San Lucas 9:18 - TÄ̧DO Ä̧CUÄ̧ I̧HUȨNȨ

¹⁸ Koro mo̧ro̧ Jesús i̧mi̧cu̧nä̧ pä'i'ö ucuocuinödo Diosrö. U̧huo̧juȩtä̧u̧ ja̧u̧tä̧cu̧ ki̧nä̧tö̧do. Jäepinä̧u̧do: —¿Tta̧'a̧nö̧ pättättö ttö̧ja̧mä̧, ttörömä?

Nuevo Testamento Uwotjüja

¹⁸ Ja̧'wa̧nü̧ ja̧'a̧, ya'utenä̧ Jesú-mä̧ u̧wo̧juȩtä̧u̧kutä i̧mi̧ku̧nä̧ Dio-rü ukuoku 'chä̧ji̧'ka̧, u̧wo̧juȩtä̧u̧rü jä'epü ä̧ju̧kui̧nü̧: —¿Ttü̧ja̧mä̧, ttürümä̧ disädo pättä'ijä̧ttü̧?

San Lucas 9:18 Iomraidhean Croise

San Mateo 14:23

Ttö̧ja̧rö̧ röji jiähuäji o'ca'a, möä'cara̧'a̧ katä huä̧mi̧pi̧nö̧do Diosrö ucuocua pä'ö. Ni̧pä̧cho̧mȩnä̧, Jesús katä ki̧nö̧do möä'canä.

San Mateo 26:36

Ja̧u̧nu̧ o'ca'a Jesús u̧huo̧juȩtä̧u̧cu̧ Getsemaní pättome 'chä̧hui̧'i̧nö̧do. Jahuätörö pä'inödo: —Pȩnȩtä̧ pä̧mä̧dä̧tu̧cui̧. Ttömä yabonänöttö Chä'orö ucuocu 'chö̧sä̧.

San Lucas 11:1

Koro mo̧ro̧ päi'omenä, Jesús koromettö Diosrö ucuocuinödo. Ucuocu cädomenä, ya̧tȩ u̧huo̧juȩtä̧u̧ isotö i̧sa̧ jä'epinödo: —Tu̧ru̧hua̧, huo̧juȩti̧tö̧ Diosrö ucuocuäcuähuä, Juan el Bautista u̧huo̧juȩti̧nö̧ ta'anö chutäcu cue'ächätörö.

San Lucas 3:21

Ja̧'hua̧nö̧ 'cuäopäcua'a ä'canä Juan ttö̧ja̧rö̧ bautizando jȩo̧mȩnä̧, Jesúsru'inä bautizando jȩpi̧nö̧do. Ja̧'hua̧ ja̧'a̧ ji̧nä̧ Diosrö ucuocua'anä mo̧ro̧jä̧mä̧ bahuecuächina'ado.

San Lucas 6:12

Ja̧u̧nu̧ o'ca'a Jesús 'chi̧nö̧do möä'cara̧'a Diosrö ucuocua pä'ö. Yodo 'cuäoi'önä ucuocuinödo Diosrö.

San Lucas 9:19

Jahuätö ädätinätödo: —Korotö pä'ätö: “Ja̧u̧mä̧ Juan el Bautistado.” Korotö pä'ätö: “Ja̧u̧mä̧ Elíasdo.” Korotö pä'ätö: “Täbocö Dios i̧huȩnȩ jiäcuähuä isotö pi̧nä̧tö̧ttö̧ tto'ächäji.”

San Lucas 9:28

Ja̧u̧ päja'attömä ko̧ro̧mö̧ttö̧nö̧ huäbodäcuä mo̧ro̧ päi'omenä, Jesús möä'cara̧'a̧ Diosrö ucuocua pä'ö huämipinödo. Ja̧u̧tä̧cu̧ 'chi̧nä̧tö̧do Pedrocu, Jacobocu, Juancu.

San Lucas 9:29

Ja̧'hua̧nö̧ ja̧'a̧ Jesús Diosrö ucuocua'anä, ö'ä pärohuächinödo. Ö̧'ca̧tä̧huä̧ta̧mä̧ juiyo teönä sä̧ru̧nä̧ pärohuächi'ina'ado.