San Lucas 3:22 - TÄ̧DO Ä̧CUÄ̧ I̧HUȨNȨ

²² Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

Nuevo Testamento Uwotjüja

²² Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Lucas 3:22 Iomraidhean Croise

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Mateo 27:43

Diosrö esetina'attö, iso päi'önä Dios ja̧u̧ru̧ pä̧huä̧ rö̧jö̧ttö̧ ppädarödo. Ujuturu ji'ähuinö: “Ttösä Dios I̧tti̧” pä'inö, —pä'inätödo.

San Mateo 3:13

Ja̧'hua̧ ja̧'a̧ttö̧ Jesús Galilea rȩjȩttö̧ ichö 'chä̧hui̧'i̧nö̧do Jordán ajenä, Juan ö̧jo̧mȩ. Ja̧u̧mä̧, Juan bautizando jȩa̧rö̧ pä'inödo.

San Mateo 3:16

Jesúsru bautizando päji o'ca'a, yotäcu huämi'inödo jacuotottö. Ja̧'hua̧ päi'omenä mo̧ro̧jä̧mä̧ bahuecuächina'ado. Jesús topinödo Espíritu Santorö unucu ta'anö hua̧, i̧mȩyȩhui̧'a̧'a̧. Ja̧u̧tä̧ kä̧mä̧di̧nö̧do Jesúsru.

San Mateo 3:17

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä, —päina'ado.

San Marcos 1:11

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö Chi̧tti̧ rȩni̧'a̧jä̧. Ucuru juiyo eseusä, —päina'ado.

San Marcos 1:9

Ja̧u̧nu̧ mo̧ro̧ Nazaret ötahuiyä, Galilea rȩjȩttö̧ Jesús rä'opächinödo. Juanmä bautizando jȩi̧nä̧cu̧do Jordán ajettö.

San Marcos 9:7

Ja̧'hua̧nö̧ ja̧'a̧ ajiya isoppa mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Lucas 4:21

Ja̧u̧ pa̧'a̧nö̧ pä'ö ucuocuinödo: —Pi̧yȩ mo̧ro̧ 'cuäopa'a ja̧u̧ Huȩyu̧cuä̧ Huȩnȩ ucutu cuä̧ju̧cuä̧tu̧cua̧'a̧nä̧.

San Juan 1:32

Ja̧'hua̧ta̧nö̧ pä'inödo Juan: —Espíritu Santorö, unucu ta'anö hua̧, mo̧ro̧jä̧ttö̧ i̧mȩyȩhua̧'a̧ ja̧u̧ru̧ kä̧mä̧dö̧ topinösä.

San Juan 12:28

Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

San Juan 5:37

Chä'o'inä, ttörö hue'inömä, ttörö cuesetätucua pä'ö ucuocu. Ucutu ja̧u̧ i̧huȩnȩmä̧ yoröiso ä̧ju̧cuo̧co̧tö̧jä̧. Ja̧'hua̧ta̧nö̧ ja̧u̧ru̧ yoröiso topocotöjä.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

1 Pedro 2:4

Tö'cöpächätucui Tu̧ru̧hua̧rö̧, inähuä hua'ö icuocohuä jä̧'i̧nö̧'a̧nö̧ hua̧rö̧. Pi̧jä̧ ttö̧ja̧ ttöjö'cocö ji̧nö̧. Ja̧'hua̧nö̧ ja̧'a̧nä̧'i̧nä̧ Dios öjö'ca'attö, rö̧ȩnä̧ micuähuähuä.