San Lucas 9:39 - TÄ̧DO Ä̧CUÄ̧ I̧HUȨNȨ

³⁹ Espíritu su̧ro̧pa̧ ö̧jä̧mä̧dä̧rä̧'i̧jä̧cu̧, huoönä jä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Juiyo 'cuächi'omenätä cädä'ijäcu.

Nuevo Testamento Uwotjüja

³⁹ Ja̧'wa̧nü̧ ja̧'a̧ epíritu su̧ro̧pa̧ ujuru jȩo̧mȩnä̧, rü̧ȩnä̧ wopi'ä'ijü, i̧mȩrokuächa'attü änä̧ tteyuwoppa päi'ünä̧, usurä ȩmä̧u̧nä̧ jȩpü̧ räopächa päokoku pä'ijü.

San Lucas 9:39 Iomraidhean Croise

San Marcos 9:18

Korome i̧'cho̧mȩnä̧'i̧nä̧ espíritu su̧ro̧pa̧ ö̧jä̧mä̧dä̧rä̧'i̧jä̧cu̧. Rȩjȩ kiähui'önä jȩä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Acu ä̧chi̧ ä̧chi̧jö̧nä̧ jȩpä̧'i̧jö̧. Ja̧'hua̧nö̧ jȩo̧mȩnä̧ juiyupächi'ä'ijö. Täcö jä'epäjisä cu̧huo̧juȩtä̧u̧ru̧ espíritu su̧ro̧pa̧rö̧ rä'epö tticuiyattö pä'ö. Ja̧'hua̧nö̧ ja̧'a̧nä̧ hueyecuäjätö.

San Marcos 9:20

Ja̧'hua̧nö̧ päomenä, ja̧u̧ mö̧ä̧ya̧rö̧ i'cächinätödo. Espíritu su̧ro̧pa̧ Jesúsru tomenä, mö̧ä̧ya̧ na̧huä̧chi̧pö̧nä̧ jȩi̧nä̧cu̧do. Ja̧u̧ mö̧ä̧ya̧ rȩjȩ ma̧'ä̧mö̧ borepinödo. Änä tteyuhuoppa räopinäcudo.

San Marcos 9:26

Ja̧'hua̧nö̧ päomenä, espíritu su̧ro̧pa̧mä̧ huopinödo. Pä'äji ta'anö 'corupätti'a'a jä̧'i̧nö̧'a̧nö̧ na̧huä̧chi̧pö̧nä̧ jȩi̧nä̧cu̧do rä'opächö kä̧nö̧. Ju̧huȩnȩ ka̧cuä̧tö̧mä̧: —'Corupä'i'ö, —pä'inätödo.

San Lucas 4:35

Jesús hue'ö icuinödo espíritu su̧ro̧pa̧rö̧. Päinäcudo: —'Coruchi'i. Rä'opächi ja̧u̧ ubottö. Ja̧'hua̧ ja̧'a̧ espíritu su̧ro̧pa̧ öcäyucui'omenä, jahuätö ttä'ca jo̧mȩ rȩjȩ kiähui'önä jȩi̧nä̧cu̧do. Ja̧'hua̧nö̧ rä'opächinödo espíritu su̧ro̧pa̧ suronä jȩä̧cuä̧huä̧ juiyönä.

San Lucas 8:29

Ja̧'hua̧nö̧ pä'inödo Jesús espíritu su̧ro̧pa̧ räopächarö pä'ö hueäjiyäcu. 'Cuäopönä espíritu su̧ro̧pa̧ ö̧jä̧mä̧dä̧ri̧nä̧cu̧do. Ja̧'hua̧ta̧nö̧ u̧mö̧nä̧'i̧nä̧, ö̧jä̧pö̧nä̧'i̧nä̧ cuoräusanä nö̧'cä̧ri̧nä̧tö̧do. Ja̧'hua̧nö̧ ja̧'a̧nä̧ ja̧u̧ 'to̧rä̧huä̧rö̧ icuinödo cuoräusa. Ja̧'hua̧ta̧nö̧ espíritu su̧ro̧pa̧ de'acu töipächa pä'ö huȩä̧ri̧nä̧cu̧do.

San Lucas 9:38

Ja̧'hua̧nö̧ ja̧'a̧ ya̧tȩ ubo ttö̧ja̧ ttö̧'quȩtȩttö̧ pä̧i̧cu̧nä̧ pä'inödo: —Huo̧juȩcuä̧ I̧sa̧, topiyittö chi̧tti̧rö̧ juiyo chu ä̧cua̧ pä'ijö.

San Lucas 9:40

Täcö jä'epäjisä cu̧huo̧juȩtä̧u̧ru̧ espíritu su̧ro̧pa̧rö̧ rä'epö tticuiyattö pä'ö. Ja̧'hua̧nö̧ ja̧'a̧nä̧ hueyecuäjätö.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

Apocalipsis 9:11

Jahuätö cä̧'ö̧mä̧ ttu̧ru̧hua̧'i̧nä̧ ku̧nä̧ri̧nä̧tö̧. Ja̧u̧ ttu̧ru̧hua̧mä̧ reju beipocoju ángel pi̧nö̧. Ja̧u̧ i̧mi̧mä̧ hebreos tti̧huȩnȩnä̧ Abadón mi̧cui̧nö̧. Ja̧'hua̧ta̧nö̧ griegos tti̧huȩnȩnä̧ Apolión mi̧cui̧nö̧. Ujutu pä'ätöjä Be'epö Icuähuä I̧sa̧ pä'ö.