San Mateo 17:2 - TÄ̧DO Ä̧CUÄ̧ I̧HUȨNȨ

² Juhua'attö Jesús pärohuächinödo jahuätö ttä'ca jo̧mȩttö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧do. Ö̧'ca̧tä̧huä̧ta̧ korottö'inä abonänö teina'ado.

Nuevo Testamento Uwotjüja

² Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

San Mateo 17:2 Iomraidhean Croise

San Mateo 17:1

Ko̧ro̧mö̧ttö̧nö̧ ya'ute mo̧ro̧ o'ca'a, Jesús o'ipinödo Pedrorö'inä, Jacoborö'inä, ö̧jä̧hua̧ Juanrö'inä. Jahuätöcu inähuä, ju'toju isähuära̧'a̧ 'chi̧nö̧do.

San Mateo 17:3

Yotäcu Moisés mi̧nä̧rö̧'i̧nä̧, Elías mi̧nä̧rö̧'i̧nä̧ topinätödo Jesúscu ttucuocua'a.

San Mateo 28:3

Cu'upä örohua'a jä̧'i̧nö̧'a̧nö̧ tȩa̧hui̧na̧'a̧do. Ö̧'ca̧tä̧huä̧ta̧ koro teö juäittö'inä abonänö teina'ado.

San Marcos 9:3

Ö̧'ca̧tä̧huä̧ta̧ nieve ta'anö, korottö'inä abonänö teina'ado. Iso päi'önä pi̧jä̧ ttö̧ja̧ ttö̧'ca̧tä̧huä̧ta̧ ttötöcomenä, ja̧'hua̧nö̧ teönämä töcocotö.

San Lucas 9:29

Ja̧'hua̧nö̧ ja̧'a̧ Jesús Diosrö ucuocua'anä, ö'ä pärohuächinödo. Ö̧'ca̧tä̧huä̧ta̧mä̧ juiyo teönä sä̧ru̧nä̧ pärohuächi'ina'ado.

San Juan 1:14

Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Apocalipsis 10:1

Ja̧'hua̧ ja̧'a̧ttö̧ ka̧ra̧ ángel ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Ja̧u̧mä̧ ajiya isoppanä juä'opäcuähuinö. U huämenä huäyärobö ku̧nä̧ri̧nö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧. Öjahuiyä'inä koro juäi 'quiyö juäi isä'ca ocurä cuoa'a jä̧'i̧nö̧'a̧nö̧ hui̧nö̧.

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.