San Mateo 12:18 - TÄ̧DO Ä̧CUÄ̧ I̧HUȨNȨ

¹⁸ Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

Nuevo Testamento Uwotjüja

¹⁸ Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

San Mateo 12:18 Iomraidhean Croise

San Mateo 12:17

Ja̧u̧ ja̧'hua̧nö̧ jȩpi̧nö̧do Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö 'cuäopa'a pä'ö. Ja̧u̧ huȩyu̧ti̧nö̧do:

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Marcos 1:11

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö Chi̧tti̧ rȩni̧'a̧jä̧. Ucuru juiyo eseusä, —päina'ado.

San Marcos 9:7

Ja̧'hua̧nö̧ ja̧'a̧ ajiya isoppa mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Lucas 23:35

Ttö̧ja̧ ju̧huȩnȩtä̧ ka̧cu̧ to̧pä̧ri̧nä̧tö̧do. Ruhuotö'inä ja̧u̧ru̧ ya̧'ä̧huä̧'chö̧ pä'inätödo: —Korotörö ppä'ädinö. Iso päi'önä Cristo, Dios ȩmi̧nä̧cu̧ jö̧ttö̧mä̧, chutä amönä ppädäcuäudo.

San Lucas 3:22

Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Lucas 9:35

Ja̧'hua̧nö̧ ja̧'a̧ ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧.

San Juan 3:34

Iso päi'önä Dios hueinäcumä, Dios i̧huȩnȩ ji'äu, Dios Espíritu Santorö repeähuä juiyönä iya'attö.

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 14:27

Antioquía ötahuiyära̧'a̧ 'chä̧hui̧'ö̧, iglesia ruhuärö ji̧nä̧ yo̧mȩtȩ ca̧ca̧tö̧ ji'ähuinätödo o'ca juiyönä Dios jahuätöcu jȩi̧nö̧mä̧. Dios jähuä ba'epö i̧jȩpi̧nö̧ judíos huocotö'inä ttesetarö pä'ö ji'ähuinätödo.

Efesios 1:6

Ja̧'hua̧nö̧ ja̧'a̧ttö̧ chutä adihuä I̧tti̧rö̧ tesetomenä, ujuturu adihuä juäi iyinömä amöcuädö, 'cuäopönä eseäcuähuätöjä Diosrö.

Colosenses 1:1

Ttö Pablocu, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧mä̧, chö̧jä̧hua̧ Timoteocu huȩyu̧tu̧ hue'ösä pi̧yȩ cuyäru Dios i̧tti̧mö̧rö̧, Cristorö esetätörö, Colosas ötahuiyänä ka̧cuä̧tö̧rö̧. Tä'o Dios ucuturu adiu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu iyäcua'a̧nö̧.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

1 Pedro 2:4

Tö'cöpächätucui Tu̧ru̧hua̧rö̧, inähuä hua'ö icuocohuä jä̧'i̧nö̧'a̧nö̧ hua̧rö̧. Pi̧jä̧ ttö̧ja̧ ttöjö'cocö ji̧nö̧. Ja̧'hua̧nö̧ ja̧'a̧nä̧'i̧nä̧ Dios öjö'ca'attö, rö̧ȩnä̧ micuähuähuä.

2 Pedro 1:17

Tä'o Dios I̧tti̧ Jesucristorö esehua'a topinätöjä. Ja̧'hua̧ta̧nö̧ Dios i̧huȩnȩ eseunu ucuocua'a ä̧ju̧cui̧nä̧tö̧jä̧. Chutä Dios pä'inö: “Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä.”