San Lucas 4:35 - TÄ̧DO Ä̧CUÄ̧ I̧HUȨNȨ

³⁵ Jesús hue'ö icuinödo espíritu su̧ro̧pa̧rö̧. Päinäcudo: —'Coruchi'i. Rä'opächi ja̧u̧ ubottö. Ja̧'hua̧ ja̧'a̧ espíritu su̧ro̧pa̧ öcäyucui'omenä, jahuätö ttä'ca jo̧mȩ rȩjȩ kiähui'önä jȩi̧nä̧cu̧do. Ja̧'hua̧nö̧ rä'opächinödo espíritu su̧ro̧pa̧ suronä jȩä̧cuä̧huä̧ juiyönä.

Nuevo Testamento Uwotjüja

³⁵ Pä'ü woiyäku, Jesú-mä̧ ra̧wä̧ri̧pü̧nä̧nü̧ päinä̧ku̧: —¡'Koruchi'i! ¡jua̧u̧ ku̧jä̧ku̧ttü̧ rä'opächi!, päomȩnä̧. Jua̧u̧ ttü̧ja̧sa̧tä̧ ttü̧'kä̧tȩ jo̧mȩ ma̧ä̧ma̧'a̧nä̧, epíritu su̧ro̧pa̧mä̧ jua̧u̧ttü̧ rä'opächinü̧, jua̧u̧ru̧ suronä̧ jȩo̧ka̧'a̧nä̧tä̧.

San Lucas 4:35 Iomraidhean Croise

San Mateo 17:18

Ja̧'hua̧nö̧ ja̧'a̧ Jesús ro̧'ȩpö̧ pä'inödo espíritu su̧ro̧pa̧rö̧. Mö̧ä̧ya̧ttö̧ räopächäji o'ca'a, yotäcu adiu päi'inäcudo ja̧u̧ mö̧ä̧ya̧mä̧.

San Mateo 8:26

Jahuätörö ädätinödo: —¿Dä̧bö̧ yecuhuecuätucuättö juiyomä? ¡Adiunämä esetocotöjä!, —pä'inödo. Ja̧'hua̧nö̧ pä'ö ä̧rä̧mi̧'ö̧, kä̧ru̧'coppa'inä, dubora'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

San Marcos 1:26

Ja̧'hua̧nö̧ ja̧'a̧ espíritu su̧ro̧pa̧ öcäyucui'omenä, rȩjȩ kiähui'önä jȩi̧nä̧cu̧do. Ja̧'hua̧nö̧ jȩpö̧, pä̧i̧cu̧nä̧ huopi'ö rä'opächinödo ja̧u̧ ubottö.

San Marcos 4:39

Ja̧'hua̧ ja̧'a̧ttö̧ Jesús ä̧rä̧mi̧'ö̧, kä̧ru̧'coppa pä̧i̧cu̧nä̧ ucuocuinödo. Ja̧'hua̧ta̧nö̧ dubora'inä pä'inödo: —¡'Coruchi'i! ¡Huirochi'i! Ja̧'hua̧nö̧ päomenä, kä̧ru̧'coppa huirochi'ina'ado. Yoröiso ppahuoca'a ji̧na̧'a̧do.

San Marcos 9:26

Ja̧'hua̧nö̧ päomenä, espíritu su̧ro̧pa̧mä̧ huopinödo. Pä'äji ta'anö 'corupätti'a'a jä̧'i̧nö̧'a̧nö̧ na̧huä̧chi̧pö̧nä̧ jȩi̧nä̧cu̧do rä'opächö kä̧nö̧. Ju̧huȩnȩ ka̧cuä̧tö̧mä̧: —'Corupä'i'ö, —pä'inätödo.

San Lucas 11:22

Ja̧'hua̧nö̧ ja̧'a̧nä̧ chutättö'inä abonänö ju̧ru̧hua̧ ichi'ö ujuruhuomenä, ucurodä a̧mö̧cuä̧rä̧cuä̧huä̧ji̧ 'choipäcu. Ja̧'hua̧nö̧ ja̧'a̧ iyä'chö icu o'ca juiyönä 'choipäji.

San Lucas 4:23

Jesús pä'inödo: —Ucutu iso päi'önä pä'ätöjä pi̧yȩ pähuä päö'a̧nö̧: “Jahuapö ru̧hua̧, ucutä jahuapö cuamönä adicui.” Ja̧'hua̧ta̧nö̧ pä̧cu̧huä̧tu̧cuä̧cua̧sä̧: “Tä̧ju̧cui̧nö̧'a̧nö̧ Capernaum ötahuiyättö jȩcu̧'i̧nö̧, cuamönä cuidepiyuttu'inä ja̧'hua̧ta̧nö̧ jȩpi̧.”

San Lucas 4:39

Jesús ja̧rȩyu̧ pä'i'ö topinödo jahuäjuru. Ja̧'hua̧ ja̧'a̧ märichei'inä aditö icuinödo, yoröiso juiyönä päji'önä. Ja̧u̧nu̧tä̧ jahuäju ä̧rä̧mi̧'ö ttu̧cuȩ iyinäjudo.

San Lucas 4:41

Recuätö na̧nȩpä̧tö̧ttö̧mä̧ espíritus suropätö rä'ächinätödo. Huopö pä'inätödo: —Ucumä Dios I̧tti̧jä̧. Ja̧'hua̧nö̧ ja̧'a̧nä̧ Jesús jahuätö espíritus suropätö ttucuocu juiyönä hueinä̧u̧do, chutä Cristo ja̧'a̧mä̧ ttu̧huo̧jua̧'a̧ttö̧.

San Lucas 8:24

U̧huo̧juȩtä̧u̧mä̧ Jesús ä'omecu 'chä̧hui̧'ö̧, huopönänö pä'inätödo: —¡Huo̧juȩcuä̧ I̧sa̧! ¡Huo̧juȩcuä̧ I̧sa̧! Ma̧'ä̧chä̧tö̧jä̧. Ja̧'hua̧nö̧ ja̧'a̧ Jesús ä̧rä̧mi̧'ö̧ kä̧ru̧'coppa'inä, aje ppahua'a'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

San Lucas 9:39

Espíritu su̧ro̧pa̧ ö̧jä̧mä̧dä̧rä̧'i̧jä̧cu̧, huoönä jä̧'i̧jä̧cu̧. Na̧huä̧chi̧po̧mȩnä̧, änä tteyuhuoppa räopönä suronä jȩä̧'i̧jä̧cu̧. Juiyo 'cuächi'omenätä cädä'ijäcu.

San Lucas 9:42

Ja̧'hua̧nö̧ ja̧'a̧ mö̧ä̧ya̧ ötö'cöhuächi'a'a, espíritu su̧ro̧pa̧ rȩjȩ kiähui'önä jȩi̧nä̧cu̧do, pä'äji ta'anö na̧huä̧chi̧pa̧ pä'ö. Ja̧'hua̧nö̧ ja̧'a̧nä̧ Jesús espíritu su̧ro̧pa̧rö̧ ro̧'ȩpö̧ pä'inödo. Ja̧'hua̧nö̧ aditö icu, jä'orö iyinäcudo.

Apocalipsis 12:12

Esehuätucui mo̧ro̧jä̧'i̧nä̧, mo̧ro̧jä̧nä̧ ka̧cuä̧tö̧'i̧nä̧. Ja̧'hua̧nö̧ ja̧'a̧nä̧ pi̧jä̧nä̧ ka̧cuä̧tö̧'i̧nä̧, dubora rö̧oranä ka̧cuä̧tö̧'i̧nä̧ suronä 'cuäopäcua'a, chutä ähuettämä ra̧huä̧rö̧ kä̧nö̧ i̧mȩyȩhui̧na̧'a̧ttö̧ ucuturu. Ja̧u̧mä̧ a̧'u̧cua̧'a̧tä̧ ö̧jä̧cuȩ'i̧nä̧ huo̧jua̧.