San Lucas 4:34 - TÄ̧DO Ä̧CUÄ̧ I̧HUȨNȨ

³⁴ —Jȩcu̧'ä̧tö̧ Jesús Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧ huo̧jua̧sä̧.

Nuevo Testamento Uwotjüja

³⁴ Ja̧'a̧tä̧ topitü; ¿Däjé jȩ'kua̧ päkuätüttü̧ ujuturumä̧, Jesú Nazare ttü̧ja̧sa̧mä̧? ¿Ujuturu Be'epäjipü kuichäja'a? ukurumä̧ wo̧jua̧sä̧: Dio i̧sa̧ Sa̧tu̧ pä'ümä̧.

San Lucas 4:34 Iomraidhean Croise

San Mateo 8:29

Jahuätö huopinätödo Jesúsru: —¿Tta̧'a̧nö̧ jȩcu̧'ä̧cua̧'a̧jä̧ttö̧ ujuturu, Jesús, Dios I̧tti̧? ¿Ujuturu jo̧mȩ päi'oca'anä ubara ttuta pä'ö jȩpö̧ ichäjijä tä̧ji̧?

San Marcos 1:24

—Jesús, Nazaret i̧sa̧, ¿däje jȩpö̧ cuichäjättö ujuturu? ¿Ujuturu be'epäjipö icu ichäjijä tä̧ji̧? Ttö chu̧huo̧juä̧cu̧jä̧. Ucumä Diosttö adihuä i̧sa̧jä̧, huo̧jua̧sä̧.

San Marcos 1:34

Recuätö koromenä jö̧ märichei na̧'ä̧chä̧tö̧rö̧ aditö icuinödo. Ja̧'hua̧ta̧nö̧ recuätö espíritus suropätörö rä'epö icuinödo. Ja̧'hua̧nö̧ ja̧'a̧nä̧ jahuätö espíritus suropätö ttucuocu juiyönä hueinä̧u̧do, churutä ttu̧huo̧jua̧'a̧ttö̧.

San Marcos 5:7

Jesúsru huopönö pä'inödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús, Dios Ju'toju Ru̧hua̧ I̧tti̧? Dios i̧mi̧nä̧ pä'ösä ucuru. Suronämä ubara ttucuhue'ättö.

San Lucas 1:35

Angel ädätinödo: —Espíritu Santotä i̧chä̧cua̧ ucurumä. Dios Ju'toju Ru̧hua̧ ajiya isoppa jä̧'i̧nö̧'a̧nö̧ ujurunä ö̧jä̧mä̧dä̧cua̧ju̧jä̧. Ja̧'hua̧nö̧ ja̧'a̧ttö̧ ji̧'qui̧cha̧hua̧ uhuäpächä̧cua̧mä̧ adihuä i̧sa̧ jä̧cua̧. Ja̧'hua̧ta̧nö̧ pä̧ttä̧cua̧ Dios I̧tti̧ pä'ö.

San Lucas 4:33

Ju̧huȩnȩ ötahuiyänä, judíos ttu̧huo̧jui̧'i̧nodenä, ya̧tȩ espíritu su̧ro̧pa̧rö̧ ku̧nä̧rö̧mä̧ ki̧nö̧do. Ja̧u̧ huopinödo:

San Lucas 4:41

Recuätö na̧nȩpä̧tö̧ttö̧mä̧ espíritus suropätö rä'ächinätödo. Huopö pä'inätödo: —Ucumä Dios I̧tti̧jä̧. Ja̧'hua̧nö̧ ja̧'a̧nä̧ Jesús jahuätö espíritus suropätö ttucuocu juiyönä hueinä̧u̧do, chutä Cristo ja̧'a̧mä̧ ttu̧huo̧jua̧'a̧ttö̧.

San Lucas 8:28

Jesúsru topö, ä'ca jo̧mȩ ihue'quiyunä kä̧mä̧dö̧ huopinödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús Dios Ju'toju Ru̧hua̧ I̧tti̧? Ttö pä'ösä ucuru, suronämä ubara ttucuhue'ättö, —pä'inödo ja̧u̧ ubomä.

San Lucas 8:37

Ja̧u̧nu̧ o'ca toi'önä Gadara rȩjȩ ttö̧ja̧ Jesúsru tti̧rȩjä̧ttö̧ rä'opächö i̧hui̧ya̧tö̧ pä'ö hue'inätödo, juiyo rö̧ȩnä̧ yettecua'attö. Ja̧'huanö̧ ja̧'a̧ Jesús huoi'canä pä̧mä̧dö̧ i̧hui̧'i̧nö̧do.

Hechos 16:39

Ja̧'hua̧nö̧ ja̧'a̧ romanos ttö̧ja̧ tturuhuotö cärenä ttö̧'o̧mȩ 'chä̧nö̧, Pablorö, Silasrö pä'inätödo: —Ucuturu suronä jȩtä̧ji̧mä̧ unichi'ätucui. Cärenä ttö̧'o̧mȩttö̧ rä'epö icuäjä'cotö, Pablorö, Silasrö jä'epinätödo ötahuiyättö rättopa pä'ö.

Hechos 2:27

Ucu, Dios, cha̧'cua̧ru̧hua̧rö̧ jaropi'ocö cuä̧cua̧jä̧ hua'are ttötomettö. Chidepä'inä 'cuäipächoca'a jä̧cua̧'a̧, ttömä ucutä adiunä cu̧mö̧huä̧ya̧ cha'attö.

Hechos 3:14

Dios hueinö ta'anö jȩpi̧nö̧rö̧, adihuä i̧sa̧rö̧, kö'cocotö pi̧nä̧tö̧jä̧. Pilatorö jä'epinätöjä ya̧tȩ ttö̧ja̧rö̧ cuä'ö icuinörö rä'epö icua pä'ö.

Hechos 4:27

“Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.

Hebreos 2:14

Tti̧tti̧mö̧mä̧ ttidepä'inä, ttucuoja'inä ji̧nä̧ ji̧yȩtȩtä̧ ja̧'a̧. Ja̧'hua̧ta̧nö̧ hui̧nö̧do Jesucristo. Pi̧jä̧ttö̧ idepä'inä, ucuoja'inä ku̧nä̧ri̧nö̧do 'corupäi'a pä'ö. Ja̧u̧ 'corupä'i'inödo, 'corupäi'äcuähuänä ju̧ru̧hua̧rö̧, ähuettärö be'epäjipö icua pä'ö.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.

1 Juan 3:8

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

Apocalipsis 20:2

Ja̧u̧ ángel ojuo da'ä jä̧'i̧nö̧'a̧nö̧ hua̧rö̧, ja̧u̧ täbocö ä̧ca̧ pi̧nö̧rö̧, 'chu'ädinö. Ja̧u̧ ojuo da'ä̧ jä̧'i̧nö̧'a̧nö̧ hua̧mä̧ ähuettä'inä, Satanás'inä päi'önä kö̧. Ja̧u̧ru̧ 'chuhuädäji o'ca'a, ya'ute mil a̧'ȩ jo̧mȩnä̧ päi'önä, cuoräusa nö'cähua'a ki̧nö̧.

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.