San Lucas 9:19 - TÄ̧DO Ä̧CUÄ̧ I̧HUȨNȨ

¹⁹ Jahuätö ädätinätödo: —Korotö pä'ätö: “Ja̧u̧mä̧ Juan el Bautistado.” Korotö pä'ätö: “Ja̧u̧mä̧ Elíasdo.” Korotö pä'ätö: “Täbocö Dios i̧huȩnȩ jiäcuähuä isotö pi̧nä̧tö̧ttö̧ tto'ächäji.”

Nuevo Testamento Uwotjüja

¹⁹ Pä̧u̧ ttädätinä̧ku̧: —Yotukunä̧mä̧, bautizo jȩä̧kuä̧wä̧ i̧sa̧ Ju̧a̧ pinü̧ pä'ä'ijätü, kkorotümä̧ Elía-jä̧do pä'ä'ijätü, ja̧'wa̧ta̧nü̧ kkorotütä, mo̧ täbokü profetas winä̧tü̧ttü̧, tto'ächinü̧jä̧do pä'ä'ijätü.

San Lucas 9:19 Iomraidhean Croise

San Mateo 14:2

Ja̧u̧cu̧ ka̧cui̧nä̧tö̧rö̧ pä'inödo: —Ja̧u̧mä̧ Juan el Bautistamä 'corupäi'ina'attö tto'ächinö. Ja̧'hua̧nö̧ ja̧'a̧ttö̧ ttö̧ja̧ ttieru juäi jȩpö̧, —pä'inödo.

San Mateo 3:1

Ja̧u̧nu̧ pä̧nä̧ Juan el Bautista ji'äu ichinödo Judea de'ara̧'a̧.

San Marcos 6:14

O'ca toi'önä Jesús jȩa̧'a̧ ä̧ju̧cui̧nä̧tö̧do. Ru̧hua̧ Herodes'inä ja̧u̧ huȩnȩ ä̧ju̧cui̧nö̧do. Chutä Herodes pä'inödo: —Ja̧u̧mä̧ Juan el Bautistamä 'corupäi'ina'attö tto'ächinö. Ja̧'hua̧nö̧ ja̧'a̧ttö̧ ja̧u̧ juäi ujuru ku̧nä̧rö̧.

San Marcos 6:15

Korotö pä'inätödo: —Ja̧u̧mä̧ Dios i̧huȩnȩ jiäcuähuä i̧sa̧ Elíasdo. Ja̧'hua̧ta̧nö̧ korotö pä'inätödo: —Ja̧u̧mä̧ täbocö Dios i̧huȩnȩ jiäcuähuä isotö ta'anö, Dios i̧huȩnȩ jiäcuähuä i̧sa̧do.

San Lucas 9:18

Koro mo̧ro̧ Jesús i̧mi̧cu̧nä̧ pä'i'ö ucuocuinödo Diosrö. U̧huo̧juȩtä̧u̧ ja̧u̧tä̧cu̧ ki̧nä̧tö̧do. Jäepinä̧u̧do: —¿Tta̧'a̧nö̧ pättättö ttö̧ja̧mä̧, ttörömä?

San Lucas 9:20

Ja̧'hua̧nö̧ ja̧'a̧ jäepinä̧u̧do: —Ucutumä, ¿tta̧'a̧nö̧ päcuhuätucuättö ttörömä? Ja̧'hua̧nö̧ ja̧'a̧ Pedro ädätinödo: —Ucumä Cristojä, Dios huȩ'ä̧hua̧jä̧.

San Juan 1:21

Ja̧'hua̧ ja̧'a̧ pä'äji ta'anö jä'epinätödo: —Ucumä, ¿di cu'ättö? ¿Dios i̧huȩnȩ jiäcuähuä i̧sa̧ Elíasjä tä̧ji̧? Juan pä'inödo: —Ttömä Elíascö̧sä̧. Ja̧u̧nu̧ o'ca'a jä'epinätödo: —Ja̧u̧ttu̧mä̧, Dios i̧huȩnȩ jiäcuähuä i̧sa̧ i̧chä̧cua̧ pättinäcumä ¿ucu tä̧ji̧? Ja̧'hua̧nö̧ jättepomenä, ädätinödo: —Tta̧'a̧huä̧jä̧, ttömä ja̧u̧mä̧cö̧sä̧.

San Juan 1:25

Jahuätö ja̧u̧ru̧ jä'epinätödo: —Ja̧u̧ttu̧mä̧, ucumä Cristo'inä, Elías'inä, Dios i̧huȩnȩ jiäcuähuä i̧sa̧'i̧nä̧ cu̧ju̧ juiyöttömä, ¿dä̧bö̧ bautizando jȩcu̧'ä̧jä̧ttö̧?

San Juan 7:40

Korotö ttö̧ja̧, Jesús ja̧'hua̧nö̧ päomenä ä̧ju̧cu̧, pä'inätödo: —Iso päi'önä, Dios i̧huȩnȩ jiäcuähuä i̧sa̧ i̧chä̧cua̧ pättinäcu, pidetä a̧'cua̧ra̧'a̧.

San Juan 9:17

Ja̧'hua̧ ja̧'a̧ttö̧ pä'äji ta'anö ja̧u̧ ä̧to̧qui̧nö̧rö̧ jä'epö ä̧ju̧cui̧nä̧tö̧do: —Ucuru tocu'a pä'ö aditö icuäjirömä, ¿tta̧'a̧nö̧ päcuhuäcujä̧ttö̧? Ja̧u̧ pä'inödo: —Ja̧u̧mä̧ Dios i̧huȩnȩ jiäcuähuä i̧sa̧do pä'ösä ttömä.