San Mateo 13:51 - TÄ̧DO Ä̧CUÄ̧ I̧HUȨNȨ

⁵¹ Ja̧'hua̧nö̧ ja̧'a̧ Jesús jä'epinödo jahuätörö: —¿Ja̧u̧ huȩnȩ o'ca juiyönä ä̧ju̧cuä̧tö̧jä̧? Jahuätö ädätinätödo: —A̧, Tu̧ru̧hua̧.

Nuevo Testamento Uwotjüja

⁵¹ Jesú juätürü jä'epü ä̧ju̧kui̧nü̧: —¿Pi̧yȩmä̧, o'kajuiyünä̧tä̧ wo̧jui̧'ä̧tü̧jä̧? —Päomȩnä̧ —A̧'a̧, pä'ü ttädätinä̧ku̧.

San Mateo 13:51 Iomraidhean Croise

San Mateo 13:11

Jahuätörö ädätinödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ cu̧huo̧juä̧tu̧cua̧ pä'ö. Jahuätö ja̧u̧ huȩnȩ jerupätödo.

San Mateo 13:19

Korotömä Dios Ttu̧ru̧hua̧ päi'önä ö̧jä̧cuȩ huȩnȩ 'cucuächi'oca'a ä̧ju̧cuä̧tö̧mä̧ jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Ähuettä ichi'ö 'cho'ipö Dios i̧huȩnȩ ttami iso'quittö.

San Mateo 13:50

Suronä jȩpä̧tö̧rö̧ ocuränä do'opö tticuäcuotö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧do, —huo̧juȩti̧nö̧do Jesús.

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Mateo 15:17

¿Ucutu ä̧ju̧cuo̧co̧tö̧jä̧ tä̧ji̧? O'ca juiyönä ttänä doächömä, ttö'cäbiyönätä ȩji̧pö̧do. Ja̧u̧nu̧ o'ca'a kara'anätä rä'epö icuähuädo.

San Mateo 16:11

¿Tta̧'a̧nö̧ pä'ö cuieruhuätucua'ajä̧ttö̧? Ja̧'hua̧nö̧ fariseos huotö'inä, saduceos huotö'inä ttu̧cuȩ pan ppö̧ä̧mö̧ juäi ttu̧ȩcuä̧nä̧ ka̧cuä̧tu̧cui̧ pädomenä, jitötä ttu̧cuȩ pan pä'ocö päjisä.

San Mateo 24:15

“Pi̧yȩ huȩnȩ ucuocumä, ä̧ju̧cua̧ja̧. Dios i̧huȩnȩ jiäcuähuä i̧sa̧ Daniel päinö ta'anö suronä jȩpö̧ huȩ'ä̧rö̧rö̧, suronä toei'önä jȩpö̧rö̧, ji̧nä̧ isocu adihuomecu ö̧ja̧'a̧ tocu'ätucuomenä, ja̧u̧nu̧ Judea rȩjȩnä̧ ka̧cuä̧tö̧mä̧ möä'cara̧'a̧cu̧ jotte'ö'a̧nö̧ ja̧'a̧.

San Marcos 4:34

Jesús koro juäi jä̧'i̧nö̧'a̧nö̧ jö̧ huȩnȩtä̧ huo̧juȩti̧nö̧do, koro jiähuoca'anä. Ja̧'hua̧nö̧ ja̧'a̧nä̧ o'ca juiyönä rä'epö icu ji'ähuinödo u̧huo̧juȩtä̧u̧ru̧.

San Marcos 7:18

Ja̧u̧ jahuätörö pä'inödo: —¿Ucutu'inä ä̧ju̧cuo̧co̧tö̧jä̧ tä̧ji̧? ¿O'ca juiyönä rattädi'omenä, idicuächoca'a ä̧ju̧cuo̧co̧tö̧tä̧ tä̧ji̧?

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.