San Mateo 18:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧nö̧ ja̧'a̧ttö̧, Dios Tu̧ru̧hua̧ päi'önä kö̧ pä'ätöttö, korotöttö'inä abonänö adihuä i̧sa̧mä̧ pide ji̧'qui̧cha̧hua̧ ta'anö a̧mö̧cuä̧dä̧cua̧. Ja̧'hua̧nö̧ ja̧'a̧nä̧ adihuä i̧sa̧sä̧ päoca'anä, ppä̧dä̧cua̧ korotörö.

Nuevo Testamento Uwotjüja

⁴ Ja̧'wa̧nü̧ ja̧'a̧ttü̧, pide ji̧'ki̧cha̧wa̧ jü̧ta̧'a̧nü̧ a̧mü̧nä̧ pa̧ja̧tü̧ ukuo teäkuäwuö juiyüttümä̧ mo̧ro̧jä̧ ru̧wa̧ weomȩttü̧mä̧ ukuo kku̧nä̧rü̧ ja̧'a̧.

San Mateo 18:4 Iomraidhean Croise

San Mateo 18:1

Ja̧u̧nu̧ pä̧nä̧ u̧huo̧juȩtä̧u̧ Jesús ö̧jo̧mȩ ichi'ö jä'epinätödo: —Dios Tu̧ru̧hua̧ päi'önä kö̧ pä'ätöttö, ¿dijä̧ttö̧ korotöttö'inä abonänö adihuä i̧sa̧ päi'önä ö̧jä̧cua̧mä̧ ujututtu?

San Mateo 18:3

Ja̧u̧nu̧ o'ca'a jahuätörö pä'inödo: —Iso päi'önä pä'ösä ucuturu, ppo̧'ä̧tö̧ ttamöcuädö'a̧nö̧ pärocuäcutä cuamöcuädätucu juiyöttömä, yoröiso Dios ö̧jo̧mȩ do'ächocotö cuäcuotöjä.

San Mateo 18:5

Ja̧'hua̧ta̧nö̧ ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö.

San Marcos 10:43

Ja̧'hua̧nö̧ jo̧ca̧'a̧ jä̧cua̧ ucututtu. Ucututtu ya̧tȩ adihuä i̧sa̧ ö̧ja̧ päöttömä, korotörö ppä̧dä̧cua̧.

San Marcos 9:34

Mä̧nä̧nä̧ ichö “¿dijä̧ttö̧ korotöttö'inä abonänö adihuä i̧sa̧ päi'önä ö̧jä̧cua̧mä̧ ujututtu?” ttucuocuäja'attö, 'coruchi'inätödo Jesús jäepomenä.

San Lucas 14:11

Ya̧tȩ ucuo i̧sa̧ ö̧ja̧ pä'ömä, ucuo i̧sa̧ ko̧cö̧. Ja̧'hua̧ta̧nö̧ ya̧tȩ ucuo i̧sa̧ ö̧ja̧ pä'ocömä, ucuo i̧sa̧ ö̧jä̧cua̧, —pä'inödo Jesús.

San Lucas 9:48

Ja̧'hua̧nö̧ ja̧'a̧ päinä̧u̧do: —Ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörö hue'inörö'inä ppä'ädö. Ucutu cu̧'quȩtȩtu̧cu̧ttu̧ yoröiso usurä i̧sa̧mä̧, ja̧u̧tä̧ yabonänö ucuo i̧sa̧ jä̧cua̧.

Santiago 4:10

Usurä isotö ttö̧jö̧'a̧nö̧ ka̧cuä̧tu̧cui̧. Ja̧u̧ ucutu suronä jȩcu̧'ä̧tu̧cu̧ jȩpö̧ i̧cuä̧cua̧.

1 Pedro 5:5

Ucutu'inä u̧mä̧tö̧ möäyotö, o'ca juiyönä ancianos huotö huettömä ä̧ju̧cu̧ jȩpä̧tu̧cui̧. Ja̧'hua̧ta̧nö̧ o'ca toi'önä korotörö ppä'ädö eseunu ka̧cuä̧tu̧cui̧. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.