San Lucas 5:33 - TÄ̧DO Ä̧CUÄ̧ I̧HUȨNȨ

³³ Ja̧'hua̧ ja̧'a̧ttö̧ jahuätö pä'inätödo Jesúsru: —Juancu cue'ächätö'inä, fariseos huotöcu cue'ächätö'inä ttu̧cuȩ ttucuoca'a a̧do̧chö̧ jȩpö̧ rö̧ȩnä̧ Diosrö ttucuocua'anä, ucu cu̧huo̧juȩtä̧u̧mä̧, ¿tta̧'a̧nö̧ pä'ö ttu̧cuȩ cuä̧nö̧'i̧nä̧ ttahua au'inä 'cuäopönä jȩtta̧'a̧jä̧ttö̧?

Nuevo Testamento Uwotjüja

³³ Jesú-ru pä'inä̧tü̧: —¿Tta̧'a̧nü̧ pä'ü Ju̧a̧ u̧wo̧juȩtä̧u̧'i̧nä̧, fariseo wotü ttu̧wo̧juȩtä̧u̧'i̧nä̧ ttu̧kuȩ a̧do̧chü̧ Dio-rü ukuoku jȩtta̧'a̧nä̧, uku ku̧wo̧juȩtä̧u̧mä̧ a̧wä̧rü̧tä̧, kuä̧nü̧tä̧tä̧ jȩpä̧tü̧jä̧ttü̧?

San Lucas 5:33 Iomraidhean Croise

San Mateo 23:13

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

San Marcos 12:40

Ja̧'hua̧ta̧nö̧ rȩcua̧mö̧ ttojusode 'cho'ipätödo. Ja̧'hua̧nö̧ jȩtta̧'a̧, korotö ttieruhua pä'ö rö̧ȩnä̧ ucuocuätödo Diosrö. Jahuätötä ji̧nä̧ isocu rö̧ȩnä̧ tä̧bo̧cuä̧mä̧ ttȩmä̧cuo̧tö̧do, —pä'inödo Jesús.

San Lucas 11:1

Koro mo̧ro̧ päi'omenä, Jesús koromettö Diosrö ucuocuinödo. Ucuocu cädomenä, ya̧tȩ u̧huo̧juȩtä̧u̧ isotö i̧sa̧ jä'epinödo: —Tu̧ru̧hua̧, huo̧juȩti̧tö̧ Diosrö ucuocuäcuähuä, Juan el Bautista u̧huo̧juȩti̧nö̧ ta'anö chutäcu cue'ächätörö.

San Lucas 18:12

Ttömä koro semana'inä, koro semana'inä todäre mo̧ro̧ a̧do̧chö̧sä̧. To̧mö̧rȩ jähuä chȩmo̧mȩnä̧, ji̧yȩtȩ 'quȩ'ȩpö̧ iyösä ucuru o'ca juiyönä chȩmö̧ttö̧.”

San Lucas 2:37

Täcö recua ka'amä ochenta y cuatro a̧'ȩ ku̧nä̧ri̧nä̧ju̧do. Diosrö ucuocuäcuähuodettömä rä'opocoju pi̧nä̧ju̧do. Yodo'inä, mo̧ro̧'i̧nä̧ 'cuäopönä ucuocui'äjinäjudo Tu̧ru̧hua̧rö̧, ku̧cuȩ a̧do̧chö̧ kä̧nö̧.

San Lucas 20:47

Ja̧'hua̧ta̧nö̧ rȩcua̧mö̧ ttojusode 'cho'ipätödo. Ja̧'hua̧nö̧ jȩtta̧'a̧ korotö ttieruhua pä'ö, rö̧ȩnä̧ ucuocuätödo Diosrö. Jahuätötä ji̧nä̧ isocu rö̧ȩnä̧ tä̧bo̧cuä̧mä̧ ttȩmä̧cuo̧tö̧do, —pä'inödo Jesús.

San Lucas 5:32

Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä pärocuäcutä ttamöcuäda pä'ö, —pä'inödo Jesús.

San Lucas 5:34

Jesús jahuätörö ädätinödo: —Ya̧tȩ irecuarö ȩmo̧mȩnä̧, ahuaruhuä chutäcu ttö̧jo̧mȩnä̧, ¿a̧do̧chö̧ jȩttö̧'a̧nö̧ tä̧ji̧?

San Juan 1:35

Ja̧u̧nu̧ o'come mo̧ro̧, Juan umöhuäyotö ta̧ju̧cu̧ ki̧nö̧do ju̧huȩnȩtä̧.

San Juan 3:25

Ja̧'hua̧ ja̧'a̧ttö̧ Juancu cue'ächinätöttö yotöte, judíos ttö̧ja̧cu̧ jitötä ttamönä ttesetönä töcö icuähuä huȩnȩ ucuocuinätödo.

Hechos 9:11

Tu̧ru̧hua̧ ja̧u̧ru̧ pä'inödo: —Ä̧rä̧mi̧'ö̧ täi ji̧mä̧ja̧ mä̧nä̧ Jueä̧mä̧ pä'ö mi̧cuä̧mä̧nä̧. Juhua'attö Judas ojusodenä usi ya̧tȩ Tarso ötahuiyä ttö̧ja̧ i̧sa̧rö̧, Saulo pä'ö mi̧cua̧rö̧. Ttörö ucuocua'anä ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, ya̧tȩ Ananías pä'ö mi̧cua̧ doächa'a topö. U̧mö̧nä̧ mȩä̧cu̧ pä'äji ta'anö toa pä'ö.