San Lucas 8:43 - TÄ̧DO Ä̧CUÄ̧ I̧HUȨNȨ

⁴³ Jahuätö ttö̧'quȩtȩnä̧ yajute ppö'ottö na̧'ä̧chä̧ju̧'i̧nä̧ ki̧nä̧ju̧do. Ttö̧jä̧pö̧ttö̧nö̧ todäre a̧'ȩ ppö'ottö usurä isaju juo'inäjudo. Jahuapö ruhuotörö mi̧tä̧rö̧, ku̧ju̧nä̧rö̧mä̧ o'ca juiyönä be'ecuäjipö icuinäjudo. Ja̧'hua̧nö̧ ja̧'a̧nä̧ ppättädococua pi̧nä̧ju̧do.

Nuevo Testamento Uwotjüja

⁴³ Ja̧'wa̧nü̧ jo̧mȩ 'kä̧tȩnä̧, yajute doce-nü̧ años jo̧mȩnä̧ ppü'ottü usurä ȩmä̧wä̧'i̧ju̧, jawapü adikuä isotürü, kkiäre pärätä mitäu o'katoi'ünä̧rü̧tä̧ wȩjä̧rä̧kuä̧wa̧'a̧nä̧'i̧nä̧, yabokutä juoächä'ijäkua'i̧nä̧ kki̧nä̧ju̧.

San Lucas 8:43 Iomraidhean Croise

San Marcos 12:44

Jahuätö o'ca toi'önä ttöäre o'ca'a ka̧cui̧pa̧'a̧nä̧ iyäjätö. Jahuäjumä usurä isaju ka̧'a̧nä̧, o'ca juiyönä köäre ȩmä̧huä̧ micuä iyäjäju, —pä'inödo Jesús.

San Marcos 9:18

Korome i̧'cho̧mȩnä̧'i̧nä̧ espíritu su̧ro̧pa̧ ö̧jä̧mä̧dä̧rä̧'i̧jä̧cu̧. Rȩjȩ kiähui'önä jȩä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Acu ä̧chi̧ ä̧chi̧jö̧nä̧ jȩpä̧'i̧jö̧. Ja̧'hua̧nö̧ jȩo̧mȩnä̧ juiyupächi'ä'ijö. Täcö jä'epäjisä cu̧huo̧juȩtä̧u̧ru̧ espíritu su̧ro̧pa̧rö̧ rä'epö tticuiyattö pä'ö. Ja̧'hua̧nö̧ ja̧'a̧nä̧ hueyecuäjätö.

San Lucas 13:11

Ja̧'hua̧nö̧ ja̧'a̧ ju̧huȩnȩtä̧ ki̧nä̧ju̧do yajute dieciocho a̧'ȩ jo̧mȩnä̧ na̧'ä̧chi̧nä̧ju̧. Espíritu su̧ro̧pa̧ 'tu̧hua̧yu̧nu̧ kö̧jö̧nä̧ jȩi̧nä̧cua̧ pi̧nä̧ju̧do. Ja̧'hua̧nö̧ ja̧'a̧ttö̧ jahuäju yoröisotä jueönä päji'ö juiyönä ji̧nä̧cua̧do.

San Lucas 13:16

Ja̧'hua̧ta̧nö̧ paju, Abraham mi̧nä̧ isotö isajuru, dieciocho a̧'ȩnö̧ jo̧mȩnä̧ 'tu̧hua̧yu̧nu̧ kö̧jö̧nä̧ Satanás jȩi̧nä̧cua̧rö̧, ¿ttö̧ja̧ 'cuättächi'ö mo̧ro̧mä̧ aditö tticuococua pajaju tä̧ji̧?

San Lucas 8:27

Ja̧'hua̧nö̧ ja̧'a̧ huoi'cattö Jesús huä̧mi̧pä̧chi̧nö̧do de'acu. Ya̧tȩ ötahuiyä i̧sa̧ tö'cö i̧'chi̧'i̧nä̧cu̧do. Recuo ji̧na̧'a̧do ja̧u̧ ubo espíritus suropätörö u̧ju̧nä̧ri̧na̧'a̧ttö̧mä̧. Ö̧'ca̧tä̧huä̧ta̧'i̧nä̧ 'ca̧tä̧huo̧cö̧ pi̧nö̧do. Ja̧'hua̧ta̧nö̧ isodenä ko̧cö̧ pi̧nö̧do. Hua'are huattomettö ki̧nö̧do.

San Lucas 8:42

Ittiju yajuterötä ku̧nä̧ri̧nö̧do ttö̧jä̧pö̧ttö̧nö̧ todäre a̧'ȩ huaju. Jahuäju 'corupäji'ometä ji̧na̧'a̧do. Ja̧'hua̧nö̧ ja̧'a̧, Jesús i̧'cho̧mȩnä̧, recuätö ttö̧ja̧ 'chi̧nä̧tö̧do Jesúscu. Ja̧'hua̧nö̧ tti̧'cho̧mȩnä̧, 'cottächi'önä 'chi̧nä̧tö̧do.

San Lucas 8:44

Jahuäju Jesús abo ja̧'a̧nä̧ 'chä̧hui̧'ö̧ mȩ'i̧nä̧ju̧do ö̧'ca̧tä̧huä̧ta̧nä̧. Ja̧u̧nu̧tä̧ yotäcu kucuoja ojuchi'inäcuado.

San Juan 9:1

Jesús korome 'cuäopomenä, ya̧tȩrö̧ topinödo, uhuäpächina'anätä ä̧to̧ca̧rö̧.

San Juan 9:21

Ja̧'hua̧nö̧ ja̧'a̧nä̧ jitä ö'äre toa'amä jerupätöjä. Ja̧'hua̧ta̧nö̧ ö'äre aditö icuäjirö jerupätöjä. Ja̧u̧ru̧tä̧ jä'epätucui. Täcö böo ja̧'a̧. Chutä jiähuäcua'a̧nö̧ ucuturu.

Hechos 3:2

Ju̧huȩnȩtä̧ Diosrö ucuocuäcuähuodenä, ya̧tȩ uhuäpächina'atä päi'önä cue'ächocörö ȩpö̧ i'cächinätödo ahuaruhuä. Mo̧ro̧ji̧nö̧ a̧'u̧cuä̧ äpate Adihuate ä'ca ja̧u̧ru̧ rötinätödo, dodepätörö pärätä jäepa pä'ö mippoönä.

Hechos 4:22

Ttö̧ja̧ ta̧ju̧ a̧'ȩ abonänö huinödo, ttö̧ja̧ ttieru jȩpö̧ aditö tticuinäcumä.