Dios ö̧jo̧mȩcu̧.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

1 Corintios 1:26

Chö̧jä̧hua̧tö̧, amöcuädätucui, Dios huoinä̧u̧jä̧ ucutu. Ucututtu a̧'u̧cu̧nä̧tä̧ huo̧ju̧nä̧ huo̧juä̧tö̧jä̧ pi̧jä̧ttö̧ huo̧juä̧huä̧. Ja̧'hua̧ta̧nö̧ ucututtu a̧'u̧cu̧nä̧tä̧ hue'ähuotöjä. Ja̧'hua̧ta̧nö̧ ucututtu a̧'u̧cu̧nä̧tä̧ pi̧jä̧ttö̧ ucuotäcuähuä ttö̧ja̧jä̧.

Santiago 2:6

Ja̧'hua̧nö̧ ja̧'a̧nä̧'i̧nä̧ ucutu suronä amöcuädö pä'ätöjä usurä isotörö ttödäpecuächi'önä. Jahuätömä, järe ruhuotömä, ucuturu suronä jȩpä̧'i̧jä̧tö̧. Ja̧'hua̧ta̧nö̧ jahuätömä, järe ruhuotömä, ¿ucuturu ru̧hua̧ ä'ca jo̧mȩ ȩpo̧co̧tö̧ tä̧ji̧?