San Lucas 7:29 - TÄ̧DO Ä̧CUÄ̧ I̧HUȨNȨ

²⁹ Ja̧'hua̧nö̧ ja̧'a̧ ja̧u̧ ä̧ju̧cu̧, o'ca toi'önä ttö̧ja̧'i̧nä̧, ru̧hua̧ öäre pärätä ȩmä̧'i̧jä̧tö̧'i̧nä̧, Juan bautizando jȩi̧nä̧u̧mä̧, huo̧jui̧'i̧nä̧tö̧do Dios adihuä i̧sa̧ ja̧'a̧mä̧.

Nuevo Testamento Uwotjüja

²⁹ O'katoi'ünä̧ Ju̧a̧-rü̧ ä̧ju̧kuä̧tü̧mä̧, Roma jäwä pärätä ka̧ka̧kuä̧ isotü'i̧nä̧, jua̧u̧ bautizo jȩü̧nä̧ we'äwinä̧tü̧, isopäi'ünä̧ Dio-mä̧ adiutä jȩpü̧ pätta'attü̧.

San Lucas 7:29 Iomraidhean Croise

San Mateo 5:46

Iso päi'önä ucuturu repe'ätörötä repecuhuätucuttumä, ¿däje adihuä juäi cuȩmä̧tu̧cuä̧cua̧'a̧jä̧ttö̧? Korotö suronä jȩpö̧ ka̧cuä̧tö̧'i̧nä̧ ja̧'hua̧nö̧ jȩpä̧tö̧do.

San Lucas 20:6

Ja̧'hua̧ta̧nö̧ pi̧jä̧ ttö̧ja̧ huȩ'ä̧hua̧ pi̧nö̧ pätöttömä, ttö̧ja̧ o'ca toi'önä inädunä icuäu to'ädö tticuäcuotöjä a̧'cua̧ra̧'a̧, “Juanmä iso päi'önä Dios huȩ'ä̧hua̧ pi̧nö̧” tteseta'attö.

San Lucas 3:12

Ja̧'hua̧ta̧nö̧ 'chi̧nä̧tö̧do ru̧hua̧ öäre pärätä ȩma̧'i̧jä̧tö̧ bautizando tta pä'ö. Ja̧'hua̧ ja̧'a̧ttö̧ Juannö jä'epinätödo: —Huo̧juȩcuä̧ I̧sa̧, ujutumä ¿tta̧'a̧nö̧ jȩtä̧cua̧'a̧jä̧ttö̧?

San Lucas 7:28

Ucuturu pä'ösä, Dios i̧huȩnȩ jiäcuähuä i̧sa̧ Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

San Lucas 7:35

Iso päi'önä Dios u̧huo̧ju̧ jȩä̧cuä̧huä̧mä̧ topö huo̧juä̧tö̧jä̧ adihua'a pä'ö, —pä'inödo Jesús.

Hechos 18:25

Tu̧ru̧hua̧cu̧ adiu kä̧cuä̧huä̧ ttu̧huo̧juȩti̧nä̧cu̧do. Eseunu juruhuächi'ö ucuocuinödo. Jesús jȩi̧nö̧mä̧ huäjunä huo̧juȩtö̧ ji'ähuinödo. Ja̧'hua̧nö̧ ja̧'a̧nä̧ Juan bautizando jȩi̧nö̧tä̧ huo̧jui̧nö̧do.

Hechos 19:3

Ja̧'hua̧nö̧ pättomenä, Pablo jä'epinödo: —¿Däje cuesetinätucuättö, bautizado päcuhui'ätucuomenä? Jahuätö ädätinätödo: —Juan u̧huo̧juȩti̧nö̧ tesetomenä, bautizando jȩtti̧nä̧u̧jä̧.

Romanos 10:3

Dios jȩö̧ jerupätö ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧ ja̧'a̧ttö̧ jitötä jȩä̧cuä̧huä̧ usätö Dioscu ji̧nä̧ ji̧yȩtȩ huotö tta pä'ö. Ja̧'hua̧nö̧ jȩtta̧'a̧nä̧, Dios jȩö̧ ja̧u̧cu̧ ji̧nä̧ ji̧yȩtȩ huotö tta pä'ö iyähuocotö.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 16:5

Ja̧u̧nu̧ o'ca'a, chutä ángel ajiya u̧ru̧hua̧ pi̧nö̧mä̧ päa'a ä̧ju̧cui̧nö̧sä̧. Pä'inö: —Tu̧ru̧hua̧ Dios, adihuä i̧sa̧mä̧, jitä'inä kö̧, pä'äji'inä ki̧nö̧mä̧, ja̧'hua̧nö̧ ro̧'ȩpö̧ jȩcu̧'o̧mȩnä̧, adiunätä jȩpö̧jä̧.