San Mateo 10:35 - TÄ̧DO Ä̧CUÄ̧ I̧HUȨNȨ

³⁵ Ya̧tȩ i̧tti̧mä̧, jä'ocu örohuähua pä'ö ichinösä. Ja̧'hua̧ta̧nö̧ yajute kittijumä, ka̧ju̧cu̧ körohuähua pä'ö ichinösä. Ja̧'hua̧ta̧nö̧ yajute kö̧jo̧ri̧ju̧mä̧, kimiyajucu körohuähua pä'ö ichinösä.

Nuevo Testamento Uwotjüja

³⁵ Isopäi'ünä̧ ttü̧ja̧rü̧mä̧ ttä'oku'i̧nä̧, kki̧tti̧mü̧ nä̧tü̧ tta̧ju̧ku̧'i̧nä̧, kkü̧jo̧ri̧mü̧ nä̧tü̧ ttimiyajuku'i̧nä̧ ttürowäunä̧ ichinü̧sä̧;

San Mateo 10:35 Iomraidhean Croise

San Mateo 10:21

“Ja̧'hua̧ta̧nö̧ pi̧jä̧ ttö̧ja̧ ttamönä ttö̧jä̧hua̧tö̧rö̧ ttiyäcuotö korotörö, cuä'ö tticuiyatö pä'ö. Ttamönä ttä'o'inä tti̧tti̧mö̧rö̧ ttiyäcuotö. Ttamönä tti̧tti̧mö̧'i̧nä̧ ttä'orö ttiyäcuotö korotörö cuä'ö tticuiyatö pä'ö.

San Mateo 24:10

Ja̧u̧nu̧ pä̧nä̧ recuätö ttesetinö jarotti'äcuotö. Ttahuaruhuärö ra̧huä̧rö̧ kö'cocotö ttäcuotö. Korotörö'inä suronä jȩpä̧tö̧rö̧ ttiyäcuotö.

San Marcos 13:12

Pi̧jä̧ ttö̧ja̧ ttamönä ttö̧jä̧hua̧tö̧rö̧ ttiyäcuotö korotörö cuä'ö tticuiyatö pä'ö. Ttamönä ttä'o'inä tti̧tti̧mö̧rö̧ ttiyäcuotö. Ttamönä tti̧tti̧mö̧'i̧nä̧ ttä'orö ttiyäcuotö korotörö cuä'ö tticuiyatö pä'ö.

San Lucas 12:53

Ya̧tȩ jä'omä, i̧tti̧cu̧ ö̧ro̧huä̧huä̧cua̧. Ja̧'hua̧ta̧nö̧ i̧tti̧mä̧, jä'ocu ö̧ro̧huä̧huä̧cua̧. Yajute ka̧ju̧mä̧, kittijucu körohuähuäcuaju. Ja̧'hua̧ta̧nö̧ kittijumä, ka̧ju̧cu̧ körohuähuäcuaju. Kimiyajumä, kö̧jo̧ri̧ju̧cu̧ körohuähuäcuaju. Ja̧'hua̧ta̧nö̧ kö̧jo̧ri̧ju̧mä̧, kimiyajucu körohuähuäcuaju, —pä'inödo Jesús.

San Lucas 21:16

Ja̧'hua̧nö̧ ja̧'a̧nä̧ ucutu cuamönä cuä̧'o̧tö'i̧nä̧, cuamönä cu̧jä̧hua̧tö̧'i̧nä̧, cuamönä cuahuaruhuä'inä, cuamönä cu̧huo̧juä̧u̧'i̧nä̧, ucuturu ttiyäcuotö korotörö. Ucututtu yotöcunärö cuä'ö tticuäcuotö.