San Lucas 6:14 - TÄ̧DO Ä̧CUÄ̧ I̧HUȨNȨ

¹⁴ Jahuätömä pitö ji̧na̧'a̧: Ka̧ra̧mä̧ Simón, Jesús koro i̧mi̧ Pedro pä'ö oinäcudo. Ka̧ra̧mä̧ Simón ö̧jä̧hua̧ Andrés pi̧nö̧do. Ka̧ra̧mä̧ Jacobo, ka̧ra̧mä̧ Juan, ka̧ra̧mä̧ Felipe, ka̧ra̧mä̧ Bartolomé pi̧nä̧tö̧do.

Nuevo Testamento Uwotjüja

¹⁴ Juätümä̧ pitü ji̧na̧'a̧: Simón, kkoro i̧mi̧mä̧ Peduru pä'ü oinä̧ku̧'i̧nä̧; ja̧'wa̧ta̧nü̧ ü̧jä̧wa̧ André'i̧nä̧; Sa̧ti̧a̧ku̧'i̧nä̧, Ju̧a̧'i̧nä̧, Felipe'i̧nä̧, Bartoromé'i̧nä̧,

San Lucas 6:14 Iomraidhean Croise

San Mateo 10:2

Pa̧'a̧nö̧ ja̧'a̧ jahuätö hue'ähuotö tti̧mi̧mä̧: äcuomenä Simón, koro i̧mi̧ Pedro pä'ö mi̧cui̧nö̧do, ka̧ra̧mä̧ ö̧jä̧hua̧ Andrés pi̧nö̧do. Ka̧ra̧mä̧ Jacobo, ö̧jä̧hua̧ Juancu, Zebedeo pä'ö mi̧cua̧ i̧tti̧mö̧ pi̧nä̧tö̧do.

San Mateo 10:3

Ka̧ra̧mä̧ Felipe, ka̧ra̧mä̧ Bartolomé, ka̧ra̧mä̧ Tomás, ka̧ra̧mä̧ Mateo, ru̧hua̧ öäre pärätä ȩmä̧'i̧jö̧ pi̧nö̧. Ka̧ra̧mä̧ Jacobo, Alfeo i̧tti̧ pi̧nö̧do. Ka̧ra̧mä̧ Lebeo, koro i̧mi̧ Tadeo pi̧nö̧do.

San Mateo 4:18

Jesús Galilea dubora jäyora cueächomenä, u̧mä̧tö̧ ta̧ju̧ru̧ po̧cui̧pi̧nö̧do. Ya̧tȩ Simón pä'ö mi̧cui̧nö̧do. Ja̧'hua̧ta̧nö̧ koro i̧mi̧mä̧ Pedro mi̧cui̧nö̧do. Ja̧u̧ ö̧jä̧hua̧mä̧ Andrés pä'ö mi̧cui̧nö̧do. Jahuätö po̧i̧ 'cho'ätö pi̧nä̧tö̧do. Ttöäre ma'ayä tticua'a topinödo Jesúsmä.

San Mateo 4:21

Ju̧huȩnȩ yabonänö 'chä̧nö̧, korotö ta̧ju̧ru̧ po̧cui̧pi̧nö̧do Jesús. Jahuätömä Jacobocu, ö̧jä̧hua̧ Juancu, Zebedeo i̧tti̧mö̧ pi̧nä̧tö̧do. Jahuätömä ttä'ocu huoi'canä ttöäre ma'ayä ti̧'chö̧ pȩji̧nä̧tö̧do. Jesús jahuätörö o'ipinödo.

San Marcos 1:19

Ja̧'hua̧ ja̧'a̧ Jesús yabonänö 'chä̧nö̧ topinödo Zebedeo i̧tti̧ Jacoborö, ö̧jä̧hua̧ Juancu huoi'canä ö̧'a̧'a̧. Jahuätömä ttöäre ma'ayä ti̧'chö̧ pȩji̧nä̧tö̧do.

San Marcos 1:29

Judíos ttu̧huo̧jui̧'i̧nodettö rättopomenä, Jacobocu, Juancu 'chi̧nö̧do Jesús, Simóncu, Andréscu ttojusodera̧'a̧.

San Marcos 14:33

Ja̧u̧cu̧ tti̧'cha̧ pä'ö o'ipinödo Pedrorö'inä, Jacoborö'inä, Juanrö'inä. Yabonänö i̧'cho̧mȩnä̧, rö̧ȩnä̧ ye'ö a̧cua̧ tta̧'ȩcui̧pi̧nö̧do.

San Marcos 3:16

Jahuätö ttö̧jä̧pö̧ttö̧nö̧ ta̧ju̧nu̧ pitötä ji̧na̧'a̧: Ka̧ra̧mä̧ Simón, Jesús koro i̧mi̧ Pedro pä'ö oinäcudo.

San Marcos 5:37

Korotömä chutäcu tti̧'chö̧ juiyönä pä'inödo. Pedrocutä, Jacobocutä, Juan, Jacobo ö̧jä̧hua̧cu̧tä̧ tti̧'cha̧ pä'ö oipinä̧u̧do.

San Marcos 9:2

Ko̧ro̧mö̧ttö̧nö̧ ya'ute mo̧ro̧ o'ca'a, Jesús o'ipinödo Pedrorö'inä, Jacoborö'inä, Juanrö'inä. Jahuätöcu inähuä, ju'toju isähuära̧'a̧ 'chi̧nö̧do. Juhua'attö Jesús pärohuächinödo jahuätö ttä'ca jo̧mȩttö̧.

San Lucas 5:10

Ja̧'hua̧ta̧nö̧ Simón ahuaruhuä Jacobocu, Juancu Zebedeo i̧tti̧mö̧ pi̧nä̧tö̧mä̧ ye'i'inätödo. Ja̧'hua̧nö̧ ja̧'a̧nä̧ Jesús pä'inödo Simónrö: —Yecuhuecuä'. Jitämä ttö̧ja̧rö̧ 'cho̧cu̧hui̧'ä̧cua̧jä̧.

San Lucas 5:8

Ja̧u̧ topö, Simón Pedro Jesús ä'ca jo̧mȩ ihue'quiyunä kä̧mä̧dö̧ pä'inödo: —'Quȩ'i̧pä̧chi̧ttö̧, Chu̧ru̧hua̧. Ttömä iso päi'önä suronä jȩpä̧'i̧jö̧sä̧.

San Lucas 6:13

Täcö mo̧ro̧ juomenä, huopinödo u̧huo̧juȩtä̧u̧ru̧. Ja̧'hua̧ ja̧'a̧ttö̧ jahuätöttö hue'inödo ttö̧jä̧pö̧ttö̧nö̧ ta̧ju̧nu̧ru̧, hue'ähuotö päi'önä.

San Lucas 6:15

Ka̧ra̧mä̧ Mateo, ka̧ra̧mä̧ Tomás, ka̧ra̧mä̧ Alfeo i̧tti̧ Jacobo, ka̧ra̧mä̧ Simón cananista i̧sa̧ pi̧nä̧tö̧do.

San Juan 1:45

Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.

San Juan 14:8

Ja̧'hua̧ ja̧'a̧ Felipe pä'inödo: —Chu̧ru̧hua̧, Cuä'orö tota pä'ätöjä. Ja̧u̧ru̧ totöttömä adihuäcua'a.

San Juan 6:5

Jesús recuätö ttö̧ja̧ o'ca'anä cue'ächätörö topö, Feliperö pä'inödo: —Pa̧'a̧nö̧ ttirecua'a, ¿tottö tȩmä̧cua̧'a̧jä̧ttö̧ cuäcuähuä ttucua pä'ö?

San Juan 6:8

Ja̧'hua̧ ja̧'a̧ttö̧ Simón Pedro ö̧jä̧hua̧ Andrés, ka̧ra̧ Jesús u̧huo̧juȩtä̧u̧ttu̧ i̧sa̧, pä'inödo:

Hechos 1:13

Ötahuiyänä 'chä̧hui̧'ö̧, isodenä do'ächi'ö, ju'toju i̧so̧ca̧nä̧ 'cha'chepächinätödo. Ju̧huo̧ca̧nä̧tä̧ ka̧cui̧nä̧tö̧do Pedro'inä, Jacobo'inä, Juan'inä, Andrés'inä, Felipe'inä, Tomás'inä, Bartolomé'inä, Mateo'inä, Alfeo i̧tti̧ Jacobo'inä, Simón cananista isotö i̧sa̧'i̧nä̧, Jacobo ö̧jä̧hua̧ Judas'inä.

Hechos 12:2

Juan uböo Jacoborö curodänä cuä'ö tticua pä'ö hue'inödo.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.