San Lucas 4:29 - TÄ̧DO Ä̧CUÄ̧ I̧HUȨNȨ

²⁹ Ä̧rä̧mä̧cuä̧hui̧pi̧nä̧tö̧do. Ja̧'hua̧nö̧ ja̧'a̧ Jesúsru ötahuiyä u̧mi̧ rä'epö icuinätödo. Ja̧u̧ ötahuiyä möä'canä huȩji̧nö̧do. Ja̧'hua̧ ja̧'a̧ jahuä'cattötä ki'opö tticuarö pä'ö ȩpi̧nä̧tö̧do.

Nuevo Testamento Uwotjüja

²⁹ ä̧rä̧mä̧kuä̧wi̧'ü̧, Jesú-ru 'chu'ädo'ü ütawiyä u̧mi̧ku̧ rä'epü iku, ütawiyä kkü̧nä̧ro̧mȩ, mü̧ä̧'ka 'to'tose jo̧mȩ, rȩjȩku̧ kki'opü ttikuarü pä'ü ttȩmi̧pä̧ja̧'a̧nä̧,

San Lucas 4:29 Iomraidhean Croise

San Lucas 4:28

Pi̧yȩ huȩnȩ ä̧ju̧cu̧, o'ca toi'önä judíos ttu̧huo̧jui̧'i̧nodenä pȩjä̧tö̧ ra̧huä̧ri̧nä̧tö̧do Jesúsru.

San Juan 8:37

Ucutumä Abraham ahuaruhuä o'cotöjä täcö huo̧jua̧sä̧. Ja̧'hua̧nö̧ ja̧'a̧nä̧ ttö pädömä cuesetätucuoca'attö, ttörö cuä'ö cuicuätucua pä'ätöjä.

San Juan 8:40

Ja̧'hua̧ ja̧'a̧nä̧, iso päi'önä huȩnȩ, Dios ttörö u̧huo̧juȩti̧nö̧ huȩnȩ, ucuturu jidähuomenä, ttörö cuä'ö cuicuätucua pä'ätöjä. Abrahammä, ja̧'hua̧nö̧mä̧ yoröiso jȩpo̧cö̧ pi̧nö̧do.

San Juan 8:59

Ja̧'hua̧nö̧ päomenä, ido'qui ȩmo̧po̧'ö̧ tticua pä'inätödo Jesúsru. Ja̧'hua̧nö̧ ja̧'a̧nä̧ chutä dajahuächinödo. Jahuätö ttö̧'quȩtȩnä̧ 'cuä'opö, Diosrö ucuocuäcuähuodettö rä'opö 'chi̧nö̧do.

Hebreos 13:12

Ja̧'hua̧ta̧nö̧ Jesús ötahuiyä abocu 'corupä'i'inödo, pi̧jä̧ ttö̧ja̧rö̧ aditö icua pä'ö chutä ucuojanä.