San Mateo 11:25 - TÄ̧DO Ä̧CUÄ̧ I̧HUȨNȨ

²⁵ Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

Nuevo Testamento Uwotjüja

²⁵ Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 11:25 Iomraidhean Croise

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

San Mateo 21:16

Jahuätö pä'inätödo Jesúsru: —¿Pitö pätta'a, ä̧ju̧cu̧jä̧? Ja̧'hua̧ ja̧'a̧ Jesús ädätinödo: —A̧'a̧, ä̧ju̧cu̧sä̧. Ja̧'hua̧nö̧ ja̧'a̧nä̧ ¿Huȩyu̧cuä̧ Huȩnȩ päö'a̧nö̧ ucuocuocotö pä'ijätöjä tä̧ji̧? Ja̧u̧ huȩnȩ päa'a: Ppo̧'ä̧tö̧'i̧nä̧, ttatate isoya ji̧nä̧ ahuätö'inä adiunätä ra̧'ä̧tö̧ ucuru.

San Lucas 22:42

Ucuocuinödo: —Chä'o, ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Lucas 23:34

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

San Juan 11:41

Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.

San Juan 12:27

“Jitätä rö̧ȩnä̧ cha̧'cua̧ tta̧'ȩcu̧sä̧. ¿Tta̧'a̧nö̧ pädäcua'ajä̧ttö̧? “Chä'o, ttörö 'cuäopä̧cuȩmä̧ jȩpö̧ icuittö” ¿pädäcua'a tä̧ji̧? I̧socö̧. Ja̧'hua̧nö̧ ttörö 'cuäopa pä'ö ichinösä.

San Juan 12:28

Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

Hechos 17:24

“Dios pi̧jä̧ o'ca juiyönä, pi̧jä̧nä̧ ka̧cu̧'i̧nä̧, cuäcuähuotörö'inä aditinömä mo̧ro̧jä̧nä̧'i̧nä̧, pi̧jä̧nä̧'i̧nä̧ Ru̧hua̧ kö̧. Ja̧u̧ru̧ ucuocuäcuähuode, ttö̧ja̧ ttu̧mö̧nä̧ ttaditode, jacuämä ko̧cö̧.

1 Corintios 2:10

Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.

2 Corintios 3:14

Jahuätömä yoröiso ä̧ju̧cuo̧co̧tö̧ pi̧nä̧tö̧do. Jitä mo̧ro̧ päi'önä, ja̧u̧ täbocö hueähuä huȩnȩ ttucuocuomenä, ja̧u̧ juäi i̧sä̧ta̧ ji̧nä̧ ra̧'a̧ jä̧'i̧nö̧'a̧nö̧ ja̧'a̧. Jitä'inä ttucuocumä yoröiso ä̧ju̧cuo̧co̧tö̧. Ja̧u̧ i̧sä̧ta̧ tto̧ȩcuä̧rä̧ta̧, ya̧tȩä̧tä̧ Cristotä jȩpö̧ icu.