San Mateo 14:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ttö̧ ttö̧ja̧rö̧ hue'inödo rȩjȩ ttö̧'ä̧mä̧da̧ pä'ö. Ja̧u̧nu̧ o'ca'a i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a 'tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

Nuevo Testamento Uwotjüja

¹⁹ Pä'äji̧'ka̧, ttü̧ja̧rü̧mä̧ isä'kua wä̧mȩ ttü̧'ä̧mä̧da̧ pä'ü wȩä̧jä̧u̧ ttü̧'ȩjä̧ma̧'a̧nä̧, ji̧mü̧tȩ jäwä trigo ire o̧si̧'i̧nä̧, po̧i̧ ta̧ju̧ru̧'i̧nä̧ ȩmo̧po̧'ü̧ mo̧ro̧jä̧ra̧'a̧ku̧ topünü̧ Dio-rü eseunu̧ ukuokuinü̧. Ukuokuäji̧'ka̧ 'To'opü i̧yä̧u̧ u̧wo̧juȩtä̧u̧mä̧ jua'a yabo ttü̧ja̧rü̧ iyä'chinä̧tü̧.

San Mateo 14:19 Iomraidhean Croise

San Mateo 14:18

Jesús pä'inödo: —Pocu i'cächätucui.

San Marcos 6:39

Ja̧'hua̧nö̧ ja̧'a̧ttö̧ ttö̧ja̧rö̧ hue'inödo, rȩjȩ ttö̧'ä̧mä̧da̧ pä'ö.

San Marcos 6:41

Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö ucuocuinödo Diosrö. Ja̧u̧nu̧ o'ca'a i̧ri̧si̧ tȩ'chä̧rö̧ iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧. Ja̧'hua̧ta̧nö̧ po̧i̧ ta̧ju̧ru̧'i̧nä̧ tȩ'chä̧rö̧ iyinödo o'ca toi'önä ttö̧ja̧rö̧.

San Marcos 7:34

Ja̧u̧nu̧ o'ca'a mo̧ro̧jä̧ra̧'a̧ topö, juäpö pä'inödo ja̧u̧ uborö: —¡Efata! —Ja̧'hua̧nö̧ päomenä: ¡Ba'ecuächirö! päa'a.

San Lucas 22:17

Ja̧'hua̧ ja̧'a̧ i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧ pä'inödo: —Pi̧yȩ iyä'chäcuäu ahuätucui ucutu o'ca toi'önä.

San Lucas 22:19

Ja̧u̧nu̧ o'ca'a i̧ri̧si̧ u̧mö̧nä̧ 'chu̧'ä̧rö̧, Jä'o Diosrö ucuocuinödo. Ucuocuäji'ca̧ 'tȩ'chä̧rö̧ iyinödo jahuätörö. Pä'inödo: —Pi̧yȩmä̧ ttötä jä̧ttä̧pä̧ya̧sä̧, ucuturu ppä'ädö iyö icuä̧cuȩ. Ttörö amöcuädö jȩpä̧tu̧cui̧.

San Lucas 24:30

Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.

San Lucas 9:14

Cinco mil jo̧mȩnä̧ u̧mä̧tö̧ ji̧na̧'a̧do. Ja̧'hua̧nö̧ ja̧'a̧ Jesús pä'inödo u̧huo̧juȩtä̧u̧ru̧: —I̧mi̧cu̧nä̧ cincuenta jo̧mȩ pö̧nä̧ ttö̧'ä̧mä̧da̧ hue'itö.

San Lucas 9:16

Ja̧u̧nu̧ o'ca'a Jesús i̧ri̧si̧ ji̧mö̧tȩ jähuä ö̧si̧'i̧nä̧, po̧i̧ ta̧ju̧'i̧nä̧ u̧mö̧nä̧ 'chu̧'ä̧rö̧, mo̧ro̧jä̧ra̧'a̧ topö, Diosrö ucuocuinödo. Ja̧u̧nu̧ o'ca'a i̧ri̧si̧ 'tȩ'chä̧rö̧, iyinödo u̧huo̧juȩtä̧u̧ru̧, juhua'a yabo ttiya pä'ö ttö̧ja̧rö̧.

San Juan 11:41

Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.

San Juan 6:23

Ja̧'hua̧nö̧ ja̧'a̧nä̧'i̧nä̧ koro huoi'quiyu Tiberias ötahuiyättö ichö, jahuätö ttö̧ja̧ i̧ri̧si̧ Jesús Diosrö ucuocuäji o'ca'a ttucuinome tö'cönänö huä̧mi̧pä̧chi̧nä̧tö̧do.

Hechos 27:35

Ja̧'hua̧nö̧ pä'ö, Pablo pan u̧mö̧nä̧ ȩmö̧ o'ca toi'önä ttä'ca jo̧mȩ Diosrö ucuocuinö. Ja̧'hua̧nö̧ jȩpö̧, 'te'ädö cuinö.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

1 Corintios 10:16

Ja̧'hua̧ta̧nö̧ Santa Cena jȩpö̧, Diosrö ucuocu isoya tahuomenä, pä'ätöjä: “Pi̧yȩmä̧ Cristo ucuoja päi'a'a ahuätöjä.” Ja̧'hua̧ta̧nö̧ i̧ri̧si̧'i̧nä̧ tucuomenä, pä'ätöjä: “Pi̧yȩmä̧ Cristo jä̧ttä̧pä̧ya̧ päi'a'a cuätöjä.”

1 Corintios 10:31

O'ca juiyönä cucuätucu'inä, cuahuätucu'inä, jȩcu̧'ä̧tu̧cu̧'i̧nä̧, Diosrö eseunu jȩpä̧tu̧cui̧.

1 Corintios 11:24

Ja̧'hua̧nö̧ 'chu̧'ä̧rö̧ Diosrö ucuocuäji'ca̧, 'tȩ'chä̧rö̧ iyinödo i̧ri̧si̧. Pa̧'a̧nö̧ pä'inödo: “Cuätucui. Pi̧yȩmä̧ ttötä jä̧ttä̧pä̧ya̧sä̧ ucuturu ppä'ädö iyö icuä̧cuȩ. Ttörö amöcuädö jȩpä̧tu̧cui̧.”

Colosenses 3:17

O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.