San Lucas 7:38 - TÄ̧DO Ä̧CUÄ̧ I̧HUȨNȨ

³⁸ Ja̧'hua̧ta̧nö̧ ajuäu kä̧nö̧, Jesús ö̧jä̧pö̧ kada'ca ki̧'chȩrȩja̧nä̧ acuäbe'ö, kuhuo'chenä 'ca̧'ö̧ icuinäjudo ö̧jä̧pö̧mä̧. Ja̧u̧nu̧ o'ca'a ö̧jä̧pö̧ mȩ'ö̧, ameu to'inäjudo ja̧u̧ ö̧jä̧pö̧nä̧.

Nuevo Testamento Uwotjüja

³⁸ ajuäukkä̧nü̧ Jesú aboja̧'a̧ku̧nä̧ pä̧mä̧dü̧ kki̧'chȩrȩjamä̧ kkuwo'chenä̧ 'ka̧'ü̧; ü̧jä̧pi̧yä̧nä̧ 'chu̧'o̧pü̧nü̧ a̧mȩwoya tujepinä̧ku̧.

San Lucas 7:38 Iomraidhean Croise

San Mateo 5:4

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

San Lucas 22:62

Ja̧'hua̧ ja̧'a̧ Pedro rä'opächö, pä̧i̧cu̧nä̧ ajuähuinödo.

San Lucas 6:21

“Ucutu Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, sucuhuädi'önä cu̧ja̧cuä̧cuo̧tö̧jä̧. “Ucutu jitä cua̧'cua̧ tta̧'ȩcu̧nu̧ ajuähuätömä, eseunu ya̧cu̧huä̧huä̧cuo̧tö̧jä̧.

San Lucas 7:37

Ja̧'hua̧ ja̧'a̧ttö̧ ja̧u̧ ötahuiyänä ki̧nä̧ju̧do yajute isaju, suronä jȩpä̧ju̧. Jesús fariseo i̧sa̧ ojusodenä u̧cuȩ cuä̧nö̧ i̧'chä̧ja̧'a̧ ä̧ju̧cu̧, adihuä juäi alabastro ido'quittö adicuä̧yu̧, amehuoya a̧cuä̧yu̧, 'chu̧huä̧rä̧nö̧ 'chi̧nä̧ju̧do.

San Lucas 7:39

Ja̧'hua̧nö̧ ja̧'a̧ fariseo i̧sa̧ Jesúsru o'ipäjimä topö, amöcuädinödo: “Chujua iso päi'önä Dios i̧huȩnȩ jiäcuähuä i̧sa̧ jö̧ttö̧mä̧, huo̧juä̧chi̧'a̧ji̧ mȩja̧'a̧mä̧. Ja̧'hua̧ta̧nö̧ yajutä jȩjö̧'i̧nä̧ huo̧jua̧ji̧. Ihueye suronä jȩpä̧ju̧ pä'aji.”

San Juan 11:2

Ya̧ju̧tä̧ María, Lázaro na̧'ä̧chi̧nö̧ uböamä, amehuoya Jesús ö̧jä̧pö̧nä̧ da'epäjä'caju, kuhuo'chenä 'ca̧'i̧nä̧ju̧ pi̧nä̧ju̧do.

Santiago 4:9

Cua̧'cua̧ tta̧nö̧ jö̧nä̧ amöcuädätucui. Suronä jȩcu̧'ä̧tu̧cu̧mä̧, a̧'u̧ rö̧jö̧nä̧nö̧ cuami iso'quitucunä ajuähuätucui. Ya̧'ä̧huȩ'ö̧ kä̧nö̧, eseu jȩcu̧'i̧nä̧tu̧cu̧mä̧ jaropi'ö, ajuäcuähuätucui, Diosrö amöcuädö. Ja̧'hua̧nö̧ ja̧'a̧ cuesehuinätucu jaropi'ö, cua̧'cua̧ tta̧nö̧ jö̧nä̧ amöcuädätucui.