San Mateo 13:23 - TÄ̧DO Ä̧CUÄ̧ I̧HUȨNȨ

²³ Ja̧'hua̧ ja̧'a̧nä̧ koro rȩjȩ adihuome ma̧ä̧chi̧nö̧mä̧, korotö Dios i̧huȩnȩ adiunä ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧ jä̧'i̧nö̧'a̧nö̧ huotö. Korotömä koro jacuä jähuä ya'ute cien jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä treinta jo̧mȩnä̧ huȩji̧nö̧ ta'anö huotö, —pä'inödo Jesús.

Nuevo Testamento Uwotjüja

²³ Ja̧'wa̧nü̧ ja̧'a̧nä̧, rȩjȩ adiwomȩ ma̧ä̧chi̧nü̧ jä̧ji̧mä̧ wȩnȩkuä̧cha̧'a̧, Dio i̧wȩnȩ ttä̧ju̧kuo̧mȩnä̧ adiu wo̧jui̧'ä̧tü̧rü̧ ja̧'wa̧nü̧ ja̧'a̧ jo̧mȩnü̧ u̧wä̧ju̧ wȩjä̧u̧ru̧, yotütenä̧mä̧ ciȩnü̧ pünä̧, kkorotünä̧mä̧ sesenta-nü̧ pünä̧, kkorotünä̧tä̧ treinta-nü̧ pünä̧, yotüku pünä̧mä̧.

San Mateo 13:23 Iomraidhean Croise

San Mateo 12:33

Juhua'a yabonö fariseos huotörö pä'inödo Jesús: —Koro dau, adihuä juäi dau, u̧huä̧ju̧mä̧ adihuä juäitä huȩjö̧do. Ja̧'hua̧ta̧nö̧ suräjuäi dau, u̧huä̧ju̧mä̧ suräjuäitä huȩjö̧do. Ja̧'hua̧nö̧ ja̧'a̧ttö̧ dau u̧huä̧ju̧ koro adihuä juäi pä'ö huo̧juä̧tö̧jä̧.

San Mateo 13:8

Koro jacuä jähuämä ji̧'qui̧cha̧nö̧tä̧, rȩjȩ adihuome ma̧ä̧chi̧na̧'a̧do. Ja̧u̧ jacuä jähuä adiu baumä, rö̧ȩnä̧ huȩji̧na̧'a̧do. Koromä ya'ute cien jo̧mȩnä̧ huȩji̧na̧'a̧do. Koromä sesenta jo̧mȩnä̧ huȩji̧na̧'a̧do. Koromä treinta jo̧mȩnä̧ huȩji̧na̧'a̧do.

San Mateo 3:10

I̧da̧pä̧'quȩ täcö jo̧mȩ päi'a'a dauhuiyä ku̧'u̧ icua pä'ö. Ja̧'hua̧ta̧nö̧ o'ca juiyö dauhuiyä adihuä juäi cuäcuähuä huȩjo̧cö̧mä̧, ku̧'u̧ icuipö ku i̧cuä̧cua̧ ocuränä.

San Mateo 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧.

San Marcos 10:15

Iso päi'önä pä'ösä ucuturu, ya̧tȩ ji̧'qui̧cha̧hua̧ Dios Chu̧ru̧hua̧ päi'önä kö̧ pä̧ö̧'a̧nö̧ pä'ocotömä, Dios ö̧jo̧mȩ do'ächocotö ttäcuotö.

San Marcos 4:20

Ja̧'hua̧nö̧ ja̧'a̧nä̧ korotömä Dios i̧huȩnȩ ä̧ju̧cu̧ esetätö. Jahuätö adiu ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧, jacuä jähuä rȩjȩ adihuome ma̧ä̧chö̧ huȩja̧'a̧ jä̧'i̧nö̧'a̧nö̧. Korotömä koro jacuä jähuä treinta jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä ya'ute cien jo̧mȩnä̧ huȩji̧nö̧ ta'anö huotö, —pä'inödo Jesús.

San Lucas 13:9

Adihuäcua'a u̧huä̧ju̧ huȩjö̧ttö̧mä̧. Ja̧'hua̧nö̧ jö̧ juiyöttötä, 'co̧rö̧ tticuajai.”

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Lucas 8:8

Koro jacuä jähuämä ji̧'qui̧cha̧nö̧tä̧ rȩjȩ adihuome ma̧ä̧chi̧na̧'a̧do. Ja̧'hua̧nö̧ ja̧'a̧ ppöröhuinödo cien jo̧mȩ u̧huä̧ju̧ huȩjö̧nä̧. Ja̧u̧ ji'äu cä'ädö, Jesús pä̧i̧cu̧nä̧ pä'inödo: —Ä̧ju̧cuä̧tö̧mä̧, adiu ä̧ju̧cuä̧tu̧cui̧.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 8:47

Dios i̧tti̧mö̧mä̧, Dios i̧huȩnȩ ä̧ju̧cuä̧tö̧do. Ja̧'hua̧nö̧ ja̧'a̧nä̧ Dios i̧tti̧mö̧ huocotöjä. Ja̧'hua̧nö̧ ja̧'a̧ttö̧ ucutumä cuä̧ju̧cuä̧tu̧cua̧ pä'ocotöjä, —pä'inödo Jesús.

Hechos 16:14

Juhua'attö yajute Lidia pä'ö micuaju, Tiatira ötahuiyättö ichinäjumä, pö̧jä̧ta̧ adihuä̧ta̧ ja̧'tu̧nä̧nö̧ tu̧huä̧ta̧ iyä'ijäjumä ki̧nä̧ju̧. Yaju'inä Diosrö ucuocuä'ijäju ji̧na̧'a̧. Pablo ucuocuäjimä adiu ä̧ju̧cui̧nä̧ju̧. Dios 'cucuächi'önä kä̧ju̧cua̧ pä'ö jȩpi̧nö̧, Pablo jiähuäji keseta pä'ö.

Hechos 17:11

Judíos ttö̧ja̧mä̧ Berea ötahuiyänä ka̧cuä̧tö̧mä̧ Tesalónica ötahuiyä ttö̧ja̧ttö̧'i̧nä̧ abonänö adiu ä̧ju̧cui̧nä̧tö̧ Jesucristo i̧huȩnȩ. Berea ötahuiyä ttö̧ja̧ Pablo jiäumä adiu ttä̧ju̧cua̧ pä'inätödo. Mo̧ro̧ji̧nö̧ a̧'u̧cuä̧ Huȩyu̧cuä̧ Huȩnȩ adiu topinätödo, Pablo jiähuäjimä iso päi'önä jueö jiähuäja pä'ö.

2 Corintios 9:10

Diosmä ku̧nä̧huä̧ ru̧hua̧rö̧ jacuä jähuä u̧ju̧na̧ pä'ö iyö. Ja̧'hua̧ta̧nö̧ cuäcuähuä iyö, ucua pä'ö. Ucuturu'inä i̧yä̧cua̧ adihuä juäi cu̧ju̧nä̧tu̧cua̧ pä'ö. Ja̧u̧nu̧ o'ca'a, cu̧ju̧nä̧tu̧cu̧ o'ca'a, rö̧ȩnä̧ adihuä juäi cuȩmä̧tu̧cua̧ pä'ö i̧yä̧cua̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Colosenses 1:6

Ja̧u̧ huȩnȩ, cuä̧ju̧cui̧nä̧tu̧cu̧ huȩnȩ, pi̧jä̧nä̧ o'ca juiyönä rö̧ä̧cha̧'a̧. Ja̧'hua̧ta̧nö̧ ucutu äcuomenä Dios i̧huȩnȩ, iso päi'önä repeähuä huȩnȩ, ä̧ju̧cu̧ jȩcu̧'i̧nä̧tu̧cu̧ ta'anö, pärocuätä amöcuädö jȩpä̧tö̧ korotö'inä.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

2 Tesalonicenses 2:10

O'ca juiyönä suronä jȩä̧cua̧, totte'äcuotömä ttesetarö pä'ö. Jahuätö totte'äcuotö, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ttesetoca'attö.

Hebreos 4:2

Jahuätö ttä̧ju̧cui̧nö̧ ta'anö, ja̧u̧tä̧ ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧jä̧ ujutu'inä. Jahuätörö micuähuoca'a ji̧na̧'a̧do, ja̧u̧ huȩnȩ ä̧ju̧cu̧ ttesetoca'a ji̧na̧'a̧ttö̧.

Hebreos 6:7

Jahuätö pi̧jä̧ rȩjȩ ajiya ichomenä, ajiya 'cuhuädi'a'a jä̧'i̧nö̧'a̧nö̧ ka̧cuä̧tö̧. Ja̧u̧ rȩjȩ ttaditomenä, adiu bauttumä, Dios ppädäcuähuä ja̧'a̧.

Hebreos 8:10

Ja̧u̧nu̧ pä̧nä̧ o'ca'a, Israel ttö̧ja̧rö̧ pi̧yȩ huȩnȩ chiyäcuotö, pä'ödo Tu̧ru̧hua̧. Ttö huedömä, ttamöcuädönä chiyäcuotö. Ttami iso'quinä'inä ttö huedömä chi̧huȩyu̧tä̧cua̧sä̧. Ja̧'hua̧ ja̧'a̧ttö̧ ttö jitötä Dios pä̧di̧'ä̧cua̧sä̧. Jahuätö'inä chumöhuäyotö pätti'äcuotö.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.