San Mateo 10:28 - TÄ̧DO Ä̧CUÄ̧ I̧HUȨNȨ

²⁸ Cuidepämä cuä'ö icuätörö yecuhuecuätucuä'. Jahuätö cua̧'cua̧ru̧hua̧rö̧ be'epö icuocotö. Pärocua'acu, chu ä̧cua̧rö̧tä̧ cuidepä'inä, cua̧'cua̧ru̧hua̧rö̧'i̧nä̧ ocuränä beipocaränä be'epö icurutä ye'ecuätucui.

Nuevo Testamento Uwotjüja

²⁸ Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

San Mateo 10:28 Iomraidhean Croise

San Mateo 10:26

Juhua'a yabonö huo̧juȩti̧nö̧do Jesús: —Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ yecuhuecuätucuä'. Yoröiso juiya'a yä̧huä̧i̧nä̧ jȩä̧cuä̧huä̧nä̧mä̧. O'ca juiyönä ttu̧huo̧juä̧cuo̧tö̧. Ja̧'hua̧ta̧nö̧ yoröiso juiya'a pi̧jä̧nä̧ dajicuämä. O'ca juiyönä tottäcuotö.

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Mateo 5:22

Jitämä ttö pä'ösä ucuturu, ya̧tȩ ö̧jä̧hua̧rö̧ ö̧ra̧huä̧rö̧ttö̧mä̧, ja̧u̧ru̧'i̧nä̧ ttö̧tä̧bo̧tö̧'a̧nö̧ ja̧'a̧. Ja̧'hua̧ta̧nö̧ ya̧tȩ suronä ädätö ucuocuttumä ö̧jä̧hua̧rö̧, ruhuotö ttö̧tä̧bo̧tö̧'a̧nö̧ ja̧'a̧ ja̧u̧ru̧. Ja̧'hua̧ta̧nö̧ ya̧tȩ ö̧jä̧hua̧rö̧ “suripächöjä” päöttömä, ja̧u̧mä̧ ocurä beipocaränä cuo'ö icu'a̧nö̧ ja̧'a̧.

San Juan 5:29

I̧huȩnȩ ttä̧ju̧cuo̧mȩnä̧, 'corupätti'inomettö rättopächäcuotö. Adiu jȩpi̧nä̧tö̧mä̧, kä̧cuä̧huä̧ i'co ttu̧ju̧nä̧ra̧ pä'ö ttottächäcuotö. Ja̧'hua̧nö̧ ja̧'a̧nä̧ suronä jȩpi̧nä̧tö̧mä̧, tä̧bo̧cuä̧nä̧ 'cuättopa pä'ö ttottächäcuotö, —pä'inödo Jesús.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Hebreos 10:31

¡Iso päi'önä Dios kö̧rö̧ u̧mö̧nä̧ ma̧'ö̧ yoröiso surojäcua'a!

Hebreos 11:35

Korotö nä̧tö̧ ttahuaruhuärö, 'corupätti'äja'attö Dios ttoädinä̧u̧ru̧ ku̧nä̧ri̧nä̧tö̧do. Yotöte Dios jarotti'oca'attö, korotö suronä jȩttä̧u̧ 'corupä'i'inätödo, ttottächö o'ca'a korotöttö'inä abonänö adiunä ttö̧ja̧cua̧ pä'ö.

Santiago 4:12

Ya̧tȩtä̧ Diostä hueähuä huȩnȩ iyinö. Ja̧u̧tä̧ Tä̧bo̧cuä̧ I̧sa̧ päi'önä kö̧mä̧. Ja̧u̧tä̧ kä̧cuä̧huä̧ iyö. Ja̧u̧tä̧ be'epäjipö i̧cuä̧cua̧. Ja̧'hua̧ ja̧'a̧ ¿dijä̧ttö̧ ucumä, cu̧jä̧hua̧rö̧ suronä jȩpö̧jä̧ pä'ä'chömä?

1 Pedro 3:14

Adiu cu̧ja̧cuä̧tu̧cuo̧mȩnä̧'i̧nä̧, ubara ttucuhuätucuttumä, eseunu cu̧ja̧cuä̧cuo̧tö̧jä̧. Ttö̧ja̧rö̧mä̧ yecuhuecuätucuä'.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.