San Mateo 16:19 - TÄ̧DO Ä̧CUÄ̧ I̧HUȨNȨ

¹⁹ Dios ö̧jo̧mȩ äpate bahuecuahui chi̧yä̧cua̧jä̧. Pi̧jä̧nä̧ cuä̧ppö̧tä̧rö̧mä̧, mo̧ro̧jä̧nä̧'i̧nä̧ Dios ä̧ppö̧tä̧rä̧cua̧. Pi̧jä̧nä̧ huecumä, mo̧ro̧jä̧nä̧'i̧nä̧ Dios huȩä̧cua̧.

Nuevo Testamento Uwotjüja

¹⁹ Ukurumä̧ mo̧ro̧jä̧ ru̧wa̧ weü bawekuä llawi o̧kä̧ chi̧yä̧kua̧jä̧; pi̧jä̧nä̧ttü̧ uku ku̧nü̧'kümä̧ mo̧ro̧jä̧nä̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädümä̧, mo̧ro̧jä̧nä̧ttü̧'i̧nä̧ ejächi'äkua'a.

San Mateo 16:19 Iomraidhean Croise

San Mateo 18:18

“Iso päi'önä pä'ösä ucuturu, o'ca juiyönä pi̧jä̧nä̧ cuä̧ppö̧tä̧rä̧tu̧cu̧mä̧, mo̧ro̧jä̧nä̧'i̧nä̧ Dios ä̧ppö̧tä̧rä̧cua̧. Ja̧'hua̧ta̧nö̧ pi̧jä̧nä̧ huecuhuätucumä, mo̧ro̧jä̧nä̧'i̧nä̧ Dios huȩä̧cua̧.

San Juan 20:23

Ucutu korotö suronä jȩtti̧nö̧mä̧ jȩpö̧ cuicuätucuomenä, iso päi'önä suronä jȩttö̧ jȩpö̧ i̧cuä̧cua̧ Dios. Ja̧'hua̧ta̧nö̧ ucutu korotö suronä jȩtti̧nö̧mä̧ jȩpö̧ cuicuätucuoca'a, iso päi'önä suronä jȩttö̧ jȩpö̧ icuocö Dios, —pä'inödo Jesús.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

2 Corintios 2:10

Jitämä ucutumä suronä jȩpö̧rö̧ cunichi'ätucuomenä, ttö'inä ja̧u̧ru̧ chu̧ni̧chi̧'ä̧cua̧sä̧. Ttö chunichi'ö kö̧ttö̧mä̧, Cristo ä'ca jo̧mȩttö̧ ucuturu amöcuädö unichi'inösä, Satanás suronä jȩa̧'a̧cu̧ ujuturu. O'ca toi'önä ujutu huo̧juä̧tö̧jä̧ ja̧u̧ jȩö̧mä̧.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.

Apocalipsis 11:6

Pitö umöhuäyotömä, Dios i̧huȩnȩ jittähuome jubö, mo̧ro̧jä̧ mö̧ttȩpa̧ pä'ö pi̧jä̧nä̧ ajiya ichö juiya pä'ö juruhuätö. Ja̧'hua̧ta̧nö̧ ajiya ttö̧ja̧ ttucuoja päi'önä pärohuächa pä'ö juruhuätö. Ja̧'hua̧ta̧nö̧ jitörötä pä̧huä̧ rö̧jo̧mȩnä̧, pi̧jä̧ ttö̧ja̧rö̧ o'ca juiyönä surojö 'cuä'opö ubara ttutta pä'ö juruhuätö.

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.

Apocalipsis 9:1

Ka̧ra̧ ángel, ji̧mö̧tȩ ru̧hua̧ päi'önä, öäre trompeta ppö'inö. Ppöomenä, ya̧tȩ siri'comä mo̧ro̧jä̧ra̧'a̧ttö̧ pi̧jä̧cu̧ ma̧'ö̧rö̧ topinösä. Ja̧u̧ siri'comä ttiyinäcu reju, yoröiso beipocoju llave.