San Lucas 9:48 - TÄ̧DO Ä̧CUÄ̧ I̧HUȨNȨ

⁴⁸ Ja̧'hua̧nö̧ ja̧'a̧ päinä̧u̧do: —Ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörö hue'inörö'inä ppä'ädö. Ucutu cu̧'quȩtȩtu̧cu̧ttu̧ yoröiso usurä i̧sa̧mä̧, ja̧u̧tä̧ yabonänö ucuo i̧sa̧ jä̧cua̧.

Nuevo Testamento Uwotjüja

⁴⁸ päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Lucas 9:48 Iomraidhean Croise

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Mateo 18:14

Ja̧'hua̧ta̧nö̧ Cuä'o mo̧ro̧jä̧nä̧ kö̧ pitö ppo̧'ä̧tö̧ttö̧ ya̧tȩ'i̧nä̧ ire'tehuächa pä'ö yoröiso pä'ocö.

San Mateo 19:28

Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Mateo 25:45

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ttörö esetörö, usurä i̧sa̧rö̧'i̧nä̧ ttörö esetörö, ppäcuhuädätucuoca'anä, ttörötä ppä'ädocotö pi̧nä̧tö̧jä̧”, pä̧cua̧ Ru̧hua̧mä̧.

San Marcos 9:37

—Ja̧'hua̧ta̧nö̧ ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörötä ppä'ädocö. Ttörö'inä, ttörö hue'inörö'inä ppä'ädö, —pä'inödo Jesús.

San Lucas 10:16

“Ucuturu ä̧ju̧cu̧ esetätömä, ttörö'inä esetätö. Ja̧'hua̧ta̧nö̧ ucuturu kö'cocotömä, ttörö'inä kö'cocotö. Ja̧'hua̧ta̧nö̧ ttörö kö'cocotömä, ttörö hue'inörö'inä kö'cocotö, —pä'ö huo̧juȩti̧nö̧do Jesús.

San Lucas 14:11

Ya̧tȩ ucuo i̧sa̧ ö̧ja̧ pä'ömä, ucuo i̧sa̧ ko̧cö̧. Ja̧'hua̧ta̧nö̧ ya̧tȩ ucuo i̧sa̧ ö̧ja̧ pä'ocömä, ucuo i̧sa̧ ö̧jä̧cua̧, —pä'inödo Jesús.

San Lucas 22:26

Ja̧'hua̧nö̧ ja̧'a̧nä̧ ucutu ja̧'hua̧nö̧ jȩcu̧'ä̧tu̧cu̧ juiyö'a̧nö̧ ja̧'a̧. Pärocua'acu, ucututtu korotöttö'inä abonänö adihuä i̧sa̧mä̧, korotöttö'inä abonänö mö̧ä̧ya̧ ö̧jö̧'a̧nö̧ ö̧jä̧cua̧. Ja̧'hua̧ta̧nö̧ korotörö hue'ömä, ya̧tȩ huȩ'ä̧hua̧ ö̧jö̧'a̧nö̧ ö̧jä̧cua̧.

San Lucas 7:28

Ucuturu pä'ösä, Dios i̧huȩnȩ jiäcuähuä i̧sa̧ Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

San Juan 13:20

Iso päi'önä pä'ösä ucuturu, ya̧tȩ ttö huȩdä̧cua̧rö̧ ppä'ädömä, ttörö'inä ppä'ädö. Ja̧'hua̧ta̧nö̧ ya̧tȩ ttörö adiu ppä'ädömä, ttörö hue'inörö'inä ppä'ädö, —pä'inödo Jesús.

San Juan 14:21

Ttö huedinö u̧huo̧jua̧'a̧ttö̧ jȩpö̧mä̧, iso päi'önä ttörö repe'ö. Ttörö repe'örö, Chä'o'inä rȩpȩä̧cua̧ ja̧u̧ru̧. Ttö'inä ja̧u̧ru̧ rȩpȩdä̧cua̧sä̧. Ja̧'hua̧ta̧nö̧ ja̧u̧cu̧ chö̧jä̧cua̧sä̧, —pä'inödo Jesús.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

1 Pedro 5:6

Ja̧'hua̧nö̧ ja̧'a̧ttö̧ usurä isotö ttö̧jö̧'a̧nö̧, ka̧cuä̧tu̧cui̧ Dios ujurunä. Ja̧'hua̧nö̧ cu̧ja̧cuä̧tu̧cu̧ttu̧mä̧, Diosrö pä̧huä̧ rö̧jo̧mȩnä̧, korotö ucuturu ttucuota pä'ö jȩä̧cuo̧tö̧jä̧.

Apocalipsis 21:14

Ja̧u̧ ötahuiyä i̧so̧ca̧nä̧ ido'qui ttö̧jä̧pö̧ttö̧nö̧ to'quire ji̧na̧'a̧. Koro'quinä'inä, koro'quinä'inä chutä Cordero umöhuäyotö, Jesús hue'ähuotö tti̧mi̧mä̧ huȩyu̧cua̧'a̧ ji̧na̧'a̧.

Apocalipsis 3:21

O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.