San Lucas 8:8 - TÄ̧DO Ä̧CUÄ̧ I̧HUȨNȨ

⁸ Koro jacuä jähuämä ji̧'qui̧cha̧nö̧tä̧ rȩjȩ adihuome ma̧ä̧chi̧na̧'a̧do. Ja̧'hua̧nö̧ ja̧'a̧ ppöröhuinödo cien jo̧mȩ u̧huä̧ju̧ huȩjö̧nä̧. Ja̧u̧ ji'äu cä'ädö, Jesús pä̧i̧cu̧nä̧ pä'inödo: —Ä̧ju̧cuä̧tö̧mä̧, adiu ä̧ju̧cuä̧tu̧cui̧.

Nuevo Testamento Uwotjüja

⁸ Ja̧'wa̧ta̧nü̧ kkoromä̧ rȩjȩ adiwomȩ ma̧ä̧chi̧na̧'a̧; ja̧'wa̧nü̧ ja̧'a̧ jua̧u̧mä̧ bä'ipü rü̧ä̧chi̧nü̧ o'ka'a, jíkunä̧ u̧wä̧ju̧mä̧ ciȩnü̧ pünä̧ wȩji̧na̧'a̧. Pi̧yȩ ji'äu kkä̧nü̧ Jesú-mä̧ yabonü̧ pä'inü̧: «¡Ä̧ju̧kua̧ pä'ü, ä̧ju̧kuä̧kuä̧wä̧ kku̧nä̧rü̧mä̧ ä̧ju̧kui̧!»

San Lucas 8:8 Iomraidhean Croise

San Mateo 11:15

Ä̧ju̧cuä̧tö̧mä̧, adiu ä̧ju̧cuä̧tu̧cui̧.

San Mateo 13:23

Ja̧'hua̧ ja̧'a̧nä̧ koro rȩjȩ adihuome ma̧ä̧chi̧nö̧mä̧, korotö Dios i̧huȩnȩ adiunä ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧ jä̧'i̧nö̧'a̧nö̧ huotö. Korotömä koro jacuä jähuä ya'ute cien jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä treinta jo̧mȩnä̧ huȩji̧nö̧ ta'anö huotö, —pä'inödo Jesús.

San Marcos 4:20

Ja̧'hua̧nö̧ ja̧'a̧nä̧ korotömä Dios i̧huȩnȩ ä̧ju̧cu̧ esetätö. Jahuätö adiu ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧, jacuä jähuä rȩjȩ adihuome ma̧ä̧chö̧ huȩja̧'a̧ jä̧'i̧nö̧'a̧nö̧. Korotömä koro jacuä jähuä treinta jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä ya'ute cien jo̧mȩnä̧ huȩji̧nö̧ ta'anö huotö, —pä'inödo Jesús.

San Marcos 4:23

Ucutu ä̧ju̧cuä̧tö̧mä̧, ä̧ju̧cuä̧tu̧cui̧.

San Marcos 4:8

Koro jacuä jähuämä ji̧'qui̧cha̧nö̧tä̧, rȩjȩ adihuome ma̧ä̧chi̧na̧'a̧do. Ja̧u̧ jacuä jähuä adiu baumä, rö̧ȩnä̧ huȩji̧na̧'a̧do. Koromä treinta jo̧mȩnä̧ huȩji̧na̧'a̧do. Koromä sesenta jo̧mȩnä̧ huȩji̧na̧'a̧do. Koromä ya'ute cien jo̧mȩnä̧ huȩji̧na̧'a̧do.

San Marcos 7:16

Ucutu ä̧ju̧cuä̧tö̧mä̧, adiu ä̧ju̧cuä̧tu̧cui̧.

San Lucas 14:35

'Cäruäbö ö̧nö̧ä̧ juiyomenä, rȩjȩ i̧sa̧ppȩcu̧ 'cäruäböcu huihuatö jȩä̧cuä̧huä̧nä̧ yoröiso surojö. Do'opötä do'opö icuähuä. Ä̧ju̧cuä̧tö̧mä̧, adiu ä̧ju̧cuä̧tu̧cui̧, —pä'inödo Jesús.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Lucas 8:7

Ja̧'hua̧ta̧nö̧ koro jacuä jähuä ji̧'qui̧cha̧nö̧tä̧ so̧ä̧'cua̧nä̧ ma̧ä̧chi̧na̧'a̧do. Ja̧u̧mä̧ ja̧'hua̧ta̧nö̧ so̧ä̧'cua̧ttö̧ rȩä̧di̧'i̧nö̧do, yo̧mȩtȩnä̧ bahui'a'attö.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Apocalipsis 13:9

Ya̧tȩ ä̧ja̧ ku̧nä̧rö̧mä̧, ä̧ju̧cui̧.

Apocalipsis 2:11

A̧ja̧ ku̧nä̧rö̧mä̧, iglesias ruhuärö, Espíritu Santo päömä ä̧ju̧cui̧. O'ca toi'önä pi̧jä̧ttö̧'i̧nä̧ abonänö juruhuätömä, todärenä hua'ö icuähuämä yoröiso 'cuäopoca'a jä̧cua̧'a̧ jahuätörö.”

Apocalipsis 2:7

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. O'ca toi'önä pi̧jä̧ttö̧'i̧nä̧ abonänö juruhuätörö chiyäcuä̧u̧ kä̧cuä̧huä̧ i'co dau, Dios ö̧jo̧mȩ käi u̧huä̧ju̧ttu̧, ttucua pä'ö.”

Apocalipsis 3:13

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧.”

Apocalipsis 3:6

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧.”