San Mateo 12:10 - TÄ̧DO Ä̧CUÄ̧ I̧HUȨNȨ

¹⁰ Juhuodenä ya̧tȩ u̧mö̧ joi'inäcu ki̧nö̧do. Korotömä Jesúsru suronä ttucuocua pä'inätödo. Ja̧'hua̧nö̧ ja̧'a̧ttö̧ pä'inätödo Jesúsru: —¿Ya̧tȩ na̧'ä̧chö̧rö̧ ttö̧ja̧ 'cuättächi'ö mo̧ro̧ aditö tticu'a̧nö̧ ja̧'a̧ tä̧ji̧? —jä'epinätödo.

Nuevo Testamento Uwotjüja

¹⁰ Doächi'omȩnä̧, juodenä̧mä̧ u̧mü̧ ji̧mü̧tȩ jo'ächächinü̧ ya̧tȩ kki̧nü̧; jua̧u̧ ü̧ji̧yä̧u̧ Jesú-ru jä'epü ä̧ju̧kui̧nä̧tü̧, suronä̧ jȩpä̧ji̧ pä'ü, chutä ütü'kü jittäwa pä'ü ttusomȩ ja̧'a̧: ¿Sawaru mo̧ro̧'i̧nä̧ na̧'ä̧chü̧rü̧mä̧ aditü ttiku'anü̧ ja̧'a̧ pä'ü?

San Mateo 12:10 Iomraidhean Croise

San Mateo 12:2

Korotö fariseos huotö ja̧'hua̧nö̧ settoi'a'a topö, Jesúsru pä'inätödo: —Topi. Cu̧huo̧juȩtä̧u̧mä̧, ttö̧ja̧ 'cuättächi'ö mo̧ro̧mä̧, adicuocö mo̧ro̧mä̧, se'oi'ätödo.

San Mateo 19:3

Ja̧'hua̧ ja̧'a̧ korotö fariseos huotö Jesúsru tö'cönänö ichi'ö, suronä ttucuocuarö pä'ö jä'epinätödo: —Ya̧tȩ irecuarö ja̧'a̧tä̧ jaroi'äcuähuänämä, ¿adihua'a tä̧ji̧?

San Marcos 3:2

Korotömä Jesúsru yä̧huä̧i̧nä̧ to̧pä̧ri̧nä̧tö̧do, ja̧u̧ru̧ aditö icuaja pä'ö, ttö̧ja̧ 'cuättächi'ö mo̧ro̧ ja̧'a̧ttö̧. Jahuätömä suronä ttucuocua pä'inätödo Jesúsru.

San Lucas 11:54

Jesús päö ä̧ju̧cu̧ amöcuädä'chinätödo, huȩnȩtä̧rö̧ ttucuocuarö pä'ö.

San Lucas 13:14

Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ ra̧huä̧ri̧pi̧nö̧do, Jesús ttö̧ja̧ 'cuättächi'ö mo̧ro̧ aditö icuäjiyäcu. Ja̧'hua̧nö̧ ja̧'a̧ pä'inödo ttö̧ja̧rö̧: —Ko̧ro̧mö̧ttö̧nö̧ ya'ute mo̧ro̧ ka̧'a̧ adicuä mo̧ro̧mä̧. Ja̧u̧nu̧ mo̧ro̧ cuichätucu'a̧nö̧ ja̧'a̧ aditö cuicuätucua pä'ö, ttö̧ja̧ 'cuättächi'ö mo̧ro̧mä̧cö̧.

San Lucas 20:22

Ji'ähuitö, romanos ttö̧ja̧ ttu̧ru̧hua̧rö̧ pärätä timitomenä, ¿adihua'a tä̧ji̧?

San Lucas 23:14

Jahuätörö pä'inödo: —Ucutumä piderö i'cächipö pä'äjätöjä, ttö̧ja̧rö̧ yapareu huo̧juȩtö̧ ji'äudo pä'ö ji'ähuäjätöjä. Ja̧'hua̧nö̧ ja̧'a̧nä̧ ucutu cuä'catucu jo̧mȩttö̧ jä'epö chä̧ju̧cuo̧mȩnä̧, tocu'ätucu ta'anö, päcuhuätucumä yoröiso po̧cui̧po̧cö̧sä̧ ttömä.

San Lucas 23:2

Juhua'attö yapareu huȩnȩtä̧ ji'ähuinätödo ja̧u̧ru̧. Pä'inätödo: —Pidemä ujutu tahuaruhuä suronä jȩtta̧ pä'ö jiähua'a po̧cui̧pi̧nä̧tö̧jä̧. Ja̧u̧mä̧ romanos ttö̧ja̧ ttu̧ru̧hua̧rö̧ pärätä timitö juiyö'a̧nö̧ ja̧'a̧ pä'ödo. Ja̧'hua̧ta̧nö̧ “Ttötäsä Cristo” pä'ödo. Ja̧'hua̧nö̧ päomenä, “Ttötäsä ru̧hua̧mä̧,” pä'ödo, —pä'inätödo.

San Juan 5:10

Ja̧'hua̧nö̧ ja̧'a̧ttö̧ judíos ttö̧ja̧ pä'inätödo ja̧u̧ru̧, Jesús aditö icuäjäcuru: —Jitä mo̧ro̧, ttö̧ja̧ 'cuättächi'ö mo̧ro̧. Cu̧rä̧sa̧ cuȩpö̧ juiyö'a̧nö̧ ja̧'a̧.

San Juan 5:3

Ju̧huȩnȩ iso'u jäyänä i̧so̧ca̧nä̧ recuätö na̧'ä̧chä̧tö̧'i̧nä̧, ä̧to̧cä̧tö̧'i̧nä̧, cue'ächocotö'inä, 'cuä'ätö'inä rö̧ji̧nä̧tö̧do iso'u yuhuecua'a to̧pä̧rö̧.

San Juan 7:23

Jitä ucutu Moisés hueinö ta'anö ji̧'qui̧cha̧hua̧rö̧ circuncisión jȩpö̧ ttö̧ja̧ 'cuättächi'ö mo̧ro̧ jȩcu̧'ä̧tu̧cua̧'a̧nä̧, ¿tta̧'a̧nö̧ pä'ö cu̧ra̧huä̧rä̧tu̧cuä̧ttö̧ ttörö, ya̧tȩ na̧'ä̧chö̧rö̧ ttö̧ja̧ 'cuättächi'ö mo̧ro̧ aditö chicuäja'amä?

San Juan 8:6

Jahuätö ja̧'hua̧nö̧ jä'epinätödo ädäta'a ä̧ju̧cu̧, suronä ttucuocuarö pä'ö. Ja̧'hua̧ ja̧'a̧ Jesús rȩjȩcu̧ topö, udo'chenä huȩyu̧ti̧nö̧do rȩjȩ.

San Juan 9:16

Ja̧'hua̧ ja̧'a̧ttö̧ fariseos huotöttö korotö pö̧nä̧ pä'inätödo: —Ja̧'hua̧nö̧ jȩpä̧ji̧mä̧, Dios huȩ'ä̧hua̧mä̧cö̧. Ja̧u̧mä̧ ttö̧ja̧ 'cuättächi'ö mo̧ro̧ ucuotocö. Korotömä pä'inätödo: —Ya̧tȩ suronä jȩpö̧mä̧, ¿ja̧'hua̧nö̧ ttö̧ja̧ ttieru juäi jȩpö̧ tä̧ji̧? Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do.