San Mateo 14:3 - TÄ̧DO Ä̧CUÄ̧ I̧HUȨNȨ

³ Herodes Juanrö cärenä rötinödo. Ja̧'hua̧nö̧ cärenä ö̧'a̧'a̧ cuoräusanä nö̧'cä̧rö̧ ttu̧ju̧na̧rö̧ pä'ö hue'inödo, Herodías pä'ö micuaju kesehua pä'ö. Yajutä Herodíasmä, Herodes ö̧jä̧hua̧ Felipe irecua pi̧nä̧ju̧do.

Nuevo Testamento Uwotjüja

³ Pa̧'a̧nü̧ pä'amä̧, Herode-mä̧ Ju̧a̧-rü̧ kä̧rȩnä̧sa̧nä̧ nü̧'kü kärenä̧ ttütünä̧ weina̧'a̧ ji̧na̧'a̧, i̧jä̧wa̧ Filipo irekua Herodía jäwänä̧.

San Mateo 14:3 Iomraidhean Croise

San Mateo 11:2

Juan, cärenä ö̧'a̧'a̧nä̧, Jesucristo jȩö̧mä̧ ä̧ju̧cui̧nö̧do. Ja̧'hua̧nö̧ ja̧'a̧ttö̧ chutä umöhuäyotörö ta̧ju̧ru̧ hue'inödo Jesúsru jä'epö ttä̧ju̧cua̧ pä'ö.

San Mateo 14:6

Herodes uhuäpächinö mo̧ro̧ pätecuächomenä, fiesta jȩtto̧mȩnä̧, Herodías kittiju o'ca toi'önä ttä'ca jo̧mȩttö̧ baile tö'inäjudo. Ja̧'hua̧nö̧ töja'a Herodes juiyo esehuinödo.

San Mateo 4:12

Jesús Juan cärenä ö̧'a̧'a̧ ä̧ju̧cuo̧mȩnä̧, Galilea rȩjȩra̧'a̧ 'chi̧nö̧do.

San Marcos 6:14

O'ca toi'önä Jesús jȩa̧'a̧ ä̧ju̧cui̧nä̧tö̧do. Ru̧hua̧ Herodes'inä ja̧u̧ huȩnȩ ä̧ju̧cui̧nö̧do. Chutä Herodes pä'inödo: —Ja̧u̧mä̧ Juan el Bautistamä 'corupäi'ina'attö tto'ächinö. Ja̧'hua̧nö̧ ja̧'a̧ttö̧ ja̧u̧ juäi ujuru ku̧nä̧rö̧.

San Marcos 6:17

Herodes Juanrö cärenä ttötarö pä'ö hue'inödo. Ja̧'hua̧nö̧ cärenä ö̧'a̧'a̧, cuoräusanä nö̧'cä̧rö̧ ttu̧ju̧na̧rö̧ pä'ö hue'inödo, Herodías pä'ö micuaju kesehua pä'ö. Yajutä Herodíasmä, Herodes ö̧jä̧hua̧ Felipe irecua pi̧nä̧ju̧do. Ja̧'hua̧nö̧ ja̧'a̧nä̧ Herodes ȩmi̧nä̧cua̧do irecua päi'önä.

San Marcos 6:19

Herodías Juanrö köjö'coca'attö, cuä'ö kicuarö pä'inäjudo. Ja̧'hua̧nö̧ ja̧'a̧nä̧ cuä'ö kicu juiyönä ji̧nä̧cua̧do.

San Marcos 6:22

Herodías kittijumä fiesta jȩtto̧mȩ 'chä̧hui̧'ö̧, baile tö'inäjudo. Herodes'inä, chutäcu cuinätö'inä baile töja'a esehuinätödo. Ja̧hua̧ ja̧'a̧ ru̧hua̧ pä'inödo jahuäju möäyajuru: —Ucurutä pä̧huä̧ rö̧jö̧mä̧ jä'epittö chiyacu.

San Marcos 8:15

Ja̧'hua̧ ja̧'a̧ Jesús pä'inödo jahuätörö: —Ä̧ju̧cuä̧tu̧cui̧. Fariseos huotö'inä, Herodes'inä ttu̧cuȩ pan ppö̧ä̧mö̧ juäi ttu̧ȩcuä̧nä̧ ka̧cuä̧tu̧cui̧.

San Lucas 13:1

Ja̧u̧nu̧tä̧ pä̧nä̧ korotömä, ru̧hua̧ Pilato Galilea rȩjȩ ttö̧ja̧rö̧ cuä'ö icuinö huȩnȩ, Jesúsru ji'äu ichi'inätödo. Ttö̧ja̧ ttucuojacu, äji cuäcuähuotö sacrificio jȩtta̧ pä'ö cuättäjä̧u̧ ttucuojacu ttihuatina'a ji'ähuinätödo.

San Lucas 13:31

Ja̧u̧nu̧tä̧ mo̧ro̧ yotöte fariseos huotö ichi'inätödo. Jesúsru pä'inätödo: —Porömä tu'ipächi. Ru̧hua̧ Herodes cuä'ö icua päcujä.

San Lucas 23:11

Ja̧'hua̧ ja̧'a̧ Herodescu, umöhuäyotö su̧ro̧da̧u̧cu̧ Jesúsru ttöjö'cö juiyönä jȩtti̧nä̧cu̧do. Ja̧u̧ru̧ ya̧'ä̧huä̧'chö̧, ru̧hua̧ ö̧'ca̧tä̧u̧'a̧nö̧ ttö̧'ca̧ti̧nä̧cu̧do. Ja̧u̧nu̧ o'ca'a Herodes pä'äji ta'anö hueinäcudo Pilatorö.

San Lucas 23:7

Jahuätömä: —A̧'a̧ Galilea ttö̧ja̧ i̧sa̧do, —pättomenä, Herodesrö, Galilea rȩjȩ ru̧hua̧rö̧ hue'inödo ttȩpa̧rö̧ pä'ö. Chutä Herodes ja̧u̧nu̧ mo̧ro̧ ki̧nö̧do Jerusalén ötahuiyära̧'a̧.

San Lucas 3:1

Ttö̧jä̧pö̧ttö̧nö̧ ji̧mö̧tȩ jähuä a̧'ȩ ru̧hua̧ ö̧ja̧'a̧mä̧, ji̧nä̧ isocu hueähuä i̧sa̧ ru̧hua̧ Tiberio pi̧nö̧do. Poncio Pilatomä Judea rȩjȩ ru̧hua̧ pi̧nö̧do. Herodesmä Galilea rȩjȩ ru̧hua̧ pi̧nö̧do. Ö̧jä̧hua̧ Felipemä Iturea rȩjȩ'i̧nä̧, Traconite rȩjȩ'i̧nä̧ ru̧hua̧ pi̧nö̧do. Ja̧'hua̧ta̧nö̧ Lisaniasmä Abilinia rȩjȩ ru̧hua̧ pi̧nö̧do.

San Lucas 8:3

Ja̧'hua̧ta̧nö̧ Herodes hueomenä, yabo hueähuä i̧sa̧ Chuza pä'ö mi̧cua̧ irecua Juana'inä, Susana'inä, korotö recuätö nä̧tö̧ ttu̧ju̧nä̧rö̧nä̧tä̧ Jesúsru ppä'ädinätö'inä Jesúscu 'chi̧nä̧tö̧do.

Hechos 12:1

Ja̧u̧nu̧ pä̧nä̧ ru̧hua̧ Herodes suronä jȩpi̧nö̧ Jesucristorö esetätörö.

Hechos 4:27

“Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.