San Mateo 11:20 - TÄ̧DO Ä̧CUÄ̧ I̧HUȨNȨ

²⁰ Ja̧u̧nu̧ o'ca'a koro ötahuiyä ttö̧ja̧rö̧, chutä rö̧ȩnä̧ ttö̧ja̧ ttieru juäi jȩä̧ji̧mä̧ topinätörö, ro̧'ȩpö̧ ucuocuinödo Jesús. Jahuätö Jesús jȩö̧ tottomenä, yoröiso pärocuäcutä amöcuädocotö pi̧nä̧tö̧do. Jahuätörö pä'inödo:

Nuevo Testamento Uwotjüja

²⁰ Ja̧'wa̧ta̧nü̧ Jesú-mä̧ jȩtto̧kü̧ juei rü̧ȩnä̧ jȩi̧na̧'a̧nä̧, surojüttü kä'ädi'ü Dio-ku ppa̧ttä̧chi̧yo̧ko̧ku̧, ütawiyä ttü̧ja̧rü̧ rȩri̧jä̧tü̧nü̧ pä'inü̧:

San Mateo 11:20 Iomraidhean Croise

San Mateo 12:41

Yodoji mo̧ro̧, Dios ttö̧ja̧rö̧ pojocuä mo̧ro̧ päi'omenä, Dios pitö ttö̧ja̧rö̧ päomenä, Níneve ötahuiyänä ka̧cui̧nä̧tö̧'i̧nä̧ ä̧rä̧mi̧'ö̧ pättäcuotö ucuturu. Jahuätö, Jonás Dios i̧huȩnȩ jiähuomenä, pärocuäcutä amöcuädö esetinätödo. Jitämä ya̧tȩ Jonásttö'inä abonänö adihuä i̧sa̧ kö̧.

San Marcos 16:14

Ja̧u̧nu̧ o'ca'a u̧huo̧juȩtä̧u̧ ttö̧jä̧pö̧ttö̧nö̧ ya̧tȩnö̧rö̧, mesa isodänä ttö̧'a̧'a̧, i̧jȩcui̧nö̧do Jesús. Korotömä Jesús tto'ächäjirö topäjä'cotö jittähua'a, ttesetoca'attö, ttami iso'qui 'quitta'attö, ra̧huä̧rö̧nä̧nö̧ ucuocuinä̧u̧do.

San Marcos 9:19

Jesús ädätinödo: —¡Ucutu ttö̧ja̧ yoröiso esetocotöjä! ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo chami 'quidächi'äcua'ajä̧ttö̧ ucuturu? Ja̧u̧ mö̧ä̧ya̧rö̧ i'cächätucui pocu.

Hechos 17:20

Ujuturu ji'äujä tä̧ju̧cuo̧cö̧ ji̧nö̧ juäi. Tu̧huo̧jua̧ pä'ätöjä pi̧yȩ o'ca juiyönä tta̧'a̧nö̧ pä'ö pähuä ja̧ pä'ö.

2 Corintios 12:21

Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Apocalipsis 16:11

Ja̧'hua̧nö̧ ja̧'a̧nä̧ ja̧'hua̧nö̧ 'cuäopa'anä'inä, yoröiso pärocuäcutä amöcuädocotö pi̧nä̧tö̧, suronä jȩtta̧'a̧ jarotti'a pä'ö. Rö̧ȩnä̧ ubara ttutta'attö'inä, ttöttahuiyä na̧ttä̧cha̧'a̧ttö̧'i̧nä̧ Diosrö, mo̧ro̧jä̧nä̧ kö̧rö̧, suronätä ucuocuinätö.

Apocalipsis 16:9

O'ca toi'önä rö̧ȩnä̧ cuo'ö ki̧nä̧tö̧. Ja̧'hua̧nö̧ ja̧'a̧nä̧ pärocuäcutä amöcuädocotö pi̧nä̧tö̧. Diosrö esehuocotö pi̧nä̧tö̧. Pi̧yȩ surojö o'ca juiyönä ju̧ru̧hua̧rö̧ suronätä ucuocuinätö.

Apocalipsis 2:21

Täcö recuo tta̧'ä̧ri̧nö̧sä̧ pärocuäcutä kamöcuäda pä'ö. Ja̧'hua̧nö̧ ja̧'a̧nä̧ pä'ocoju. Suronä kö̧jö̧mä̧ yoröiso jaropi'ocoju.