San Lucas 7:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧, ¿däje juäi topö cui̧'chi̧nä̧tu̧cuä̧ttö̧? ¿Ya̧tȩ Dios i̧huȩnȩ jiäcuähuä i̧sa̧rö̧ topö i̧huä̧ji̧nä̧tö̧jä̧ tä̧ji̧? A̧, ja̧u̧ru̧tä̧ topö i̧huä̧ji̧nä̧tö̧jä̧. Ja̧'hua̧ta̧nö̧ ja̧u̧ Dios i̧huȩnȩ jiäcuähuä i̧sa̧ttö̧'i̧nä̧ abonänö adihuä i̧sa̧do.

Nuevo Testamento Uwotjüja

²⁶ Ja̧'wa̧nü̧ jo̧ka̧'a̧ jü̧ttü̧mä̧, ¿Dirü topü kuichäjätukuättü̧? ¿Ya̧tȩ profeta wa̧rü̧? Ja̧'wa̧nü̧ ja̧'a̧ A̧ päkuätukuttümä̧, ukuturu pä'üsä, Profeta winä̧tü̧ttü̧'i̧nä̧ abonä̧nü̧ wa̧ ja̧'a̧ pä'ü.

San Lucas 7:26 Iomraidhean Croise

San Lucas 1:76

Ja̧'hua̧ta̧nö̧ chi̧tti̧, Ju'toju Ru̧hua̧ Dios i̧huȩnȩ jiäcuähuä i̧sa̧ pä̧ttä̧cua̧jä̧. Tu̧ru̧hua̧ ä'canä cui̧'chä̧cua̧jä̧ u̧mä̧ni̧yä̧ jo̧mȩ päi'önä juȩ'ȩpä̧ya̧.

San Lucas 16:16

“Juan ö̧ji̧no̧mȩ jubötä ki̧na̧'a̧ Moisés hueähuä huȩnȩmä̧. Ja̧'hua̧ta̧nö̧ ki̧na̧'a̧ Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧. Ja̧u̧ ö̧ji̧nö̧ o'ca'a ji'ähuätö adihuä huȩnȩ, Dios Tu̧ru̧hua̧ päi'önä ö̧jä̧cuȩ huȩnȩ. O'ca toi'önä yo̧mȩtȩnä̧ dottächa pä'ö jȩpä̧tö̧.

San Lucas 20:6

Ja̧'hua̧ta̧nö̧ pi̧jä̧ ttö̧ja̧ huȩ'ä̧hua̧ pi̧nö̧ pätöttömä, ttö̧ja̧ o'ca toi'önä inädunä icuäu to'ädö tticuäcuotöjä a̧'cua̧ra̧'a̧, “Juanmä iso päi'önä Dios huȩ'ä̧hua̧ pi̧nö̧” tteseta'attö.

San Lucas 7:25

¿Däje juäi topö cui̧'chi̧nä̧tu̧cuä̧ttö̧? ¿Ya̧tȩ ö̧'ca̧tä̧huä̧ti̧yu̧ adihuä juäi 'ca̧tä̧u̧ru̧ topö i̧huä̧ji̧nä̧tö̧jä̧ tä̧ji̧? Ucutu huo̧juä̧tö̧jä̧ ttö̧'ca̧tä̧huä̧ti̧yu̧ adihuä juäi 'ca̧tä̧huä̧tö̧mä̧, pi̧jä̧tä̧ öadihuänätä ka̧cuä̧tö̧mä̧, ruhuotö ttojusodettötä topäcuähuotö.

San Lucas 7:27

Huȩyu̧cuä̧ Huȩnȩ pa̧'a̧nö̧ päa'a Juanrö: Ttö chi̧huȩnȩ ji'äuru cuä'canä hue'ösä. Ja̧u̧tä̧ a̧di̧tä̧cua̧ cu̧mä̧nä̧, päa'a.

San Juan 5:35

Juan koro lámpara adiu cuo'ö tȩa̧hua̧'a̧ jä̧'i̧nö̧'a̧nö̧ ki̧nö̧do. Ucutumä ja̧u̧ tȩa̧u̧nä̧ beometä eseunu cu̧ja̧cuä̧tu̧cua̧ pä'inätöjä.