San Lucas 4:17 - TÄ̧DO Ä̧CUÄ̧ I̧HUȨNȨ

¹⁷ Ttiyinäcudo huȩyu̧cuä̧'tä̧ Dios i̧huȩnȩ jiäcuähuä i̧sa̧ Isaías i̧huȩyu̧ti̧nä̧'tä̧. Ja̧'hua̧ ja̧'a̧ttö̧ teädomenä, po̧cui̧pi̧nö̧do pa̧'a̧nö̧ huȩyu̧cua̧'a̧:

Nuevo Testamento Uwotjüja

¹⁷ Ä̧rä̧mi̧'ä̧ja̧'a̧ profeta Isaía kuyäru'tä ttiyinä̧ku̧. Ttiyäjäku ba'epü toomȩnä̧ pa̧'a̧nü̧ wȩyu̧kuo̧mȩ po̧kui̧pi̧nü̧:

San Lucas 4:17 Iomraidhean Croise

San Lucas 16:29

Ja̧'hua̧nö̧ ja̧'a̧nä̧ Abraham pä'inödo: “Jahuätö täcö ku̧nä̧rä̧tö̧ Moisés'inä, Dios i̧huȩnȩ jiäcuähuä isotö'inä huȩyu̧tu̧ huettinö. Esetötä ttesetado.”

San Lucas 20:42

Chutä David, Salmos cuyäru'tänä pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧,

San Lucas 4:16

Ja̧'hua̧ ja̧'a̧ttö̧ Jesús Nazaret ötahuiyära̧'a̧ 'chi̧nö̧do, böo juoinö ötahuiyära̧'a̧. Ttö̧ja̧ 'cuättächi'ö mo̧ro̧ ihueye doächä'ijö juäi do'ächinödo judíos ttu̧huo̧jui̧'i̧nodenä. Huȩyu̧cuä̧ Huȩnȩ ucuocua pä'ö ä̧rä̧mi̧'i̧nö̧do.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Lucas 4:20

Ju̧huȩnȩ o'comenä, Jesús mö̧'ȩpi̧nö̧do huȩyu̧cuä̧'tä̧. Iyinödo judíos ttu̧huo̧jui̧'i̧nodenä ppädäcuähuä i̧sa̧rö̧. Ju̧huȩnȩ o'comenä, pä̧mä̧di̧nö̧do. O'ca toi'önä ju̧huȩnȩ pȩjä̧tö̧mä̧ to̧ttä̧ri̧nä̧cu̧do.

Hechos 13:15

Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

Hechos 13:27

Jerusalén ötahuiyänä ka̧cui̧nä̧tö̧'i̧nä̧, tturuhuotö'inä Jesúsmä ttö̧ja̧ surojöttö ttö̧ji̧pö̧nä̧ jȩä̧cua̧ pä'ö jerupinätödo. Ja̧'hua̧ta̧nö̧ Dios i̧huȩnȩ jiäcuähuä isotö tti̧huȩyu̧ti̧nö̧mä̧, o'ca juiyönä ttö̧ja̧ 'cuättächi'ö mo̧ro̧ ttucuocua'a ttä̧ju̧cua̧'a̧nä̧, 'cucuächi'oca'a ä̧ju̧cui̧nä̧tö̧do. Ja̧'hua̧ ja̧'a̧ jahuätötä, Jesús 'corupäi'a pä'ö jȩtto̧mȩnä̧, Dios i̧huȩnȩ jiäcuähuä isotö tti̧huȩyu̧ti̧nö̧ ta'anö 'cuäopa pä'ö jȩpi̧nä̧tö̧do.

Hechos 7:42

Ja̧'hua̧ ja̧'a̧ Dios jahuätöttö jaroi'inä̧u̧ si̧ri̧'cö̧rö̧tä̧ tteseta pä'ö, Dios i̧huȩnȩ jiäcuähuä isotö huȩyu̧cuä̧ huȩnȩ päö'a̧nö̧: Ttö̧ja̧ ta̧ju̧ a̧'ȩ 'cuäoi'önä ttö̧ja̧ tome cuecuhuächätucuomenä ucutu, Israel ttö̧ja̧, isotörö cuäcuhuätucuomenä, ucutu ttörö esehuocotö pi̧nä̧tö̧jä̧.