San Mateo 1:20 - TÄ̧DO Ä̧CUÄ̧ I̧HUȨNȨ

²⁰ Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

Nuevo Testamento Uwotjüja

²⁰ Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Mateo 1:20 Iomraidhean Croise

San Mateo 1:18

Pa̧'a̧nö̧ ji̧na̧'a̧do Jesucristo uhuäpächinömä. Ja̧ju̧ Maríamä José pä'ö mi̧cua̧ irecua jä̧cua̧ju̧ pi̧nä̧ju̧do. Josécu kö̧jä̧cua̧'a̧ ä'canä muchaju pä'i'inäjudo Espíritu Santo ujuruttu.

San Mateo 2:12

Ja̧'hua̧nö̧ jȩttä̧ji̧ o'ca'a, Dios 'cuo̧ti̧nä̧ jiähuinä̧u̧do ru̧hua̧ Herodesrö ppa̧'ä̧chö̧ jittäu juiya pä'ö. Ja̧'hua̧nö̧ ja̧'a̧ttö̧ ko̧ro̧mä̧nä̧ ppa̧'ä̧chö̧ i̧hui̧nä̧tö̧do tti̧rȩjä̧ra̧'a̧.

San Mateo 2:13

Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

San Mateo 2:19

Ja̧'hua̧nö̧ ja̧'a̧ttö̧ Herodes hua'ö icuinö o'ca'a, ya̧tȩ ángel, Tu̧ru̧hua̧ huȩ'ä̧hua̧, Josérö i̧jȩcui̧nö̧do 'cuo̧ti̧nä̧ Egipto rȩjȩnä̧ ö̧ja̧'a̧. Ja̧u̧ pä'inödo:

San Mateo 2:22

Juhuorö'inä Herodes i̧tti̧ Arquelao Judea rȩjȩnä̧ ru̧hua̧ päi'önä ö̧ja̧'a̧ ä̧ju̧cu̧, José ye'ecuinödo juhua'a i̧'cha̧ pä'ö. Ja̧'hua̧nö̧ ja̧'a̧ttö̧ José u̧'cuo̧ti̧cuo̧mȩnä̧ Dios jiähuäji ta'anö, Galilea rȩjȩra̧'a̧ 'chi̧nö̧do.

San Mateo 27:19

Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

San Mateo 28:5

Ja̧'hua̧ ja̧'a̧ttö̧ ángel nä̧tö̧rö̧ pä'inödo: —Yecuhuecuätucuä'. Jesús, dau isodänä pȩ'o̧pö̧ ttu̧ju̧nä̧jä̧cu̧ru̧ topö ichäjätöjä huo̧jua̧sä̧.

San Lucas 1:19

Angel ädätinödo: —Ttömä Gabrielsä. Dios aditähuä chadita pä'ö kö̧sä̧. Ja̧u̧ hueäjäcusä pi̧yȩ adihuä juäi huȩnȩ chiya pä'ö ucuru.

San Lucas 2:4

Ja̧'hua̧nö̧ ji̧yä̧cu̧ José'inä Nazaret ötahuiyättö Galilea rȩjȩttö̧ rä'opö 'chi̧nö̧do Judea rȩjȩnä̧ Belén ötahuiyära̧'a̧, ru̧hua̧ David uhuäpächinomecu, Josémä David isotö i̧sa̧ ja̧'a̧ttö̧.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

Apocalipsis 19:7

Tesehuätucuaja. Eseäcuähuä suhuädi'önä tucuocuaja. Chutä Corderomä irecuarö ȩmä̧cuo̧mȩ päi'a'a. Irecuamä täcö jo̧mȩ päi'önä kä̧ju̧.