San Lucas 9:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧nä̧ ttö̧ja̧ i̧'chä̧ja̧'a̧ ä̧ju̧cu̧, o'ca'anä tti̧'chi̧nä̧cu̧do. Jesús ö̧jo̧mȩ tti̧'chi̧'o̧mȩnä̧, esehuinä̧u̧do. Dios Ttu̧ru̧hua̧ päi'önä ö̧jä̧cuȩ huȩnȩ ucuocu, na̧nȩpä̧tö̧rö̧ aditö i̧cui̧nö̧do.

Nuevo Testamento Uwotjüja

¹¹ Ja̧'wa̧nü̧ ja̧'a̧ ttü̧ja̧mä̧ wo̧jui̧'ü̧, o'ka'anä̧ 'chä̧jä̧tü̧rü̧; Jesú-mä̧, yawokuoka'a Dio weü wȩnȩ jiäwinä̧u̧ ja̧'wa̧ta̧nü̧ na̧nȩpä̧tü̧rü̧'i̧nä̧ aditü ikuinä̧u̧.

San Lucas 9:11 Iomraidhean Croise

San Mateo 12:15

Jesús ja̧'hua̧nö̧ ttucuocua'a ä̧ju̧cu̧, juhua'attö rä'opächinödo. Ttö̧ja̧ recuätö o'ca'anä 'chi̧nä̧tö̧do. O'ca toi'önä na̧'ä̧chä̧tö̧rö̧ aditö icuinödo.

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 21:31

Ja̧'hua̧nö̧ ja̧'a̧ttö̧ ¿tide jȩi̧nä̧ttö̧ jä'o päömä? Jahuätö pä'inätödo: —Äcuomenä hueäcutä adiu jȩpi̧nö̧. Ja̧'hua̧ ja̧'a̧ Jesús päinä̧u̧do: —Iso päi'önä pä'ösä ucuturu, korotömä ru̧hua̧ öäre pärätä ȩmä̧'i̧jä̧tö̧'i̧nä̧, nä̧tö̧ ja̧'a̧tä̧ra̧'a̧ huotö'inä ucututtu'inä ä'canä Dios i̧tti̧mö̧ pätti'äcuotö.

San Mateo 21:43

Ja̧'hua̧nö̧ ja̧'a̧ttö̧ ucuturu pä'ösä, Dios hueömä Dios ucututtu 'cho̧i̧pä̧cua̧, korotörö adiu hueö jȩpä̧tö̧rö̧ iya pä'ö.

San Lucas 1:53

Ttucua ppäi rö̧ji̧nä̧u̧ru̧mä̧, adihuä juäi cuäcuähuä iyinä̧u̧. Järe ruhuotörömä juiyönätä tti̧'cha̧ pä'ö hue'inö.

San Lucas 5:31

Jesús ädätinä̧u̧do: —Na̧'ä̧cho̧co̧tö̧mä̧ jahuapömä jä'epocotö jahuapö ru̧hua̧rö̧. Na̧'ä̧chä̧tö̧tä̧ jahuapö jä'epätö jahuapö ru̧hua̧rö̧.

San Lucas 8:1

Ja̧u̧nu̧ o'ca'a Jesús cue'ächinödo rö̧ȩnä̧ ötahuiyänä'inä, ppo̧ö̧ ötahuiyänä'inä, Dios Ru̧hua̧ päi'önä ö̧jä̧cuȩ huȩnȩ ji'äu kä̧nö̧. Ja̧'hua̧ta̧nö̧ ttö̧jä̧pö̧ttö̧nö̧ ta̧ju̧nu̧ hue'ähuotö ja̧u̧cu̧ cue'ächinätödo.

San Lucas 8:10

Ja̧'hua̧ ja̧'a̧ päinä̧u̧do: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ korotörömä ucuocusä koro juäi jä̧'i̧nö̧'a̧nö̧ jö̧ huȩnȩnä̧. Ja̧'hua̧nö̧ ä̧ju̧cu̧ to̧ttä̧ro̧mȩnä̧, topocotö. Ttä̧ju̧cuä̧ro̧mȩnä̧, 'cucuächi'oca'a ä̧ju̧cuä̧tö̧.

San Lucas 9:10

Ja̧'hua̧ ja̧'a̧ Jesús hue'ähuotö ppa̧'ä̧chö̧, ji'ähuinätödo Jesúsru jitötä jȩtti̧nö̧. Ja̧'hua̧nö̧ ja̧'a̧ jahuätörö o'ipö, korome ttö̧ja̧ tomecu, Betsaida ötahuiyä tö'cöcu 'chi̧nö̧do.

San Lucas 9:12

Täcö ni̧pä̧chi̧'o̧mȩnä̧, ttö̧jä̧pö̧ttö̧nö̧ ta̧ju̧nu̧ Jesús hue'ähuotö Jesúsru tö'cö 'chä̧hui̧'ö̧ pä'inätödo: —Ttö̧ja̧rö̧ ji'ähui, ötahuiyärä̧'a̧ tö'cönänö jo̧mȩ tti̧'cha̧ pä'ö 'cuä'ächi'ö ttu̧cuȩ ttȩma̧ pä'ö. Pȩnȩmä̧ yoröiso juiya'a.

San Lucas 9:2

Dios Ru̧hua̧ päi'önä ö̧jä̧cuȩ huȩnȩ jittähua pä'ö hueinä̧u̧do, na̧nȩpä̧tö̧rö̧'i̧nä̧ aditö tticua pä'ö.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

Romanos 10:14

Ja̧'hua̧nö̧ ja̧'a̧nä̧ ¿tta̧'a̧nö̧ jättepattö ttesetoca'ara̧'a̧mä̧? ¿Tta̧'a̧nö̧ ttesetattö Dios i̧huȩnȩ ttä̧ju̧cuo̧ca̧'a̧ra̧'a̧mä̧? ¿Tta̧'a̧nö̧ ttä̧ju̧cua̧ttö̧ jittähuoca'ara̧'a̧mä̧?

Romanos 10:17

Ja̧'hua̧ ja̧'a̧ttö̧ jittäu ttä̧ju̧cuo̧mȩnä̧, esetätö. Ja̧'hua̧ta̧nö̧ ttä̧ju̧cu̧mä̧, Cristo i̧huȩnȩ ja̧'a̧.

Romanos 15:3

Cristo'inä churutä pä̧huä̧ rö̧jö̧tä̧mä̧ amöcuädocö pi̧nö̧. Ja̧u̧ru̧ 'cuäopina'a Huȩyu̧cuä̧ Huȩnȩ päö'a̧nö̧: “Ucuru suronä ttucuocuinömä, ttörö ma̧i̧na̧'a̧.”

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.