San Mateo 13:22 - TÄ̧DO Ä̧CUÄ̧ I̧HUȨNȨ

²² Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

Nuevo Testamento Uwotjüja

²² Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Mateo 13:22 Iomraidhean Croise

San Mateo 12:32

Ya̧tȩ Ubo I̧tti̧rö̧ suronä ucuocuttumä, ja̧u̧mä̧ suronä ucuocumä, jȩpö̧ icudo. Ja̧'hua̧nö̧ ja̧'a̧nä̧ ya̧tȩ Espíritu Santorö suronä ucuocuttumä, ja̧u̧mä̧, suronä ucuocumä, yoröiso jȩpö̧ icuocödo, jitä pä̧nä̧'i̧nä̧, yodoji pä̧nä̧'i̧nä̧, —pä'inödo Jesús.

San Mateo 13:39

Ja̧u̧ surä'cua ku̧ni̧nö̧mä̧, ähuettä pi̧nö̧do. Koro settinömä yodoji röji mo̧ro̧ päi'omenä, jä̧cuȩ päa'a. Ja̧'hua̧ta̧nö̧ se'inätömä ángeles pi̧nä̧tö̧do.

San Mateo 13:40

Ja̧'hua̧ta̧nö̧ surä'cua que'ö icu ocuränä ku tticu'a̧nö̧ jä̧cua̧'a̧ yodoji röji mo̧ro̧ päi'omenä.

San Mateo 13:7

Ja̧'hua̧ta̧nö̧ koro jacuä jähuä ji̧'qui̧cha̧nö̧tä̧ so̧ä̧'cua̧nä̧ ma̧ä̧chi̧na̧'a̧do. Ja̧u̧ bahui'omenä, so̧ä̧'cua̧ rȩä̧di̧'i̧na̧'a̧do.

San Lucas 12:15

Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.

San Lucas 12:21

Ja̧'hua̧nö̧ 'cuäopa'a ya̧tȩ pi̧jä̧ jähuä ca̧ca̧tö̧ ku̧nu̧ru̧mä̧, Diosrö amöcuädoca'a kö̧rö̧mä̧.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

San Lucas 8:14

Korotömä, jacuä jähuä so̧ä̧'cua̧nä̧ ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cu̧ tteseta'anä, pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä ku̧nä̧rä̧cuä̧huä̧, pärätänätä a̧mö̧cuä̧rö̧ jȩtta̧'a̧ttö̧ o'ca juiyönä rȩä̧cha̧'a̧ Dios i̧huȩnȩ ttesetomenä. Ja̧'hua̧nö̧ yoröiso u̧huä̧ju̧ jui'ätö.

Hechos 8:18

Jesús hue'ähuotö ttu̧mö̧nä̧ mȩtto̧mȩnä̧, Espíritu Santo ö̧jä̧mä̧da̧'a̧ tomenä, Simón pärätä imita pä'inödo Jesús hue'ähuotörö.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

1 Corintios 1:20

¿Tȩnȩjä̧ttö̧ pi̧jä̧ttö̧ huo̧juä̧huä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ huo̧juȩcuä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ ucuocuäcuähuä i̧sa̧mä̧? Pi̧jä̧ttö̧ huo̧juä̧huä̧ ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ jȩpi̧nö̧do Dios.

1 Corintios 2:6

Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.